Parau faaite

◼ Papai e pûpûhia mai te 1 e tae atu i te 15 no Atopa: Te Pare Tiairaa e Réveillez-vous! Mai te peu e e anaanatae te mau taata, a pûpû i te buka rairai E ara! e a tutava i te atuatu i tera anaanatae no te Bibilia. Mai te 16 no Atopa e tae atu i te 12 no Novema: Opereraa taa ê i te mau Parau apî o te Basileia n^o 37, “Ua fatata te hopea o te haapaoraa hape!” Mai te 13 e tae atu i te 30 no Novema: Écoute le grand Enseignant aore ra Ta ˈu Buka Aamu Bibilia. I te taata aita ta ˈna e tamarii, a pûpû i te api parau E hinaaro anei outou e ite hau atu â no nia i te Bibilia? Titema: Te taata rahi roa ˈˈe i ora aˈenei. E nehenehe atoa oe e pûpû: Te Bibilia—Parau na te Atua aore ra na te taata?; E nehenehe oe e ora e a muri noa ˈtu i roto i te paradaiso i nia i te fenua nei; aore ra Ta ˈu Buka Aamu Bibilia. Tenuare 2007: Te buka Ite aore ra te mau buka atoa i neneihia hou 1991. Mai te peu e aita faahou ta outou taua mau buka ra, a ani atu i te piha a te amaa. Aita anaˈe, e nehenehe e pûpû i te buka rairai E ara!

◼ E pae hopea hebedoma taatoa to Titema, e tano te reira no te rave i te taviniraa pionie tauturu.

◼ I roto i Ta tatou taviniraa i te Basileia nei, te vai ra te “Porotarama no te Haapiiraa o te taviniraa teotaratia 2007”; a faaherehere i te reira e tae noa ˈtu i te hopea matahiti 2007.

◼ E hiˈopoahia te video ra Pas de sang: la médecine relève le défi i te hoê Putuputuraa no te taviniraa i Tenuare. Ia hinaarohia, a ani oioi i te DVD aore ra te ripene video na roto i te amuiraa.

◼ E vauvauhia te oreroraa parau taa ê na te taatoaraa no te tau o te Oroa haamanaˈoraa 2007 i te Tapati 15 no Eperera. E faaitehia ˈtu te manaˈo tumu i muri aˈe. E faaroo te mau amuiraa e terehia ˈtu e te tiaau haaati aore ra e tairururaa ta ratou i taua hebedoma ra i te oreroraa parau taa ê i te hebedoma i muri iho. Eiaha te tahi noa ˈˈe amuiraa e vauvau i te oreroraa parau taa ê na mua ˈˈe i te 15 no Eperera 2007.