Te tahi mau faanahoraa e tauturu ia tatou ia haapae i te toto

E horoahia ˈtu te tareta Instructions médicales/Attestation prévisionnelle (Pas de sang) na te feia poro bapetizohia atoa, melo paari o te amuiraa, o te hinaaro. E nehenehe te feia poro bapetizo-ore-hia e papai i ta ratou iho mau faaueraa no ratou e no ta ratou mau tamarii ma te faatano i te mau parau o te tareta Instructions médicales/Attestation prévisionnelle aore ra o te Carte d’identité.

E nehenehe te mau tamarii bapetizo-ore-hia aitâ i naea te matahiti e fanaˈo i te hoê Carte d’identité mai te peu e e Ite no Iehova to ratou na metua e piti. I roto i te hoê utuafare e ere hoê o na metua i te Ite no Iehova, aore ra i roto i te hoê utuafare hoê anaˈe metua, e aparau te Kerisetiano i taua parau ra e te tahi atu metua.

I nia i te tareta Instructions médicales/Attestation prévisionnelle, te vai ra te tahi vahi no te papai i te mau faaiteraa no nia i na taata e piti e tia ia faaarahia i roto i te mau tupuraa ru. Te ani atu nei matou ia outou ia feruri maitai i te feia e tano ta outou e maiti no te paraparau no outou ia moe noa ˈtu to outou hiroa. Peneiaˈe te hoê fetii piri, Ite no Iehova aore ra eita, tei ineine i te paruru i to outou tiaraa no nia i te toto. E nehenehe atoa outou e papai i te iˈoa e te nohoraa o te hoê hoa Ite no Iehova o te faaite e o te turu i ta outou faaotiraa. Noa ˈtu eaha te tupuraa, a faaara maitai i taua mau taata ra i ta outou faaotiraa papu e patoi i te pâmuraa toto.

Ia reva noa ˈtu outou i te ara, aita i faanahohia e papai i te amaa no te ani i te hoê tareta Pas de sang na roto i te reo o te fenua. A rave noa hoê na roto i to outou iho reo e hoê na roto i te reo Beretane. Te mau aniraa atoa i te tareta na roto i te reo Beretane, a faaô atu ïa i roto i te parau aniraa i te mau papai.