Putuputuraa no te taviniraa

Hebedoma o te 9 no Tiunu

Himene 81

10 mn: Parau faaara. Parau faaite e tano o Ta tatou taviniraa i te Basileia. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Me 2003 no te pûpû i te mau vea (Réveillez-vous! o te 22 no Me e Te Pare Tiairaa o te 1 no Tiunu). I roto i na faahiˈoraa e piti, e faaite tatou hoê noa o na vea, e pûpû râ tatou i te taata ia taio i na vea e piti; e taio atu tatou i te hoê irava bibilia i roto i na faahiˈoraa taitahi.

15 mn: “Te taviniraa Kerisetiano: ta tatou ohipa matamua.”a A faaitoito i te feia apî ia feruri i te mau haamaitairaa ta ratou e nehenehe e fanaˈo ma te rave i te taviniraa taime taatoa. A rave faahou mai i te mau manaˈo o Te Pare Tiairaa o te 1 no Novema 2000, api 19-20, i raro aˈe i te upoo parau iti ra “Ia û te taˈere e te manaˈo haava.”

20 mn: “Te faatuhaaraa: te hoê opani e aratai atu i te hoê ohipa rahi?”b Ia nehenehe, a faanaho i te uiui poto i te hoê taata poro o te haafaufaa ra i ta ˈna faatuhaaraa no te tavini hau atu â ia Iehova. A ui ia ˈna eaha te mau tauiraa ta ˈna i rave e eaha te mau haamaitairaa i noaa mai ia ˈna.

Himene 190 e pure faaotiraa.

Hebedoma o te 16 no Tiunu

Himene 55

8 mn: Parau faaara. Tapura faufaa moni.

12 mn: Hinaaro o te amuiraa.

25 mn: “‘E horoa hua anaˈe i te faaiteraa’ ma te itoito rahi.”c A faaohipa i te mau uiraa e vai ra. I muri aˈe i te hiˈopoaraa i te paratarafa 5 e te 6, a faanaho i te hoê faahiˈoraa poto o te pororaa faanaho-ore-hia i reira e vaiihohia ˈi te api parau ra E hinaaro anei outou e ite hau atu â no nia i te Bibilia? i te hoê taata hoo i roto i te hoê fare toa. E taiohia te paratarafa 7 e te 8 hou a aparauhia ˈi. Ei faaotiraa, a taio e a hiˈopoa i te tumu parau tarenihia “Eiaha ratou ia moehia!”

Himene 131 e pure faaotiraa.

Hebedoma o te 23 no Tiunu

Himene 95

10 mn: Parau faaara. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Me 2003 no te pûpû La Tour de Garde o te 1 no Tiunu e te Réveillez-vous! o te 8 no Tiunu. I roto i na faahiˈoraa e piti, e faaite tatou hoê noa o na vea, e pûpû râ tatou i te taata ia taio i na vea e piti. I roto i te hoê o na faahiˈoraa, e paraparau te taata poro i te taata i roto i te aroâ.

20 mn: Eaha te nehenehe e ravehia no nia i te toaruaruraa? Oreroraa parau e aparauraa e te feia e faaroo ra niuhia i nia i Te Pare Tiairaa o te 15 no Novema 1999, api 28-9, e tae roa ˈtu e oia atoa te upoo parau iti ra “Te atuaturaa i te hoê huru feruriraa maitai.” A hiˈopoa e rave rahi manaˈo tauturu e paturuhia e te mau irava bibilia. A ani i te hoê aore ra e piti taata poro aravihi ia faataa mai eaha te tauturu ia raua ia oaoa noa i roto i te taviniraa.

15 mn: “Te pororaa i roto i te hoê ao e taui noa.”d A hiˈopoahia ˈi te mau paratarafa 2-3, a ui i te feia e faaroo ra eaha te mau ohipa i tupu aita i maoro aˈenei e nehenehe e faaohipahia no te haamata i te hoê aparauraa e te mau taata o te tuhaa fenua. A hiˈopoahia ˈi te paratarafa 4, a faanaho i te hoê faahiˈoraa poto o te rave faahou mai hoê o te mau faaiteraa i horoahia ˈtu.

Himene 15 e pure faaotiraa.

Hebedoma o te 30 no Tiunu

Himene 3

10 mn: Parau faaara. A haamanaˈo i te feia poro ia faahoˈi mai i ta ratou tapura taviniraa no Tiunu. A faahiti i te mau papai e pûpûhia i Tiurai e i Atete. A faaite e piti buka rairai e vai ra i roto i te amuiraa. A faanaho e piti faahiˈoraa faaineine-maitai-hia e nafea ia pûpû i te reira i roto i te taviniraa. Te vai ra te mau manaˈo tauturu i roto i Ta tatou taviniraa i te Basileia no Tiurai 1998, api 8. E itehia te tahi atu mau manaˈo i roto i te Index des publications i te omuaraa parau “Présentation” e i te upoo parau iti ra i ropu “Liste par publication.”

15 mn: “E tino paruparu, e mea hotu râ.”e A faaite e nafea e nehenehe ai e pûpû i ta ˈna tauturu ma te rave i te tahi mau manaˈo no roto mai i te Réveillez-vous! o te 22 no Atete 1990, api 22-3, i raro aˈe i te upoo parau iti ra “Quelle aide apporter?”

20 mn: E faaohipa anaˈe ma te aravihi i te Parau a te Atua no te poro i te Basileia. Aparauraa e te feia e faaroo ra arataihia e te tiaau no te taviniraa. I te taata atoa ta tatou e farerei ra i roto i te taviniraa, te tutava ra tatou i te faaite i te hoê manaˈo bibilia o te patu no nia i te Basileia. Teie râ, eiaha tatou e taio noa i te mau irava bibilia. E mea titauhia ia faataa tatou, ia faahohoˈa e ia faaohipa ˈtu. A faaite e nafea ia na reira na roto i te raveraa ei hiˈoraa i te tahi mau irava i faahitihia i roto i te buka Haaferuriraa, api 116, i raro aˈe i te upoo parau iti papai-faahipa-hia “Aita te mau faatereraa taata e haamâha nei i te mau hiaai ru o te huitaata nei.” I muri aˈe i te aparauraa, e faaite te hoê taata poro ineine maitai e nafea i roto i te hoê farerei-faahou-raa, ia faaohipa ma te aravihi i te hoê irava ma te horoa i te hoê tatararaa taa maitai, te hoê faahohoˈaraa ohie, e te hoê faaohiparaa poto ia ite te taata e nafea oia iho e faufaahia ˈi i te faatereraa o te Basileia. E haamata te faahiˈoraa a taiohia ˈi te irava. I muri aˈe i te faahiˈoraa, a haamanaˈo mea nafea te irava i te faataaraahia, i te faahohoˈaraahia e i te faaohiparaahia. A faaitoito i te feia e faaroo ra ia faahotu i te ite no te faaohipa ma te aravihi i te Parau a te Atua.

Himene 171 e pure faaotiraa.

Hebedoma o te 7 no Tiurai

Himene 165

5 mn: Parau faaara.

15 mn: Te tahi mau tupuraa i farereihia e te tahi feia poro o te amuiraa. A faatia aore ra a hauti i te tahi mau tupuraa i farereihia e te tahi feia poro o te amuiraa (1) ma te poro i te tahi mau taata nunaa rau aore ra o te paraparau i te hoê reo ê, aore ra (2) ma te poro i roto i te tahi mau tupuraa ê atu i tera fare i tera fare aore ra i nia i te purumu. A faaitoito i te feia poro atoa ia faaohipa maitai i te buka rairai Une bonne nouvelle pour toutes les nations e te api parau Veuillez suivre l’intérêt (S-43) ia farerei atu ratou i te tahi taata e paraparau i te tahi reo ê.—A hiˈo i te rata o te 15 no Atopa 1998 i faataehia i te mau amuiraa atoa.

25 mn: “E faaite anaˈe i te iˈoa o te Atua.”f A faaohipa i te mau uiraa e vai ra. A hiˈopoahia ˈi te paratarafa 4, a faaô mai i te tahi mau manaˈo o te tumu parau tarenihia “Ils font connaître le nom de Dieu,” e vai ra i te api 124 o te buka Prédicateurs. Faahiˈoraa: e rave te hoê taata poro aravihi i te hoê farerei-faahou-raa. Maoti e piti aore ra e toru irava maitihia i roto i te buka Haaferuriraa, api 184-5, e faaite oia no te aha e mea faufaa ia ite e ia faaohipa i te iˈoa o te Atua.

Himene 197 e pure faaotiraa.

[Nota i raro i te api]