Te tahi mau faanahoraa e tauturu ia tatou ia haapae i te toto

Eita e titauhia i te feia poro bapetizohia, o tei faaî aˈena i te tareta “Instructions médicales/Attestation prévisionnelle” aore ra i te “Carte d’identité” aita te taio mahana i neneihia aore ra te vai ra te taio mahana 3/99, ia faaî i te hoê mea apî i teie matahiti. No te Putuputuraa no te taviniraa i te hebedoma o te 29 no Titema e mea titauhia ia navai maitai te mau tareta a te papai parau na te feia poro bapetizo-apî-hia, na ta ratou mau tamarii, e na te mau taata o te hinaaro e taui i ta ratou. Eita e haponohia ˈtu mai tera noa ite mau amuiraa. Mai te peu e aita i navai ta te amuiraa, e nehenehe te papai parau e ani i te mau amuiraa tapiri aore ra e tapao i nia i to mua nei aniraa papai.

E mea tia ia faaî maite te feia poro i te mau tareta i ǒ ratou, EIAHA râ ia tuurima ˈtu. E tuu te taata i to ˈna rima, te iˈoa o te mau ite e te taio mahana i nia i te tareta i te haapiiraa buka i mua nei, ma te tauturu a te tiaau no te haapiiraa buka, mai te peu e e hinaarohia. E mea titauhia ia ite roa na ite i te taata na ˈna te tareta ia tuurima ˈtu.

E nehenehe te feia poro bapetizo-ore-hia e papai i ta ratou mau faaueraa no ratou e ta ratou mau tamarii ma te faatano i te mau parau o te tareta “Instructions médicales/Attestation prévisionnelle” e o te “Carte d’identité.”