Putuputuraa no te taviniraa

Hebedoma o te 12 no Tetepa

Himene 29

10 mn: Parau faaara e parau faaite e tano o Ta tatou taviniraa i te Basileia. Faahiˈoraa: faaiteraa o te Tour de Garde o te 15 no Atete e o te Réveillez-vous! o te 22 no Atete; a rave faahou mai i te mau manaˈo tauturu o te api 8 o Ta tatou taviniraa i te Basileia no Atete 2005 (mai te peu e e tano i te tuhaa fenua a ta outou amuiraa). E nehenehe outou e faaohipa i te tahi atu mau faaiteraa au noa. Na te hoê matahiapo e rave i te faahiˈoraa matamua e na te hoê taurearea te piti. I muri aˈe i na faahiˈoraa taitahi, a haamahitihiti i te tahi mau tuhaa maitai o te faaiteraa.

20 mn: “E faaohipa anaˈe i to tatou taime ma te paari.”a A ani i te feia i tae mai ia faataa mai e mea nafea ratou i te faanahoraa no te faaherehere i te taime i te mau mahana atoa no te taio i te Bibilia. A faaitoito i te mau utuafare e te tahi atu mau taata ia faaohipa i te api hau o Ta tatou taviniraa i te Basileia no Me 2005 no te faanaho i te mau ohipa pae varua.

15 mn: “E faatere anaˈe i te mau haapiiraa bibilia o te paturu i te mau haereraa i mua.”b Aparauraa e te feia e faaroo ra i nia i te mau tuhaa 1 e 2 o te api hau. E nehenehe atoa Ta tatou taviniraa i te Basileia no Atete 2004, api 1, e hiˈohia. No te aha e mea faufaa ˈi ia faaineine maitai ia tatou i te mau taime atoa e faatere ai tatou i te hoê haapiiraa bibilia? Eaha ta tera huru faaineineraa e titau? A ani i te feia i tae mai ia faatia e mea nafea to ratou faaohiparaa i tera mau manaˈo tauturu. A faaoti ma te aparau rii i nia i te tumu parau tarenihia e vai ra i nia i te api matamua o te api hau.

Himene 110 e pure faaotiraa.

Hebedoma o te 19 no Tetepa

Himene 168

10 mn: Parau faaara. A haamanaˈo i te mau mea i haamahitihitihia i roto i te rata a te amaa, i te api matamua o teie nei Taviniraa i te Basileia.

20 mn: Eaha ta tatou i rave i te matahiti i mairi? E haamanaˈo te tiaau no te taviniraa i te matahiti taviniraa i mahemo e e tiatonu i nia i te ohipa maitai i ravehia i roto i te taviniraa. A haapopou ma te tano. A faahiti hoê aore ra e piti tuhaa e mea tia ia haapao te amuiraa i te roaraa o te matahiti apî. A aparau no nia i te taviniraa a te mau pionie; a haapopou atu no ta ratou ohipa maitai. A faahiti i te mau faahopearaa maitai i itehia no te tutavaraa i te tauturu i te feia aita e poro faahou ra.

15 mn: “A tamau i te faatupu i te maitai te tahi i te tahi.”c A ani i te feia i tae mai ia faahiti i te anaanatae î i te here ta to ratou mau hoa i faaite atu ia ratou.

Himene 199 e pure faaotiraa.

Hebedoma o te 26 no Tetepa

Himene 122

10 mn: Parau faaara. Tapura faufaa moni e taioraa o te mau haamauruururaa no nia i te mau ô. A haamanaˈo i te feia poro ia faahoˈi mai i ta ratou tapura taviniraa no Tetepa.

15 mn: Hinaaro o te amuiraa.

20 mn: E faaite anaˈe i te parau apî maitai maoti te mau vea. Oreroraa parau. I Atopa, e pûpû tatou i Te Pare Tiairaa e te Réveillez-vous! I roto i te mau parau omuaraa, a faahiti i te mau manaˈo tauturu o Ta tatou taviniraa i te Basileia no Fepuare 2005, api 8, paratarafa 3-6: (1) A pûpû i na vea e piti atoa. (2) A faanaho hoê mahana i te hebedoma no te opereraa vea. (3) A haamau i te hoê rahiraa vea e pûpû i te avaˈe. (4) I te mau taime tano atoa, a pûpû i te mau vea. (5) A faaohipa maitai i te mau vea tahito. A faatano i teie mau manaˈo tauturu i nia i te amuiraa. Faahiˈoraa: faaiteraa o Te Pare Tiairaa o te 1 no Tetepa e te Réveillez-vous! o te 8 no Tetepa ma te faaohipa i te mau manaˈo tauturu o te api 8 o Ta tatou taviniraa i te Basileia no Atete 2005 (mai te peu e e tano i te tuhaa fenua a ta outou amuiraa). E nehenehe outou e faaohipa i te tahi atu mau faaiteraa au noa. Hau atu â, a huti i te ara-maite-raa i nia i te tahi atu mau tumu parau o te vea ta te taata o te tuhaa fenua e nehenehe e au, e a rave i te hoê faahiˈoraa o te hoê tuhaa o taua mau tumu parau ra. I muri aˈe i te faahiˈoraa taitahi, a haamahitihiti i te tahi mau vahi faufaa o te faaiteraa.

Himene 3 e pure faaotiraa.

Hebedoma o te 3 no Atopa

Himene 54

5 mn: Parau faaara.

20 mn: “E tauturu anaˈe i te taata ia ‘auraro ma te aau atoa.’”d Mai te peu e e taimehia, a ani i te feia e faaroo ra ia haamataratara i te mau irava bibilia i horoahia.

20 mn: E faaoaoa anaˈe i to Iehova aau. (Mas. 27:11) A uiui e piti aore ra e toru tavini haapao maitai a Iehova mea maoro i roto i te parau mau. A ani ia ratou taitahi ia faaite mai hoê aore ra e piti faanahoraa tei tauturu ia ratou ia auraro noa ia Iehova. I rotopu i te mau mea e nehenehe e faahitihia, te vai ra ta ratou iho haapiiraa bibilia tamau, te tae-tamau-raa i te mau putuputuraa, te amuimuiraa i te tahi atu mau Kerisetiano taiva ore, te apitiraa ma te nephe taatoa i roto i te taviniraa, te mau pure ma te aau rotahi, e te aperaa i te faaanaanataeraa tia ore. Eaha te mau tamataraa o te auraroraa ta ratou i faaû, e mea nafea ratou i te faarururaa i te reira? Eaha te haamaitairaa i noaa mai no to ratou auraroraa?

Himene 170 e pure faaotiraa.

[Nota i raro i te api]