Putuputuraa no te taviniraa

Nota: Te vai ra i roto i Ta tatou taviniraa i te Basileia te porotarama o te hoê Putuputuraa no te taviniraa no te mau hebedoma atoa o Tiurai e Atete. E nehenehe te mau amuiraa e rave i te mau tauiraa e titauhia no te apiti atu i te tairururaa mataeinaa “Faaoraraa fatata!” Mai te peu e e tano, i te Putuputuraa no te taviniraa hopea hou te tairururaa, a faataa 15 minuti no te faahiti faahou i te mau aˈoraa e te mau haamanaˈoraa e tano i te mau tupuraa i ǒ tatou nei i roto i te api hau o teie avaˈe. Hoê aore ra e piti avaˈe i muri aˈe i ta outou tairururaa, a faataa 15 e tae atu e 20 minuti o te hoê Putuputuraa no te taviniraa (peneiaˈe ma te faaohipa i te tuhaa o te hinaaro o te amuiraa) no te hoê hiˈo-faahou-raa i te mau manaˈo faufaa o te tairururaa. E ere teie i te hoê hiˈo-faahou-raa o te porotarama taatoa o te tairururaa. Tera râ, a haafaufaa noa i te mau tuhaa o te tano roa i te ohipa pororaa. A ani i te feia e faaroo maira ia faataa mea nafea ratou i te faaohiparaa i tera haamaramaramaraa i roto i ta ratou taviniraa.

Hebedoma o te 10 no Eperera

Himene 49

10 mn: Parau faaara. Parau faaite maitihia o Ta tatou taviniraa i te Basileia. Ma te faaohipa i te mau manaˈo tauturu o te api 4 o Ta tatou taviniraa i te Basileia no Mati 2006 aore ra te tahi atu mau faaiteraa e tano i ta outou tuhaa fenua, a faaite e nafea ia pûpû i te Tour de Garde o te 15 no Mati e te Réveillez-vous! no Mati. I roto hoê o na faahiˈoraa, e pûpû atoa te taata poro i te buka Bibilia haapii i te fatu fare o te farii i te mau vea e o te faaite i te hoê anaanatae taa ê no te poroi o te Bibilia.

15 mn: “E nafea ia atuatu i te itoito rahi.”a A faaô mai i te mau faataaraa o Te Pare Tiairaa o te 15 no Tiunu 2002, api 14, paratarafa 13.

20 mn: “E nehenehe anei oe e faatano i ta oe porotarama?”b A rave i te hoê faaohiparaa i ǒ tatou o tera tumu parau. A faahiti i te tahi faanahoraa a te amuiraa no te poro i te ahiahi.

Himene 13 e pure faaotiraa.

Hebedoma o te 17 no Eperera

Himene 104

15 mn: Parau faaara. A haamahitihiti i te mau faanahoraa i ǒ tatou no te oreroraa parau taa ê no te taatoaraa. A faaitoito i te taatoaraa ia tamau i te faaohipa i te api hopea o te Tour de Garde o te 1 no Eperera no te titau manihini i te feia i tae i te Oroa haamanaˈoraa, te mau piahi Bibilia, e te tahi atu mau taata e anaanatae ra. A faatia poto e piti aore ra e toru tupuraa o te faaohiparaa i te Tour de Garde no te titau manihini i te taata ia haere mai i te oreroraa parau taa ê no te taatoaraa.

12 mn: Hinaaro o te amuiraa.

18 mn: “Faatereraa i te mau haapiiraa e haere i mua i te uputa e na roto i te niuniu parau.”c A faaô i te hoê faahiˈoraa poto e faaite ra eaha ta te hoê taata poro e nehenehe e parau no te rave i te tauiraa mai te uputa e tae atu ai i roto i te fare.

Himene 162 e pure faaotiraa.

Hebedoma o te 24 no Eperera

Himene 66

15 mn: Parau faaara. A taio i te tapura faufaa moni e te mau haamauruururaa no te mau ô. I te roaraa o Me, e tamau tatou i te opere i Te Pare Tiairaa e te Réveillez-vous! Ma te faaohipa i te mau manaˈo tauturu o te api 4 o Ta tatou taviniraa i te Basileia no Mati 2006 aore ra te tahi atu faaiteraa e tano i ta outou tuhaa fenua, a faaite e nafea ia pûpû i Te Pare Tiairaa o te 1 no Eperera e te Réveillez-vous! no Eperera. I muri aˈe i na faahiˈoraa, a huti i te ara-maite-raa i nia i te tahi atu mau tumu parau o tera na vea e anaanatae te taata o ta outou tuhaa fenua.

30 mn: “A tiai maite ia Iehova.”d Na te papai parau o te amuiraa. A faahiti i te tairururaa ta te amuiraa i titauhia ia amui atu. A ani i te feia e faaroo ra ia tatara e nafea te amoraa i te tareta tairururaa i te mau taime atoa i te oire tei reira te tairururaa e riro ai ei ravea no te poro. A faaitoito i te feia e faaroo ra ia faaohipa i te mau taime maitatai no te poro ma te faanaho ore e ia faaohipa i te api parau Veuillez suivre l’intérêt (S-43) no te tapao i te mau taata i anaanatae.

Himene 191 e pure faaotiraa.

Hebedoma o te 1 no Me

Himene 211

5 mn: Parau faaara. A haamanaˈo i te feia poro ia faahoˈi mai i ta ratou tapuraa taviniraa no Eperera. A tauaparau i te tumu parau tarenihia o te api 6, “Te manaˈo ra anei oe i te mau taata matau?”

10 mn: “E faaite anaˈe i te anaanatae mau—ma te hiˈo i te taata ma te faatura.”e A faaô mai i te hoê faahiˈoraa poto i reira te hoê taata poro e hiˈo ai i te hoê taata i te vahi taata, e haamata ˈi i te hoê tauaparauraa, e e poro atu ai.

15 mn: A feruriruri i te ohipa a Iehova. (Sal. 77:12) Oreroraa parau e tauaparauraa i nia i te Annuaire 2006. A hiˈo i te mau tuhaa faaitoito o te rata a te Tino aratai i roto i te api hau o Ta tatou taviniraa i te Basileia nei. A tauaparau i te mau manaˈo o te upoo parau iti “Traduction de la Bible.” (api 10-1) A faatia i te tahi mau tuhaa faufaa e tupuraa o te matahiti i mahemo. (api 6-64) A ani i te feia e faaroo ra ia faataa i te mau tuhaa ta ratou i au i to ratou taioraa i te Annuaire 2006. A faaitoito i te mau taata atoa ia faaohipa i te reira no te tauturu i te mau piahi Bibilia ia faatupu i te mauruuru no te faanahonahoraa a Iehova.

15 mn: “Ohipa faatianianiraa na te ao nei i te tairururaa mataeinaa “Faaoraraa fatata!”f A taio i te mau paratarafa.

Himene 82 e pure faaotiraa.

[Nota i raro i te api]