E nafea ia pûpû i te mau vea

Te Pare Tiairaa 1 no Titema

“Te hinaaro nei te rahiraa o te taata i te ea maitai e e ora maoro. Tera râ, ahiri e e nehenehe, e hinaaro anei oe e ora e a muri noa ˈtu? [E vaiiho tatou i te taata ia pahono. E e taio tatou i te Ioane 17:3.] Te faahiti ra teie vea i te parau fafau bibilia o te ora mure ore. Te faataa atoa ra te reira i te huru o te oraraa ia tupu tera parau fafau.”

Réveillez-vous! 22 no Novema

“I na matahiti e 20 i mahemo, e rave rahi haereraa i mua tei ravehia i te pae o te ite e te rapaauraa i te heˈa mate aore ra te SIDA. Teie râ, e rave rahi noâ taata tei ore i haamaramarama-maitai-hia. [E faaite tatou i te tumu parau tarenihia “Idées reçues,” e e vaiiho tatou i te taata ia paraparau.] Te faataa ra teie vea e nafea te mau metua e nehenehe ai e paruru i ta ratou mau tamarii.” E taio tatou i te Deuteronomi 6:6, 7.

La Tour de Garde 1 no Titema

“Taa ê roa i te mau animara, e aravihi to te taata no te ite i te maitai e te ino. Te vahi peapea, e rave rahi o te rave nei i te mau ohipa iino. I to oe manaˈo, no te aha? [E faaroo tatou i te pahonoraa. E e taio tatou i te Ieremia 17:9 aore ra te Apokalupo 12:9.] Te faaite ra teie vea eaha te nehenehe e tauturu ia tatou ia ite e ia rave i te mea maitai.”

Réveillez-vous! 8 no Titema

“Eita te mau haereraa i mua i te pae no te anohaa e taui i to tatou hinaaro tumu i te auhoaraa. Teie râ, ua ite anei oe e e mea fifi i teie tau ia atuatu i te auhoaraa piri i roto i te hoê totaiete taui noa? [E faaroo tatou i te pahonoraa. E e taio tatou i te Maseli 18:24.] Te faataa ra teie vea e nafea ia noaa e ia tapea i te mau hoa mau.”