Haamanaˈoraa no te Haapiiraa o te taviniraa teotaratia
E hiˈopoa-parau-vaha-hia te mau uiraa i muri nei i te Haapiiraa o te taviniraa teotaratia i te hebedoma o te 27 no Titema 2004. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 1 no Novema e tae atu i te 27 no Titema 2004. [Nota: No te uiraa aita i faataahia te papai, na outou e rave i ta outou iho maimiraa ia itea mai te pahonoraa.—A hiˈo i te École du ministère (be), api 36-7.]
TUHAA ORERORAA
1. Eaha hoê o te mau ravea maitai roa ˈˈe no te faatupu i te anaanatae o te taata e faaroo ra no nia i te hoê tumu parau? [be api 218 par. 3]
2. A faaite e pae tuhaa o te hoê faaotiraa maitai. [be api 220 par. 4–api 221 par. 4]
3. E nafea tatou e nehenehe ai e papu e e mea tano ta tatou mau faahitiraa parau? [be api 224 tumu parau tarenihia]
4. E nafea tatou e nehenehe ai e papu e te turu ra ta tatou mau vauvauraa parau i te mau putuputuraa i te tiaraa o te amuiraa ei “pou e te tumu o te parau mau ra”? (Tim. 1, 3:15) [be api 224 par. 1-4]
5. No nia i te mau tupuraa, te mau faahitiraa, e te mau faatiaraa no teie mahana, e nafea tatou e nehenehe ai e faaohipa i te Maseli 14:15? [be api 225 par. 1]
VAUVAURAA NO 1
6. E nafea e nehenehe ai e numera i te taime mai te Diluvi e tae roa ˈtu i to Adamu poieteraa? [si api 286 par. 12]
7. E nafea e nehenehe ai e faataa i te taio mahana o to Iesu haamataraa i ta ˈna taviniraa, e eaha te haapapuraa e vai ra no te tiaturi e ua hope te reira e toru matahiti e te afa noa i muri aˈe? [si api 287 par. 16]
8. (a) Inafea te tuuraahia ‘te parau e rave faahou e e patu ia Ierusalema’? (b) Ehia matahiti e mairi mai taua taime ra e tae atu ai i te faraa mai o Iesu ei Mesia? (Dan. 9:24-27) [si api 291 par. 18-9]
9. Eaha te tatarahaparaa haavare ore e ‘faite [aore ra faahau] ai tatou e to tatou taeae’? (Mat. 5:23, 24) [w02 1/11 api 6 par. 1, 5]
10. Eaha ta Te mau arii 2, 13:18, 19 e haapii maira no nia i te raveraa i te mau ohipa ta te Atua e horoa mai? [w02 1/12 api 31 par. 1-2]
TAIORAA BIBILIA TAHEBEDOMA
11. No te aha te ati Iseraela e nehenehe ai e horoa na te taata ê e parahi ra i ǒ ratou aore ra e hoo atu na te hoê taata ê i te hoê animara pohe aita te toto i faatahehia ta ratou iho e ore e amu? (Deut. 14:21)
12. Eaha te haapiiraa e horoahia maira e te Deuteronomi 20:5-7?
13. No te aha te raveraa “i te ofai oro to raro aˈe e to nia iho ei mauhaa” i au ai i te raveraa “i te mea e ora ˈi”? (Deut. 24:6)
14. I te mea e ua opanihia te ati Iseraela ia amu i te tahi toâhua, eaha te auraa to ratou amuraa i “te [toâhua] o te mamoe oni”? (Deut. 32:13, 14; MN)
15. I teie tau, eaha te tuati i te hara a Akana? (Ios. 7:1-26) [w86-F 15/12 api 20 par. 20]