Parau faaite

◼ Papai e pûpûhia i Tiurai e Atete: Adorez le seul vrai Dieu aore ra Tahoêhia i roto i te haamoriraa o te Atua mau hoê roa. Mai te peu e ua haamatahia te hoê haapiiraa bibilia, e mea titauhia ia haapii i te buka rairai Titau e te buka Bibilia haapii na mua ˈˈe i te buka Adorez Dieu aore ra Tahoêhia i roto i te haamoriraa. Tetepa: Eaha ta te Bibilia e haapii mau ra? A rave i te hoê tutavaraa taa ê no te haamata i te haapiiraa i te farereiraa matamua. A hoˈi e farerei i te mau taata atoa ta oe i vaiiho i te buka ma te fa e haamata i te hoê haapiiraa bibilia. Atopa: Te Pare Tiairaa e Réveillez-vous! Mai te peu e e anaanatae te mau taata, a pûpû atu i te buka rairai E ara! e a tutava i te atuatu i tera anaanatae no te Bibilia.

◼ Mai Tetepa ˈtu, e horoa te mau tiaau haaati i te oreroraa parau no te taatoaraa “Eaha to oe roo i mua i te Atua?”

◼ Mai te hebedoma o te 8 no Tenuare 2007 atu, e haapii tatou i Te Apokalupo—Ua fatata roa to ˈna tatararaa hopea nei! i roto i te mau haapiiraa buka. Te faaineinehia ra te hoê neineiraa papai orarahi. I taua taime ra, ia navai maitai ïa ta te mau amuiraa pueraa buka, papai matauhia e papai orarahi.

◼ E mea titauhia ia hapono i te amaa i te mau aniraa no te taviniraa pionie tamau e 30 aˈe mahana hou te taio mahana i faataahia no te haamata i te taviniraa. E hiˈopoa te papai parau o te amuiraa e ua faaî-maitai-hia anei te reira. Mai te peu e aita te feia ani e haamanaˈo faahou ra i te taio mahana mau o to ratou bapetizoraa, e horoa ïa ratou i te tahi taio mahana huru fatata o ta ratou e tapao. E tapao atu te papai parau i nia i te api parau Activité du proclamateur (S-21).

◼ E ara te mau papai parau o te mau amuiraa e te vai ra ta ratou te hoê rata faatoroaraa i te pionie (S-202) na te pionie tamau taitahi o te amuiraa. Mai te peu e aita, a papai ïa i te amaa.

◼ E mea tia ia rave i te taioraa matahiti o te taatoaraa o te mau vea e te mau papai e toe ra i roto i te amuiraa i te 31 no Atete 2006 aore ra i te hoê taio mahana fatata. E ravehia taua taioraa ra mai tei ravehia i te mau avaˈe atoa e te taeae haapao i te mau mea neneihia, e e papaihia te mau numera taatoa i nia i te api parau Stock des publications (S-18). E nehenehe e ani i te numera taatoa o te mau vea e toe ra i te (mau) taeae haapao i te mau vea. Na te papai parau a te amuiraa e tiaau ra i te taioraa e haapao i te reira. E tuurima te papai parau e te tiaau peretiteni a te amuiraa e tiaau ra i te api parau. E faataehia ˈtu e toru api parau Stock des publications i te mau amuiraa atoa e tiaau ra. A hapono i te api matamua i te piha ohipa a te amaa ra eiaha ia mairi te 6 no Tetepa. A tapea i te piti o te api i roto i ta outou pueraa parau. E faaohipahia te toru o te api ei papaipairaa.