Putuputuraa no te taviniraa

Hebedoma o te 8 no Tetepa

Himene 10

10 mn: Parau faaara. Parau faaite e tano o Ta tatou taviniraa i te Basileia. No te Putuputuraa no te taviniraa o te hebedoma i mua nei, a faaitoito i te taata taitahi ia taio faahou i te mau tapaopaoraa i ravehia i te tairururaa haaati o te matahiti taviniraa i mairi aˈenei. E piti faahiˈoraa au noa o te rave faahou mai i te mau manaˈo tauturu o te api 8 o Ta tatou taviniraa i te Basileia no Atete 2003 no te pûpû i te mau vea (La Tour de Garde o te 15 no Atete e te Réveillez-vous! o te 22 no Atete). I roto hoê o na faahiˈoraa, e horoa te hoê piahi aore ra te hoê metua i te faaiteraa i te hoê orometua haapii.

10 mn: Rata a te Betela. Aparauraa i rotopu i te hoê taata poro maoro, te hoê matahiapo iho â râ, e te hoê taata poro apî aˈe. E ui te taata poro apî i te taata poro aravihi ua taio anei oia i te rata a te Betela i roto i Ta tatou taviniraa i te Basileia. E faaite te taata poro maoro ia ˈna e e tuhaa te rata a te Betela o Ta tatou taviniraa i te Basileia i te mau matahiti 1960 e 1970. I muri iho, e hiˈopoa raua i te rata i te api matamua e e haamahitihiti raua i te mau manaˈo faufaa.

25 mn: “E te mau taurearea: a haamau i te hoê niu papu no a muri atu.”a Tuhaa vauvauhia e te hoê matahiapo, maoti te mau uiraa e vai ra. A hiˈopoahia ˈi te paratarafa 5, a haamahitihiti i te mau oaoaraa e te mau haamaitairaa e fanaˈohia i roto i te taviniraa taime taatoa.

Himene 170 e pure faaotiraa.

Hebedoma o te 15 no Tetepa

Himene 199

10 mn: Parau faaara. Tapura faufaa moni.

10 mn: “Te haapiiraa i te buka Adorez Dieu.” Oreroraa parau vauvauhia na te hoê tiaau no te haapiiraa buka. A huti i te ara-maite-raa i nia i te porotarama o te haapiiraa. A hiˈopoahia ˈi te paratarafa 4, a faahiti atoa i te mau manaˈo no roto mai i te buka ra École du ministère, api 28, paratarafa 1, e api 70.

25 mn: “E tiaturi ia Iehova, a rave ai i te parau maitai.” (Sal. 37:3) Aparauraa e te feia e faaroo ra i nia i te mau uiraa i muri nei, o te haamahitihiti ra i te mau manaˈo tumu o te tairururaa haaati o te matahiti taviniraa i mairi aˈenei. A ani i te feia i tae mai ia faataa e mea nafea to ratou taitahi aore ra e te utuafare faaohiparaa i teie mau manaˈo. A tauaparau i te mau tuhaa i muri nei o te tairururaa: (1) “E faaite anaˈe i te tiaturi ia Iehova.” No te aha e mea faufaa ˈi ia faaite i to tatou tiaturi ia Iehova i roto i te mau tuhaa atoa o to tatou oraraa? (it-2-F api 428-9) E nafea te Index des publications de la Société Watch Tower e nehenehe ai e tauturu ia tatou? (2) “Eiaha tatou ia tapi i te mau mea faufaa ore o te oraraa.” (Koh. 2:4-8, 11) Eaha te mau mea faufaa ore eiaha tatou e tapi, e e nafea e raeahia ˈi te reira? (3) “E faarue anaˈe i te ino, e rave anaˈe i te maitai.” No te aha e mea faufaa roa ˈi ia pee i te mau ture aveia a Iehova? (Isa. 5:20) Teihea mau ohipa maitatai e mea tia ˈi ia rave tatou? (4) “E tapea anaˈe i to tatou tiaturi ia Iehova.” Eaha te tauturu ia tatou ia mau maite i mua i te mau tamataraa e i mua i te mau faahemaraa? No te aha i te tahi taime e titauhia ˈi ia vaiiho tatou i te tahi mau ohipa i roto i te rima o Iehova? (5) “E faarirohia anei outou ei taata e au ia outou te Basileia o te Atua?” (Kol. 1:10) Eaha te mau hiˈoraa bibilia o te tauturu ia tatou ia tamau i te faaau i to tatou haerea ia Iehova? (6) “E tiaturi anaˈe i te mau parau fafau a Iehova.” Eaha te faahopearaa o te reira i nia i to tatou oraraa?

Himene 58 e pure faaotiraa.

Hebedoma o te 22 no Tetepa

Himene 7

10 mn: Parau faaara. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Atete 2003 no te pûpû i te mau vea (Te Pare Tiairaa o te 1 no Tetepa e te Réveillez-vous! o te 8 no Tetepa). I roto hoê o na faahiˈoraa, e horoa te hoê matahiapo e te hoê taata poro tino paruparu i te faaiteraa na roto i te niuniu paraparau.

15 mn: Eaha ta tatou i rave i te matahiti i mairi aˈenei? E haamahitihiti te tiaau no te taviniraa i te mau numera faufaa o te tapura taviniraa a te amuiraa no te matahiti taviniraa 2003. A haapopou i te amuiraa no te mau tuhaa maitatai. A faahiti atoa i te mau manaˈo tano o te tapura taviniraa hopea a te tiaau haaati. A horoa hoê aore ra e piti tapao au noa no te matahiti apî.

20 mn: Te farii ra anei te Atua i te mau haapaoraa atoa? Aparauraa e te feia e faaroo ra i nia i te buka Haaferuriraa. A hiˈo e nafea e nehenehe ai e haaferuri i te hoê taata i nia i teie tumu parau. (rs api 145-6) A haamataratara i te tahi mau ravea no te ite i te haapaoraa mau. (rs api 151-2) E tauturu ta tatou taviniraa i to tatou taata-tupu ia rave i te huru haamoriraa fariihia e te Atua.—Kol. 1:9, 10.

Himene 39 e pure faaotiraa.

Hebedoma o te 29 no Tetepa

Himene 194

10 mn: Parau faaara. A haamanaˈo i te feia poro ia faahoˈi mai i ta ratou tapura taviniraa no Tetepa. A faaite i te mau papai e pûpûhia i Atopa. A faanaho i te hoê faahiˈoraa poto e nafea ia haamata i te hoê haapiiraa bibilia maoti te buka rairai ra Titau.

15 mn: Hinaaro o te amuiraa.

20 mn: “E ahu anaˈe i te haehaa.”b A titau i te feia e faaroo ra ia tatara mai i te faaohiparaa o te mau irava i horoahia.

Himene 224 e pure faaotiraa.

Hebedoma o te 6 no Atopa

Himene 170

10 mn: Parau faaara. I teie avaˈe, e rave tatou i te hoê tutavaraa taa ê no te haamata i te mau haapiiraa bibilia. A hiˈo poto noa i Ta tatou taviniraa i te Basileia no Me 2002, api 1, paratarafa 1.

15 mn: “A haapapu e te tuu ra outou i te mau mea faufaa i te parahiraa matamua!” Oreroraa parau e aparauraa e te feia e faaroo ra i nia i te tumu parau o Te Pare Tiairaa o te 1 no Tetepa 1998, api 19-21. A faaite i te mau taio mahana o te mau ohipa teotaratia faanahohia no te mau avaˈe i mua nei, e a faaitoito i te feia atoa i putuputu mai ia tapao atu i nia i ta ratou buka tarena. A ui eaha ta ratou e rave ia ore ratou ia mairi i teie mau faanahoraa pae varua.

20 mn: E patoi i te faahemaraa a te mau hoa. A uiui i te hoê matahiapo aore ra i te hoê tavini tauturu o tei paari i roto i te hoê utuafare Kerisetiano. A faaohipa i te mau manaˈo no roto mai i te Tour de Garde o te 15 no Fepuare 2003. Eaha te mau faaheporaa ta te taeae i farerei i te fare haapiiraa? (api 24 par. 3; api 25 par. 4-5) Ua faaruru anei oia i te mau mana iino? (api 26 par. 4-6) I te mea e e taata paari oia i teie nei, e mea tia noa anei ia faaruru oia i te faahemaraa a te feia e haaati ra ia ˈna? Eaha tei tauturu ia ˈna ia ore ia faaau atu i te mau hoa? A faaoti poto noa i te oreroraa parau ma te haamahitihiti, ia au i Te Pare Tiairaa o te 1 no Atete 1999, api 24-5, i te mau maitai e fanaˈohia ia noaa te mau amuimuiraa maitatai.

Himene 26 e pure faaotiraa.

[Nota i raro i te api]