Putuputuraa no te taviniraa

Hebedoma o te 11 no Atopa

Himene 219

10 mn: Parau faaara. Parau faaite e tano o Ta tatou taviniraa i te Basileia. A faaitoito i te feia atoa i tae mai ia faaohipa i te mau uiraa o te api 1 no te hiˈo faahou i ta ratou mau tapaopaoraa no te faaineine i te aparauraa e te feia e faaroo ra no nia i te porotarama o te tairururaa mataeinaa “E haere anaˈe e te Atua” o te tupu i te hebedoma i mua i te Putuputuraa no te taviniraa. Faahiˈoraa: faaiteraa o te Tour de Garde o te 15 no Tetepa e te Réveillez-vous! o te 22 no Tetepa; a rave faahou i te mau manaˈo tauturu o te api 4 o Ta tatou taviniraa i te Basileia no Tetepa 2004 mai te peu e e tano i ta outou tuhaa fenua. A faaitoito i te feia poro ia faahiti i te hoê irava bibilia i roto i ta ratou faaiteraa. E nehenehe e rave i te tahi atu mau faaiteraa au noa.

15 mn: E oaoa anaˈe i te tauturu ia vetahi ê. (Ioa. 4:34) Uiuiraa manaˈo. Auê te au ia ite i te hohoˈa mata o te hoê taata ia maramarama i te pue parau mau o te Parau a te Atua (w94 1/3 api 29 par. 5-6). A uiui e piti aore ra e toru taata poro aore ra pionie o te faaohipa ohie nei i te Bibilia i roto i te taviniraa aore ra o te haamata e o te faatere nei i te mau haapiiraa bibilia. Te nafea ra ratou no te atuatu i te anaanatae o te taata? Eaha te oaoa ta ratou e ite ra i to ratou tutavaraa? A ani ia ratou ia faatia mai aore ra ia rave faahou mai i te mau tupuraa ta ratou i farerei i roto i te taviniraa.

20 mn: “Ohipa opereraa taa ê o te buka rairai apî.”a Tuhaa vauvauhia e te tiaau no te taviniraa. Faahiˈoraa ia au i te mau faaiteraa i horoahia. I roto hoê o na faahiˈoraa, e faaite noa te fatu fare i te anaanatae iti i te faaiteraa bibilia e e pûpûhia te hoê api parau eiaha râ te buka rairai.

Himene 69 e pure faaotiraa.

Hebedoma o te 18 no Atopa

Himene 127

5 mn: Parau faaara. A haamanaˈo poto noa i te mau faanahoraa i ravehia no te ohipa opereraa taa ê o te buka rairai apî.

40 mn: “Te hoê tairururaa mataeinaa o te faaitoito ia tatou ia haere e te Atua.” Tuhaa vauvauhia e te hoê matahiapo. I muri aˈe i te hoê omuaraa parau hoê minuti aore ra iti aˈe, a aratai i te aparauraa e te feia e faaroo ra i nia i te porotarama tairururaa ma te faaohipa i te mau uiraa e vai ra i roto i te tumu parau. A faanaho i te taime ia nehenehe te uiraa taitahi e uihia, peneiaˈe ma te tapea hoê noa pahonoraa i te tahi mau uiraa. Eita te taatoaraa o te mau irava i tapaohia e nehenehe e taiohia i roto i te taime faataahia; e faaohie te reira ia itea te mau pahonoraa. E mea tia ia niuhia te mau pahonoraa i nia i te mau maitai fanaˈohia na roto i te faaohiparaa i te mau mea i haapiihia.

Himene 165 e pure faaotiraa.

Hebedoma o te 25 no Atopa

Himene 56

10 mn: Parau faaara. Tapura faufaa moni. Faahiˈoraa o te hoê faaiteraa no te pûpû i te buka rairai apî o tei horoa mai i te mau faahopearaa maitai i roto i te tuhaa fenua a te amuiraa. Mai te peu e e taimehia, a faatia i te tahi mau tupuraa i tapaohia i te taime o te ohipa opereraa taa ê.

15 mn: Hinaaro o te amuiraa.

20 mn: A horoa i te mau haapapuraa e turu ra i te Parau a te Atua. Aparauraa e te feia e faaroo ra, niuhia i nia i te buka École du ministère, api 256-7. E nafea tatou e faaohipa ˈi i te mau haapapuraa no roto mai i te tahi atu mau buka taa ê atu i te Bibilia no te tauturu i te taata ia haafaufaa i te faataaraa aifaito o te mau Papai? A titau manihini i te feia e faaroo ra e nafea ratou ia pahono i te mau uiraa i muri nei: Eaha te mau hiˈoraa no roto mai i te ao nui materia e o te haapapu e te vai ra te hoê Atua Poiete o ta tatou e nehenehe e faaohipa? (rs api 317-8) E nafea tatou e nehenehe ai e faaohipa i te mau tatararaa a te feia aivanaa aore ra feia îite aravihi no te tauturu ia vetahi ê ia ite e o te Bibilia iho â te Parau a te Atua? (rs api 80-2) Eaha te faahohoˈaraa aore ra faatuearaa ta tatou e nehenehe e faaohipa no te tauturu ia vetahi ê ia ite no te aha te Atua e faatia ˈi i te ino? (rs api 199-200) Eaha te mau tupuraa aore ra hiˈoraa ta outou i faaohipa no te tauturu ia vetahi ê ia haafaufaa i te paari na roto i te peeraa i te aˈoraa bibilia?

Himene 62 e pure faaotiraa.

Hebedoma o te 1 no Novema

Himene 15

10 mn: Parau faaara. A haamanaˈo i te feia poro atoa ia faahoˈi mai i ta ratou tapura taviniraa.

20 mn: E nafea ia tauturu i te feia e paraparau ra i te tahi atu reo. Oreroraa parau e aparauraa e te feia e faaroo ra niuhia i nia te omuaraa o te buka iti Une bonne nouvelle pour des gens de toutes nations. A haafaufaa i te mau tuhaa o te buka iti apî. A aparau i nia i na tuhaa e toru e horoahia ra no te tauturu i te feia e paraparau ra i te hoê reo o ta tatou e ore e taa. A rave faahou i te mau manaˈo o Ta tatou taviniraa i te Basileia no Tiurai 2003, api 4. A faaara e e nehenehe te api parau Veuillez suivre l’intérêt (S-43) e faaîhia noa ˈtu e aita te taata i anaanatae mai i te poroi o te Basileia. A faanaho i te hoê faahiˈoraa o te faaite ra e nafea ia faaohipa i te buka iti apî.

15 mn: Tupuraa o te pororaa. A titau manihini i te feia poro ia faatia mai i te mau tupuraa i farereihia i roto i te ohipa opereraa taa ê o te buka rairai apî. A faaineine e ia hautihia mai te mau tupuraa putapû roa ˈˈe. Mai te peu e e mea iti roa te mau buka rairai e vai ra i roto i te amuiraa, a ani i te feia poro ia faahoˈi mai i te vahi haapaoraa papai i te mau buka rairai ta ratou i hau.

Himene 175 e pure faaotiraa.

[Nota i raro i te api]