Putuputuraa no te taviniraa

Hebedoma o te 11 no Atete

Himene 101

10 mn: Parau faaara. Parau faaite e tano o Ta tatou taviniraa i te Basileia. A haamanaˈo i te mau faanahoraa i ravehia no te pororaa i te 15 no Atete, mahana faaearaa ohipa. E piti faahiˈoraa o te rave faahou mai i te mau manaˈo tauturu o te api 4 o Ta tatou taviniraa i te Basileia no Tiurai 2003 no te pûpû i te mau vea (Te Pare Tiairaa o te 1 no Atete e te Réveillez-vous! o te 22 no Tiurai). I roto i na faahiˈoraa e piti, e faaite tatou hoê noa o na vea, e pûpû râ tatou i te taata ia taio i na vea e piti. I roto hoê o na faahiˈoraa, a faaite i te hoê ravea no te pahono i te patoiraa: “E ohipa ta ˈu.”—A hiˈo i te buka Haaferuriraa, api 19.

15 mn: “A pee i te maitai o Iehova.”a A ani i te feia i putuputu mai ia faatia poto e nafea te mau ohipa maitatai e tauturu ai ia horoa i te faaiteraa. A haapopou i te amuiraa i te tautururaa i te mau taeae e te mau tuahine.

20 mn: “Te mau haamaitairaa o te taviniraa pionie.”b A faaohipa i te mau uiraa e vai ra. A ani hoê aore ra e piti pionie ia faatia i te mau haamaitairaa ta raua i fanaˈo i roto i ta raua taviniraa. A haamanaˈo e e nehenehe te feia e anaanatae ra i te taviniraa pionie e ani i te hoê parau aniraa i te papai parau.

Himene 11 e pure faaotiraa.

Hebedoma o te 18 no Atete

Himene 82

12 mn: Parau faaara. Tapura faufaa moni. A haapoto i te tumu parau “Mahana tairururaa taa ê: te porotarama apî.” A faaite i te taio mahana o te mahana tairururaa taa ê i mua nei e a titau manihini ma te onoono i te melo taitahi ia tae mai. Mai te peu e e tupu te tairururaa i te mau avaˈe i mua nei, a haamanaˈo e mea tia i te feia e hinaaro ra ia bapetizohia ratou ia faaara i te tiaau peretiteni.

15 mn: “Te hoê ohipa o te tamahanahana.”c E ani-oioi-hia e piti aore ra e toru taata poro ia faataa i te tamahanahanaraa ta ratou e fanaˈo i roto i te taviniraa Kerisetiano.

18 mn: “E atuatu anaˈe i ta tatou vahi haamoriraa.”d (Paratarafa 1-5). A faaohipa i te mau uiraa e vai ra. A hiˈopoahia ˈi te mau paratarafa 3 e te 4, a haamanaˈo i te mau faanahoraa i ravehia i ǒ nei no te tamâraa i te Piha a te Basileia. A haamahitihiti i te mau manaˈo atoa e au ia haapaohia. A haapopou i te amuiraa no te mau tutavaraa i ravehia no te atuatu maitai i tera vahi pûpûhia no te haamoriraa mau.

Himene 114 e pure faaotiraa.

Hebedoma o te 25 no Atete

Himene 175

10 mn: Parau faaara. E piti faahiˈoraa o te rave faahou mai i te mau manaˈo tauturu o te api 4 o Ta tatou taviniraa i te Basileia no Tiurai 2003 no te pûpû i te mau vea (La Tour de Garde o te 1 no Atete e te Réveillez-vous! o te 8 no Atete). I roto i na faahiˈoraa e piti, e faaite tatou hoê noa o na vea, e pûpû râ tatou i te taata ia taio i na vea e piti. A rave i te faahiˈoraa o te hoê papa aore ra te hoê mama o te faaineine ra i ta ˈna taurearea tamaroa aore ra tamahine no te opere i te mau vea. E hiˈo poto raua i te manaˈo tauturu taitahi hou a rave ai i te hoê faahiˈoraa.

15 mn: Hinaaro o te amuiraa.

20 mn: E itoito tatou no te poro. (Tes. 1, 2:2) Oreroraa parau e aparauraa e te feia e faaroo ra. A faataa no te aha e rave rahi e taiâ ˈi i te paraparau i te poroi o te Basileia ia vetahi ê. E ite-atoa-hia te reira i nia i te feia poro itoito e rave rahi matahiti i te maoro. A faatia i te tahi mau tupuraa no roto mai i Te Pare Tiairaa o te 1 no Titema 1999 i te api 25; Te Pare Tiairaa o te 15 no Titema 1999 i te api 25; Te Pare Tiairaa o te 1 no Eperera 1996 i te api 31. A ani i te tahi mau taeae e mau tuahine ia faatia mea nafea to ratou itoitoraa no te faaite i te parau apî maitai i te mau taime ratou e mǎtaˈu ai. A faaoti ma te mau faaitoitoraa e fanaˈo i te puai maoti o Iehova, no roto i Te Pare Tiairaa o te 15 no Titema 1999 i te mau api 23-4.

Himene 125 e pure faaotiraa.

Hebedoma o te 1 no Tetepa

Himene 84

10 mn: Parau faaara. A haamanaˈo i te feia poro ia faahoˈi mai i ta ratou tapura taviniraa no Atete. A parau eaha te mau papai ta tatou e pûpû i Tetepa. E ani-oioi-hia hoê aore ra e piti taata poro ia faatia i te mau tupuraa anaanatae ta raua i ora ia raua i poro ma te faanaho-ore-hia i te tairururaa mataeinaa, i te tau faaearaa haapiiraa aore ra i te tahi atu taime o te avae Tiurai e Atete.

15 mn: E hoˈi mai anei outou mai ta outou i fafau? Oreroraa parau e aparauraa e te feia e faaroo ra, niuhia i nia i Te Pare Tiairaa o te 15 no Tetepa 1999, api 10-1, i raro aˈe i te upoo parau iti “Vetahi atu mau ravea e tapea i ta tatou mau tǎpǔ.” Ia farerei tatou i te feia e anaanatae ra i te parau mau, e faanaho iho â tatou e tamau i te aparauraa a muri aˈe. E hoˈi mai anei tatou e farerei i tera mau taata, mai ta tatou i fafau? A hiˈo faahou i te mau faaueraa tumu bibilia o te turai ia tatou ia tapea i ta tatou i fafau. A ani i te feia e faaroo ra ia faatia i te mau tupuraa e faaite ra i te mau haamaitairaa ta ratou i ite no to ratou hoˈi-oioi-raa e farerei i te mau taata o ta ratou tuhaa fenua.

20 mn: “E atuatu anaˈe i ta tatou vahi haamoriraa.”e (Paratarafa 6-12). A faaohipa i te mau uiraa e vai ra. A onoono i nia i te faufaaraa ia atuatu-maitai-hia te Piha a te Basileia ma te haamahitihiti i te mau manaˈo o te tumu parau tarenihia i te api 5. A faataa poto atoa i te huru o ta outou Piha a te Basileia e a faaite i te mau opuaraa no te tataîraa aore ra no te faaapîraa.

Himene 41 e pure faaotiraa.

[Nota i raro i te api]