Parau faaite

◼ Papai e pûpûhia i Mati: E ara! A pûpû i te feia e anaanatae mau ra i te buka Ite, e a tutava taa ê i te haamata i te mau haapiiraa bibilia. Eperera e Me: Te Pare Tiairaa e te Réveillez-vous! Ia hoˈi outou e farerei i te feia i faaite i te anaanatae, te feia iho â râ i haere i te Oroa haamanaˈoraa aore ra i te tahi atu tupuraa teotaratia, aita râ e apiti roa ra i te amuiraa, a tutava i te pûpû i te buka Adorez Dieu na roto i te reo Farani aore ra te buka Tahoêhia i roto i te haamoriraa na roto i te reo Tahiti. A rave i te hoê tutavaraa taa ê no te haamata i te hoê haapiiraa bibilia, mai te peu iho â râ e ua haapii aˈena te hoê taata i te buka Ite e te buka rairai Titau. Tiunu: Écoute le grand Enseignant. I te taata aita ta ˈna e tamarii, a pûpû atu i te buka Oaoa i te utuafare aore ra te buka Ite. A tutava i te haamata i te hoê haapiiraa bibilia.

◼ Te titauhia ra te mau amuiraa ia horoa te mau Pare Tiairaa e Réveillez-vous! apî i te feia poro i te taeraa ˈtu iho â. E nehenehe ïa te feia poro e taio i te mau vea hou a pûpû atu ai i roto i te tuhaa fenua. Ia na reira-atoa-hia no Ta tatou taviniraa i te Basileia, e e nehenehe te reira e operehia i roto i te mau haapiiraa buka a te amuiraa.

◼ Mai te peu e te opua ra outou e tere atu i te tahi fenua e e haere i te mau putuputuraa aore ra i te hoê tairururaa, ia faataehia ˈtu ta outou aniraa i te mau haamaramaramaraa no nia i te mau taio mahana, te mau hora e te mau vahi nohoraa i te amaa e tiaau ra i te ohipa i taua fenua ra. E itea mai ia outou te mau vahi nohoraa o te mau amaa i te api hopea o te Annuaire (a hiˈo i te Annuaire apî).

◼ E faaherehere te mau taeae papai parau o te mau amuiraa i te mau api parau Demande d’admission au service de pionnier permanent (S-205) e Demande d’admission au service de pionnier auxiliaire (S-205b) ia navai maitai. E nehenehe ratou e ani i te reira i nia i te Demande de publications (S-14). A faaherehere no te hoê aˈe matahiti.

◼ E tupu te Oroa haamanaˈoraa i te Mahana maha 24 no Mati 2005. Mai te peu e e putuputuraa ta ta outou amuiraa i te Mahana maha, e faanahohia ïa te reira i te tahi atu mahana o te hebedoma mai te peu e e vata te Piha a te Basileia. Mai te peu e eita, e eita e nehenehe e faatupu i ta outou Putuputuraa no te taviniraa, e faaôhia ïa te mau tuhaa o tera putuputuraa e tano iho â no ta outou amuiraa i roto i te tahi atu Putuputuraa no te taviniraa.

◼ Te parare nei na rotopu i te mau Ite no Iehova te tahi mau haruharuraa o ta tatou mau himene o te Basileia himenehia i nia i te hoê upaupa a te ao. Ua niuniu tau feia poro i te amaa no te ite mai te peu e ua faatiahia te reira e te faanahonahoraa. Ua ite matou i teie mau haruharuraa e te faaara ˈtu nei matou e aita matou i faatia i tera ohipa. No reira, eiaha na e opere e e iriti i teie mau haruharuraa na roto i te Internet. Te tiaturi nei matou e e haamaramarama teie faataaraa i te mau mea.