E nafea ia pûpû i te mau vea

La Tour de Garde 15 no Tiunu

“Te parau nei te tahi mau taata e ua riro na Iesu ei taata rahi roa ˈˈe i roto i te tuatapaparaa. Area te tahi atu, te feaa ra ïa no nia i to ˈna vai-mau-raa. I to oe manaˈo, e mea faufaa anei to tatou manaˈo no nia ia Iesu? [E faaroo tatou i te pahonoraa, i muri iho, e taio tatou i te Ohipa 4:12.] E mau haapapuraa anei ta tatou e ua ora mau na o Iesu? Te pahono ra teie vea i teie uiraa.”

Réveillez-vous! 22 no Tiunu

“Te haapeapea nei e rave rahi taata no te heipuni. I to oe manaˈo, e nehenehe anei e paruru i te mau uru raau no te pae rua ma? [E faaroo tatou i te pahonoraa.] Te faaite ra teie vea i te mau tutavaraa e ravehia nei no te paruru i te mau uru raau no te pae rua ma. Te faataa atoa ra râ teie vea e nafea teie parau fafau faahiahia a te Atua e tupu ai.” E taio tatou i te Isaia 11:9.

Te Pare Tiairaa 1 no Tiurai

“Te hoê o te mau hinaaro faufaa roa o te taata nei, o te hereraa ˈtu ïa e te hereraahia mai. [E taio tatou i te pereota i raro aˈe i te upoo parau i te api 4.] Eita râ e ore e ua ite oe e e au ra e mau tapao faufaa ê atu ta te totaiete o teie tau? [E vaiiho tatou ia pahono.] Te haamanaˈo ra teie vea eaha te here mau e e nafea te huitaata e nehenehe ai e faaite hau atu â i te reira.” E taio tatou i te Korinetia 1, 13:2.

Réveillez-vous! 8 no Tiurai

“Te tapitapi nei te taata e rave rahi i te maraaraa o te mau ohipa haavîraa uˈana maamaa. [E faahiti tatou i te hoê tupuraa matauhia i ǒ tatou nei, e e vaiiho tatou ia pahono.] Te hiˈopoa ra teie vea i te tahi mau tuhaa o te faatupu ra i taua huru haavîraa uˈana pohe ra. Te faataa atoa ra teie vea e nafea te Atua e faaore roa ˈi i te ohipa ino e te haavîraa uˈana.” E taio tatou i te Salamo 37:10, 11.