Haamanaˈoraa no te Haapiiraa o te taviniraa teotaratia
E hiˈopoa-parau-vaha-hia te mau uiraa i muri nei i te Haapiiraa o te taviniraa teotaratia i te hebedoma o te 27 no Atopa 2003. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 1 no Tetepa e tae atu i te 27 no Atopa 2003. [Nota: No te uiraa aita i faataahia te papai, na outou e rave i ta outou iho maimiraa ia itea mai te pahonoraa.—A hiˈo i te École du ministère [be], api 36-7.]
TUHAA ORERORAA
1. Eaha te auraa o te aˈoraa i roto i te Timoteo 1, 2:9 no nia i te faaneheneheraa ia ˈna iho i te “ahu e au ra,” e e nafea te reira e nehenehe ai e ohipa i nia i ta tatou mau faaiteraa mai nia mai i te tahua aore ra i roto i te taviniraa? [be api 132 par. 4-5]
2. E nafea te mau faaueraa tumu bibilia i roto i te Ioane 1, 2:15-17, te Ephesia 2:2, e te Roma 15:3 e ohipa ˈi i nia i to tatou huru rapaeau? [be api 133 par. 1-3]
3. No te aha e mea faufaa ˈi te aueue ore, e e nafea e noaa ˈi ia tatou te aueue ore ia paraparau tatou mai nia mai i te tahua aore ra ia apiti tatou i roto i te taviniraa? [be api 135 tumu parau tarenihia; api 136 par. 5 tumu parau tarenihia]
4. Ei ‘ite [haapao maitai] e te parau mau,’ mea nafea to Iesu vaiihoraa mai i te hiˈoraa no tatou no nia i te faaohiparaa i te Bibilia i roto i te taviniraa? (Apo. 3:14; MN) [be api 143 par. 2-3]
5. E nafea tatou e nehenehe ai e aravihi atu â i te faaohipa i te Bibilia? (Tito 1:9) [be api 144 par. 1 tumu parau tarenihia]
VAUVAURAA No 1
6. Eaha ta te haapiiraa e titau, e eaha te tahi mau maitai o te haapii-tamau-raa i te Parau a te Atua? [be api 27 par. 3; api 32 par. 3]
7. Ia au i te Iakobo 1:5, 6, eaha te mea faufaa roa ia rave tatou i te hoê faaotiraa rahi? [w01 1/9 api 28 par. 4]
8. Eaha te mau taio mahana faufaa e no te aha e mea faufaa roa ˈi te reira? [si api 282 par. 27]
9. I roto i teihea auraa e maamaa ˈi ‘tei parau i te parau faaino ra’? (Mas. 10:18) [w01 15/9 api 25 par. 3]
10. E nafea e taa maitai aˈe ai i te taata te manaˈo o Iehova no nia i te taime i roto i te ao apî? [si api 283 par. 32]
TAIORAA BIBILIA TAHEBEDOMA
11. Tano aore ra hape: I roto i te Korinetia 1, 2:9, te faahiti ra te aposetolo Paulo i te mau ohipa ta Iehova i faaineine no to ˈna nunaa haapao maitai ei tufaa. A faataa. [ip-2-F api 366 tumu parau tarenihia]
12. E tano te mau parau i papaihia i roto i te Korinetia 1, 10:13 i teihea mau faahemaraa, e e nafea Iehova e ‘faatupu ai i te haapuraa’? [w91-F 1/10 api 10-1 par. 11-4]
13. E nafea te hiˈoraa horoa noa o Iesu e ohipa ˈi i nia i te mau Kerisetiano? (Kor. 2, 8:9) [w92 15/1 api 16 par. 10]
14. Mea nafea te Ture i te riroraa ei ‘orometua e aratai i te Mesia ra’? (Gal. 3:24) [w02 1/6 api 15 par. 11]
15. Eaha “te â rii a teie nei ao ra” e mea tia ia ara tatou ia ore tatou e haavarehia? (Kol. 2:8)