Parau faaite

◼ Papai e pûpûhia i Tenuare: Te mau buka atoa i neneihia hou te matahiti 1988 na roto i te reo Farani e hou te matahiti 1990 na roto i te reo Tahiti e vai ra i roto i te amuiraa. Mai te peu e aita faahou ta outou, a ani atu i te mau amuiraa tapiri. Aita anaˈe, e nehenehe e pûpû L’humanité à la recherche de Dieu. Fepuare: E haafatata ˈtu ia Iehova. Mai te peu e aita ta outou, e nehenehe e pûpû: La vie: comment est-elle apparue? Évolution ou création? (buka nainai aore ra rahi); aore ra Te Apokalupo—Ua fatata roa to ˈna tatararaa rahi hopea nei! Mati: Te ite e aratai i te ora mure ore. E tutava iho â râ tatou i te haamata i te mau haapiiraa bibilia. Mai te peu e te vai aˈena ra ta te taata, e nehenehe e pûpû atu i te buka Prêtons attention à la prophétie de Daniel! Eperera: Te Pare Tiairaa e Réveillez-vous! (Na vea e piti) A faaô i roto i ta outou mau farerei-faahou-raa, i te feia i anaanatae iho â râ, tei haere i te Oroa haamanaˈoraa aore ra i te tahi tupuraa teotaratia, aita râ e apiti roa ra i te amuiraa. A tutava i te pûpû atu i te buka Adorez Dieu e i te haamata i te hoê haapiiraa bibilia, mai te peu iho â râ e ua haapii aˈena te hoê taata i te buka Ite e te buka rairai Titau.

◼ Mai te 15 no Mati 2004 atu, e hiˈopoa tatou i te buka E haafatata ˈtu ia Iehova i roto i te mau haapiiraa buka.

◼ Mai Fepuare atu aore ra eiaha ia mairi te 7 no Mati, e vauvau te mau tiaau haaati i te hoê oreroraa parau apî no te taatoaraa “Teihea mau faufaa ta outou e poihere?”

◼ E rave te mau amuiraa i te mau faanahoraa e tano no te Oroa haamanaˈoraa, o te tupu i teie matahiti i te Tapati 4 no Eperera, i muri aˈe i te toparaa mahana. E faahaerehia te mau taoˈa taipe i muri aˈe noa i te toparaa mahana, noa ˈtu e e nehenehe te oreroraa parau e haamata na mua ˈˈe. A hiˈo maitai i te hora o te toparaa mahana i to outou vahi. I te mea e aita e putuputuraa ê atu i taua mahana ra maori râ to te pororaa anaˈe, e faanahohia ïa e ia faaterehia te haapiiraa o Te Pare Tiairaa i te tahi atu mahana. E mea tia ia taui te mau tiaau haaati i ta ratou porotarama putuputuraa o te hebedoma ia au i te mau tupuraa o te vahi iho. Mea maitai aˈe ia faanaho te amuiraa taitahi i ta ˈna iho Oroa haamanaˈoraa, noa ˈtu â e ere i te mea ohie noa ia na reira. I te vahi e putuputu ai tau amuiraa i roto i te hoê â Piha a te Basileia, e nehenehe paha hoê amuiraa aore ra hau atu e faaohipa i te tahi atu piha i taua ahiahi ra. Te ani atu nei matou ia outou, mai te peu e e nehenehe, e e 40 aˈe minuti te faataa ê i na putuputuraa e piti ia nehenehe te taatoaraa e haafaufaa roa i te oroa. E hiˈopoahia te mau fifi i te pae o te tereraa pereoo, o te vahi tapearaa e o te haapouraa mai e te ohiraa ˈtu i te mau taata. E faaoti te tino matahiapo eaha te mau faanahoraa e tano aˈe i te vahi iho.