Te Haapiiraa o te taviniraa teotaratia 2004
1 Te faaineine ra Iehova i te feia au noa no te rave i te hoê ohipa na te ao nei. Te faaohipa iho â ra oia i te faaineineraa e horoahia ra i te mau hebedoma atoa i te Haapiiraa o te taviniraa teotaratia. Te apiti roa ˈtu ra anei outou ia au i to outou huru tupuraa? I Tenuare e ravehia ˈi te tahi mau tauiraa no te tauturu i te mau piahi ia faufaa-roa-hia i te mau faanahoraa e vai ra.
2 Faaohuraa o te mau taeae aˈo mono: Te mauruuru ra te mau taeae e hohora ra i te mau oreroraa parau haapiiraa aore ra te mau manaˈo faufaa o te taioraa bibilia, i te mau tatararaa a te taeae aˈo mono. I roto i te mau amuiraa e mea navai te matahiapo aravihi, e nehenehe e taui i te taeae aˈo i te mau matahiti atoa. E operehia ïa te hopoia; te mea maitai roa râ, e faufaahia te mau matahiapo e te mau tavini tauturu ite i te aravihi o te mau orometua haapii e te mau taeae orero rau.
3 Taio mahana o te haamanaˈoraa parau vaha: Mai te peu e e tairururaa haaati ta ta outou amuiraa i te hebedoma o te haamanaˈoraa parau vaha, e ravehia te haamanaˈoraa (e te tahi atu mau tuhaa o te porotarama o te hebedoma) i muri aˈe i te tairururaa, e te porotarama o to muri iho hebedoma, i te hebedoma ïa o te tairururaa. Aita râ e faufaa ia taui e piti porotarama taatoa ia topa te haamanaˈoraa parau vaha i te tere o te tiaau haaati. Eita te himene, te tuhaa oreroraa, e te mau manaˈo faufaa o te taioraa bibilia e taui. E ravehia te oreroraa parau haapiiraa (i muri aˈe i te tuhaa oreroraa) o te porotarama o to muri iho hebedoma. Ia oti te mau manaˈo faufaa o te taioraa bibilia, e ravehia te Putuputuraa no te taviniraa afa hora, o te nehenehe e vahihia i roto e toru tuhaa 10 minuti aore ra e piti tuhaa 15 minuti (e faaorehia te mau parau faaara). Ia oti te Putuputuraa no te taviniraa, o te himene ïa e te tuhaa a te tiaau haaati afa hora. No te Haapiiraa o te taviniraa teotaratia o to muri iho hebedoma, e ravehia te tuhaa oreroraa e te mau manaˈo faufaa o te taioraa bibilia i faataahia, e te haamanaˈoraa parau vaha i muri iho.
4 A faaohipa i te mau taime atoa no te haere i mua i te pae varua. Ma te faaohipa i te faaineineraa i te Haapiiraa o te taviniraa teotaratia, e faaitoito outou i ta outou amuiraa, e apiti i te tupuraa o te mau parau tohu bibilia, e e arue i te Fatu o te poroi faahiahia e mea tia ia poro tatou.—Isa. 32:3, 4; Apo. 9:19.