E nafea ia pûpû i te mau vea

La Tour de Garde 15 no Ten.

“I te mea e e mea matauhia i teie mahana te oreraa e tapea i ta ˈna parau, e mea fifi no te feia e rave rahi ia tiaturi i te mau taata atoa. I to oe manaˈo, te vai ra anei te hoê taata e mea papu ta ˈna mau parau fafau? [E vaiiho tatou i te taata ia pahono. I muri iho, e taio tatou i te Iosua 23:14.] Te faaite ra teie vea e nafea tatou e nehenehe ai e tiaturi i te mau parau fafau a te Atua i roto i te Bibilia.”

Réveillez-vous! 22 no Ten.

“A hiˈo na mai teihea te iˈoa iho o te Atua na roto i te reo Hebera. [E faaite tatou i te api matamua.] Ua papu ia vetahi e eiaha roa ˈtu e faahiti i tera iˈoa ma te reo puai. Te faaohipa pinepine nei râ vetahi ê i te reira. Te hiˈopoa ra teie vea i taua mârôraa ra. Te faataa atoa ra e nafea tatou e ite ai i te Atua ma to ˈna iˈoa.” E taio tatou i te Salamo 83:18.

La Tour de Garde 1 no Fep.

“Te atuatu nei te rahiraa o tatou i to ratou ea. Tera râ, te faaite ra te mau maimiraa apî e ua taai-atoa-hia to tatou oraora-maitai-raa i to tatou ea pae varua. I to oe manaˈo, e nehenehe anei? [E vaiiho tatou i te taata ia pahono. I muri iho, e taio tatou i te Mataio 5:3.] Te faataa ra teie vea e nafea tatou e nehenehe ai e haamâha i to tatou hinaaro pae varua.”

Réveillez-vous! 8 no Fep.

“I teie mahana, e rave rahi taata e oraraa î to ratou e te hinaaro nei ratou e taoto hau atu â. Peneiaˈe e farii oe i teie mau parau, papaihia a 3 000 tiahapa matahiti aˈenei. [E taio tatou i te Koheleta 4:6. I muri iho, e vaiiho tatou i te taata ia pahono.] Te vauvau ra teie vea i te mau haamaramaramaraa faufaa o te tauturu ia ite e ia faatitiaifaro i te ereraa i te taoto.”