Rata a te amaa

E te feia poro here i te Basileia e,

“Na te Atua . . . i faatupu.” (Kor. 1, 3:6) Auê te oaoa ia ite i te maraaraa i tupu i Tahiti e i to ˈna mau motu! I te roaraa o te matahiti taviniraa 2003, ua hau atu i te 1 700 haapiiraa bibilia o tei faaterehia. E haapopouhia outou no tera faahopearaa maitai.

E avaˈe ohipa roa o Mati 2003 i roto i te pororaa. Oia mau, ua rave e 238 feia poro i te taviniraa pionie tauturu, 14 % ïa o te feia poro o to tatou tuhaa fenua. Peneiaˈe to roto atoa outou i na 238 feia poro o tei rave i te taviniraa pionie tauturu i te avaˈe Mati i mahemo, aore ra i na 190 i Eperera ra. E na reira faahou anei outou i teie matahiti taviniraa apî? Mai te peu e aita i nehenehe ia outou ia rave i te taviniraa pionie i te matahiti taviniraa i mairi aˈenei, e nehenehe anei ta outou i teie matahiti?

I te mau matahiti atoa, e horoa te Oroa haamanaˈoraa i te poheraa o te Mesia i te ravea taa ê no te faaite i to tatou mauruuru no ta Iehova e ta Iesu i rave no tatou. Maoti te mau tutavaraa tuutuu ore i ravehia hou te Oroa haamanaˈoraa, ua tapaohia e 5 588 taata tei tae mai i nia i te tuhaa fenua o te amaa no Tahiti. E numera faaau ore mau tera!

I te omuaraa o te matahiti taviniraa 2004, te apiti atu nei matou i ta matou mau pure i ta outou ia “faatupu” hoi o Iehova.

To outou mau taeae,

Betela no Tahiti