Haamanaˈoraa no te Haapiiraa o te taviniraa teotaratia
E hiˈopoa-parau-vaha-hia te mau uiraa i muri nei i te Haapiiraa o te taviniraa teotaratia i te hebedoma o te 25 no Atopa 2004. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 6 no Tetepa e tae atu i te 25 no Atopa 2004. [Nota: No te uiraa aita i faataahia te papai, na outou e rave i ta outou iho maimiraa ia itea mai te pahonoraa.—A hiˈo i te École du ministère (be), api 36-7.]
TUHAA ORERORAA
1. E nafea ia tapea i te hoê toparaa reo maitai ia horoa tatou i te hoê oreroraa parau no nia i te tahi tuhaa o ta tatou taviniraa Kerisetiano? [be api 203 par. 3-4]
2. Eaha te faahiti-faahou-raa e no te aha e mea faufaa ˈi? [be api 206 par. 1-4]
3. E nafea tatou e haamahitihiti ai i te manaˈo tumu o ta tatou mau oreroraa parau? [be api 210 par. 1-5, tumu parau tarenihia]
4. E nafea tatou e nehenehe ai e maiti i te mau manaˈo faufaa o te hoê oreroraa parau tei horoahia mai? [be api 212 par. 1-4]
5. No te aha e mea tia ˈi e eiaha ia rahi roa te mau manaˈo faufaa? [be api 213 par. 3-5]
VAUVAURAA NO 1
6. No teihea mau tupuraa o te huitaata hou te diluvi i fifihia ˈi paha ratou ia tiaturi e e mou te mau mea e haaati ra ia ratou? [w02 1/3 api 5-6]
7. No te aha i tapaohia ˈi e ua parau atu te feia i te tau o Iesu ia ˈna e “Orometua” eiaha râ “Faaora maˈi”? (Luka 3:12; 7:40) [w02 1/5 api 4 par. 3; api 6 par. 6]
8. Mea nafea to te Maseli 11:24, 25 haamahitihitiraa i te faufaaraa ia apiti rahi i roto i te taviniraa? [w02 15/7 api 30 par. 3-5]
9. Eaha te tumu parau morare tei mârôhia i Edene, e eaha te mau faahopearaa o tera orureraa hau? (Gen. 3:1-6) [w02 1/10 api 5 par. 6; api 6 par. 2-3]
10. E nafea e faataahia ˈi te taio mahana o te haamau-faahou-raa o te haamoriraa mau i Ierusalema? [si api 284 par. 5]
TAIORAA BIBILIA TAHEBEDOMA
11. I te mea e ua parau Iehova ia Balaama e haere na muri i to Balaka mau taata, no te aha o ˈNa i riri ai i to Balaama haereraa ˈtu na muri ia ratou? (Num. 22:20-22)
12. E nehenehe anei te mau euhe a te hoê vahine Kerisetiano e faaorehia na ta ˈna tane? (Num. 30:6-8)
13. Eaha te mau “oire haapuraa” i teie nei mahana? (Num. 35:6) [w95 15/11 api 17 par. 8]
14. E mea tia anei ia taa i te auraa mau o te faaueraa i roto i te Deuteronomi 6:6-9 ‘ia taamu i te ture a te Atua i nia i te rima e i nia i te upoo ei haamanaˈoraa’?
15. ‘Aita to ahu i nia ia oe ra i marau’ te auraa noa anei e ua horoa-noa-hia te ahu na te mau Iseraela? (Deut. 8:4)