E nafea ia pûpû i te mau vea

La Tour de Garde 15 no Atopa

“No te taata e rave rahi, o te haapiiraa te taviri o te manuïaraa. I to oe manaˈo, te vai ra anei te hoê haapiiraa o te nehenehe e tauturu i te hoê taata ia maitai mai e ia faaruru i te mau fifi o te oraraa? [A vaiiho i te taata ia pahono. E a taio i te Roma 12:2.] Te faataa ra teie vea e nafea tatou e nehenehe ai e faufaahia i te haapiiraa maitai aˈe e vai ra.”

Réveillez-vous! 22 no Atopa

“E rave rahi o te au nei i te taio i te vea fatata i te mau mahana atoa. E manaˈo anei oe e e nehenehe e tiaturi pauroa i tei parauhia? [A vaiiho i te taata ia pahono.] Te horoa ra teie Réveillez-vous! i te mau manaˈo tauturu ia faufaahia te taata i te taioraa i ta ˈna vea. Te faaite atoa ra no te aha e mea tia ˈi ia vai ara.” A taio i te Maseli 14:15.

Te Pare Tiairaa 1 no Novema

“Te haapeapea nei te taata e rave rahi no te parau-tia ore na te ao nei. Te manaˈo ra anei oe e e nehenehe mau te hoê taata e taui i te ao? [A vaiiho i te taata ia pahono.] Te faataa ra teie vea eaha te mau haafifiraa o te hoê tauiraa. Te faaite atoa ra te reira o vai te faaore i tera mau haafifiraa, e e nafea oia e haamau ai i te hoê ao i reira te hau e te panaˈonaˈo ore mau e vai ai.” A taio i te Salamo 72:12-14.

Réveillez-vous! 8 no Novema

“I te fenua atoa nei, te vai ra te hoê taa-ê-raa rahi i rotopu i te feia moni e te feia veve. Te manaˈo ra anei oe e e nehenehe e rave i te tahi mea no te reira? [A vaiiho i te taata ia pahono. E a taio i te Mataio 6:9, 10.] Te faaite ra teie vea no te aha tatou e nehenehe ai e papu e e faaore te Basileia o te Atua i te mau taa-ê-raa e tairi nei i te huitaata i teie mahana.”