Putuputuraa no te taviniraa

Hebedoma o te 14 no Tiurai

Himene 56

10 mn: Parau faaara. Parau faaite e tano o Ta tatou taviniraa i te Basileia. E piti faahiˈoraa au noa o te rave faahou mai i te mau manaˈo tauturu o te api 8 o Ta tatou taviniraa i te Basileia no Tiunu 2003 no te pûpû i te mau vea i roto i te tuhaa fenua a te amuiraa (La Tour de Garde o te 15 no Tiunu e te Réveillez-vous! o te 22 no Tiunu). I roto i na faahiˈoraa e piti, e faaite tatou hoê noa o na vea, e pûpû râ tatou i te taata ia taio i na vea e piti.

15 mn: E nafea te haamoriraa a Iehova e haamaitai atu â ˈi i to tatou oraraa? Aparauraa e te feia e faaroo ra. E tuhaa faufaa roa te haamoriraa mau no te hoê oraraa oaoa e auraa to te reira. (1) E tauturu te reira ia tatou ia faaruru i te mau fifi e te mau tapitapi o te oraraa. (Phil. 4:6, 7) (2) E faaitoito ia tatou ia faahotu i te mau huru maitatai o te Atua. (Pet. 2, 1:5-8) (3) E tauturu ia tatou ia faaohipa i to tatou taime e ta tatou mau faufaa e hoona roa ˈi te reira. (Tim. 1, 6:17-19) (4) E horoa mai i te hoê tiaturiraa papu no te tau no a muri aˈe. (Pet. 2, 3:13) (5) E tauturu ia tatou ia faatupu i te taairaa piri roa e o Iehova. (Iak. 4:8) A faataa maitai e aita te feia tei ore i ite i te Atua aore ra te ore e tavini ra ia ˈna e fanaˈo ra i teie mau mea.

20 mn: “Te mauruuru no te aroha hamani maitai o te Atua.”a A hiˈopoahia ˈi te paratarafa 3, a horoa i te tahi mau manaˈo tauturu e nafea ia haamau i te hoê tapura opereraa vea ia au i Ta tatou taviniraa i te Basileia no Atopa 1998, api 8. A ani hoê aore ra e piti taata poro aravihi ia faataa eaha te ravea maitai aˈe i to raua manaˈo no te haamata i te mau haapiiraa bibilia. A faaitoito i te feia poro atoa ia haamau i te fa e haamata e e faatere i te hoê haapiiraa bibilia.—om-F api 91-2.

Himene 176 e pure faaotiraa.

Hebedoma o te 21 no Tiurai

Himene 184

10 mn: Parau faaara. Tapura faufaa moni.

10 mn: “Tairururaa haaati: te porotarama apî.” Oreroraa parau e aparauraa e te feia e faaroo ra. A faaite i te taio mahana o te tairururaa haaati i mua nei. Ia haere te amuiraa i tera tairururaa i te mau avaˈe i mua nei, a faataa maitai e mea tia ia faaara te feia e hinaaro e ia bapetizohia ratou i te tiaau peretiteni. A faaitoito i te feia poro ia tutava taa ê i te titau manihini i te feia e haapii ra i te Bibilia e ia tae mai i te mau rururaa atoa.

25 mn: E pee anaˈe i to ratou mǎtaˈu ore i roto i te taviniraa. Aparauraa e te feia e faaroo ra niuhia i nia i te buka Adorez Dieu, api 170-1. A ani i te feia i putuputu mai ia pahono i te mau uiraa o te paratarafa 7 e ia faahiti atoa i te mau irava e horoahia ra i roto i ta ratou mau pahonoraa. A maiti i te tahi mau irava e taiohia. A haamahitihiti i te mau haapiiraa e nehenehe e huti mai na roto i tera mau faatiaraa e i te manaˈo maitai ta tatou e tapea mai no nia i ta tatou hopoia e poro.

Himene 201 e pure faaotiraa.

Hebedoma o te 28 no Tiurai

Himene 45

10 mn: Parau faaara. A haamanaˈo i te feia poro ia faahoˈi mai i ta ratou tapura taviniraa no Tiurai. E piti faahiˈoraa taa ê o te rave faahou mai i te mau manaˈo tauturu o te api 8 o Ta tatou taviniraa i te Basileia no Tiunu 2003 no te pûpû i te mau vea (Te Pare Tiairaa o te 1 no Tiurai e te Réveillez-vous! o te 8 no Tiurai). I roto i na faahiˈoraa e piti, e faaite tatou hoê noa o na vea, e pûpû râ tatou i te taata ia taio i na vea e piti. E pororaa faanaho-ore-hia hoê o na faahiˈoraa.

15 mn: Hinaaro o te amuiraa.

20 mn: “E faaoaoa te faaiteraa tapǔpǔ.”b A hiˈopoahia ˈi te paratarafa 3, a tatara atoa i te tumu parau ra Pahonoraa i ta outou mau uiraa o Ta tatou taviniraa i te Basileia no Tetepa 2001. A uiui poto noa hoê tiaau no te haapiiraa buka. Eaha te mau faanahoraa no te pororaa ta ˈna i rave i roto i ta ˈna haapiiraa buka, e eaha te mau maitai ta te mau melo o te pǔpǔ e fanaˈo ra ia poro amui ratou?

Himene 36 e pure faaotiraa.

Hebedoma o te 4 no Atete

Himene 178

10 mn: Parau faaara. A haamanaˈo eaha te mau papai e pûpûhia i teie avaˈe. Hoê aore ra e piti faahiˈoraa: nau faaiteraa poto noa e tano e te mau papai.

20 mn: “Te pûpûraa i te mau papai na te hoê tuhaa fenua ua rau te reo.”c A faaohipa i te mau uiraa e vai ra. A hiˈopoahia ˈi te paratarafa 3, faahiˈoraa: faaiteraa ohie na roto i te hoê reo ê e paraparauhia i roto i te tuhaa fenua e aita e amuiraa na roto i taua reo ra.—km 7/02 api 1 par. 4.

15 mn: Te feia apî e arue ra ia Iehova! Aparauraa e te feia e faaroo ra e uiuiraa manaˈo. Te oaoa nei tatou ia faaroo i te feia apî ia horoa i te mau pahonoraa faaineine-maitai-hia i te mau putuputuraa. Mea oaoa ia ite i to ratou aau tae e ta ratou mau haereraa i mua i roto i te Haapiiraa o te taviniraa teotaratia. Te faaite nei ratou i te faaroo mau ma te horoa i te faaiteraa maitai roa i roto i te taviniraa. Te faahanahana ra to ratou haerea paieti ia Iehova. (yb88-F api 53-4) Maoti ta ratou mau haereraa i mua i te pae varua e fanaˈo ai ratou i te tahi atu mau hopoia taa ê i muri aˈe. A uiui poto noa e piti aore ra e toru Kerisetiano apî o te apiti tamau nei i roto i te mau ohipa a te amuiraa. A haapopou maitai i te feia apî o te amuiraa no te mau tutavaraa nehenehe ta ratou e rave nei no te arue ia Iehova.

Himene 49 e pure faaotiraa.

[Nota i raro i te api]