Haamanaˈoraa no te Haapiiraa o te taviniraa teotaratia
E hiˈopoahia te mau uiraa i muri nei i te Haapiiraa o te taviniraa teotaratia i te hebedoma o te 30 no Atopa 2006. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 4 no Tetepa e tae atu i te 30 no Atopa 2006. [Nota: No te uiraa aita i faataahia te papai, na oe e rave i ta oe iho maimiraa ia itea mai te pahonoraa.—A hiˈo i te École du ministère (be), api 36-7.]
TUHAA ORERORAA
1. No te aha mea faufaa ˈi te aueue ore ia paraparau tatou, e e nafea tatou e tamǎrû ai i to tatou taiâ? [be api 135 par. 5–api 137 par. 2, tumu parau tarenihia]
2. Ia uihia mai no nia i ta tatou mau tiaturiraa, no te aha e mea maitai ai ia tutava tatou i te faaohipa i te Bibilia ia pahono tatou? [be api 143 par. 1-3]
3. E nafea tatou e aravihihia ˈtu â ˈi i te faaohipa i te Bibilia? [be api 144, tumu parau tarenihia]
4. No te aha mea faufaa ˈi ia faaohipa pinepine i te Bibilia ia haapii tatou i roto i te taviniraa, e e nafea tatou e faaitoito ai i to ˈna faaohiparaa i te mau putuputuraa a te amuiraa? [be api 145-6, tumu parau tarenihia]
5. Eaha ta tatou na fa e piti ia faaô tatou i te hoê irava? [be api 147 par. 2]
VAUVAURAA NO 1
6. Eaha te poroi oraora e vai ra i roto i te Salamo? [si api 104 par. 23]
7. Inafea te Maseli i te papairaahia e te haaputuraahia? [si api 107 par. 5]
8. Eaha te hoê maseli, e no te aha te upoo parau Hebera o te buka e tano maitai ai? [si api 107 par. 6]
9. I roto i te Maseli 2:1-5 (MN), eaha tei taaihia i te faaitoitoraa e imi hua i te ite, te maramarama, e te haroaroaraa ‘mai te ario e mai te taoˈa hunahia ra’? [be api 38 par. 4]
10. E nafea te buka Maseli iho e faaite ai i to ˈna faufaaraa? [si api 109 par. 19]
TAIORAA BIBILIA TAHEBEDOMA
11. Mea nafea Davida ‘i tuu haehaa ˈi e i faanâ ˈi ia ˈna iho mai te tamaiti i mairi te û o to ˈna metua vahine,’ e e nafea tatou e pee ai ia ˈna? (Sal. 131:1-3)
12. Eaha te tamahanahanaraa e itehia i roto i te mau parau faaurua o te Salamo 139:7-12?
13. Eaha te tahi mau hiˈoraa o te rahi o Iehova i faahitihia i roto i te Salamo 145 e nehenehe ai tatou e arue ia ˈna i roto i ta tatou mau pure e te taviniraa i mua i te taata? (Sal. 145:3)
14. No te aha “te matamua o te [ite] ra” e “te matamua o te paari ra” o te mǎtaˈu ïa ia Iehova? (Mas. 1:7; MN; Mas 9:10)
15. I roto i te Maseli 7:1, 2 (MN), eaha tei taaihia i “ta ˈu nei parau” e i “ta ˈu [mau faaueraa]”?