Haamanaˈoraa no te Haapiiraa o te taviniraa teotaratia
E hiˈopoa-parau-vaha-hia te mau uiraa i muri nei i te Haapiiraa o te taviniraa teotaratia i te hebedoma o te 27 no Tiunu 2005. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 2 no Me e tae atu i te 27 no Tiunu 2005. [Nota: No te uiraa aita i faataahia te papai, na outou e rave i ta outou iho maimiraa ia itea mai te pahonoraa.—A hiˈo i te École du ministère (be), api 36-7.]
TUHAA ORERORAA
1. No te aha e mau mauhaa haapiiraa puai mau te mau faaauraa e te mau faahohoˈaraa? (Gen. 22:17; Sal. 1:3; Iak. 3:6) [be api 240 par. 2-4, tumu parau tarenihia]
2. Ihea tatou e nehenehe ai e ite i te mau hiˈoraa o te haapii ra i te mau haapiiraa faufaa roa, e mea tia râ ia ara tatou i te hiˈopoa i te aha? [be api 242 par. 2-3]
3. E mea tia ia haamanaˈo tatou i te aha ia maiti tatou i te mau faahohoˈaraa maitai roa ˈˈe? [be api 244 par. 1-2]
4. No te aha e mea tia ˈi ia faaohipa tatou i te mau tauturu ite-mata-hia i roto i ta tatou haapiiraa, e mea nafea to Iehova na reiraraa? [be api 247 par. 1-2, tumu parau tarenihia]
5. E nafea tatou e nehenehe ai e faaohipa i te mau tauturu ite-mata-hia i roto i te taviniraa? [be api 248 par. 1–api 249 par. 2]
VAUVAURAA NO 1
6. Eaha te aratairaa a te Parau a te Atua no nia i te haapiiraa i te mau tamarii? [w03-F 15/3 api 12 par. 2; api 14 par. 4]
7. Mea nafea to Iehova faaiteraa i to ˈna anaanatae i te taurearea ra ia Davida, e mea nafea to Davida faaiteraa i to ˈna anaanatae ia Iehova? [w03-F 15/4 api 29 par. 3; api 30 par. 3]
8. No te aha Iehova i au ai i te tusia a Abela, e eaha ta te reira e haapapu ra ia tatou? (Gen. 4:4) [w03-F 1/5 api 28 par. 4–api 29 par. 1]
9. Eaha te “aˈo a Iehova” ta te Maseli 3:11 e faaue ra ia tatou eiaha e patoi atu? [w03-F 1/10 api 20 par. 2-4]
10. Eaha te auraa te ‘mauruururaa ia ˈna iho’ i roto i te Timoteo 1, 6:6-8? [w03-F 1/6 api 9 par. 1-2; api 10 par. 1]
TAIORAA BIBILIA TAHEBEDOMA
11. Eaha ta te atiraa here i rotopu ia Ionatana e o Davida i faahohoˈa? (Sam. 2, 1:26) [w89 1/1 api 17 par. 13]
12. Eaha te nehenehe e haapiihia na roto i te tamataraa matamua a Davida e afai i te afata o te faufaa i Ierusalema? (Sam. 2, 6:2-9)
13. I muri aˈe to Davida raua Bate-seba hararaa, no te aha ta raua tamaiti i pohe ai, i te mea e te na ô ra te Deuteronomi 24:16 e te Ezekiela 18:20 e eita te hoê tamaiti e pohe no te hapa a to ˈna metua tane? (Sam. 2, 12:14; 22:31)
14. Mea nafea to tatou iteraa e mea haavare ta Ziba parau no nia ia Mephiboseta? (Sam. 2, 16:1-4)
15. No te aha e hiˈoraa maitai ai no tatou te huru o Mephiboseta i roto i to ˈna tupuraa e o Ziba? (Sam. 2, 19:24-30)