Pahonoraa i ta outou mau uiraa

◼ E tano anei ia rave i te mau tumu parau e vauvauhia i te Haapiiraa o te taviniraa teotaratia e ia opere na vetahi ê?

E faatiahia te reira ia faaohipa ˈtu te mau melo utuafare e te tahi mau hoa piri no ratou iho. Eiaha râ te reira ia opere-haere-hia aore ra ia hoohia ˈtu, e ofati hoi te reira i te mau ture o te tiaraa fatu.—Roma 13:1.

No te tahi mau vauvauraa i te Haapiiraa o te taviniraa teotaratia, e horoa-noa-hia te hoê manaˈo tumu; aita i faataahia te papai. E faufaahia anei te hoê melo ia faaineine oia i te hoê tapura papai aore ra ia rave i te mau tumu parau ta te feia o te hohora i taua mau vauvauraa ra e faaohipa? Eita. Eita atoa e tano ia horoa i te mau pahonoraa o te mau uiraa o te haamanaˈoraa o te Haapiiraa o te taviniraa teotaratia na vetahi ê, eita hoi te reira e tauturu ia ratou ia haamanaˈo i te mau manaˈo faufaa. E mea tia ia rave te mau piahi i ta ratou iho mau maimiraa. E tuhaa faufaa te reira o te faaineineraa ta Iehova e horoa ra na roto i te haapiiraa o te tauturu ia tatou ia paraparau i “te arero o te feia ite.”—Isa. 50:4.