E nafea ia pûpû i te mau vea

La Tour de Garde 15 no Tenuare

“Ia ferurihia te mau haamaniiraa toto atoa i tupu, te manaˈo ra anei oe e ua upootia te ino i nia i te maitai? [E vaiiho tatou i te taata ia pahono.] A hiˈo na eaha ta te Bibilia e parau ra no nia i te Atua. [E taio tatou i te Salamo 83:18b.] I te mea e o te Atua te Teitei roa ˈˈe i te fenua atoa nei, e nehenehe mau anei te ino e upootia? [E faaroo tatou i te pahonoraa.] Te horoa nei teie Pare Tiairaa i te hoê pahonoraa e haapapu i teie uiraa.”

Réveillez-vous! 22 no Tenuare

“Te fifihia nei to tatou panaˈonaˈo ore mai tei ore i itehia aˈenei. Te rahi noa ˈtura te taata o te haapeapea ra no te hoê peu: te eiâraa i te ihotaata. Ua faaroo anei oe i te reira? [E vaiiho tatou i te taata ia pahono.] Te fafau ra te Bibilia e ia tae i te hoê mahana eita roa ˈtu to tatou panaˈonaˈo ore e fifi-faahou-hia. [E taio tatou i te Isaia 11:9.] Te faataa ra teie vea e nafea te reira e tupu ai.”

Te Pare Tiairaa 1 no Fepuare

“Te mǎtaˈu nei e rave rahi taata i te ohipa ore, area râ te tahi atu, te ite ra ïa i te faaheporaa rahi i te ohipa. I to oe manaˈo, e nehenehe anei e oaoa e e fanaˈo i te panaˈonaˈo ore i te ohipa? [E vaiiho tatou i te taata ia pahono. I muri iho, e taio tatou i te Isaia 65:21-23.] Te faataa ra teie Pare Tiairaa i te hoê tau e fanaˈo ai te taata atoa i te hoê ohipa e hoona.”

Réveillez-vous! 8 no Fepuare

“Te faataa ra teie Réveillez-vous! i te hoê tupuraa mau peapea o to tatou nei tau: te taiataraa tamarii. Te fafau ra te Bibilia e e fatata roa tera mau rave-ino-raa i te ore. [E taio tatou i te Maseli 2:21, 22.] Te faaite ra teie vea eaha to muri i tera huru ohiparaa i nia i te mau tamarii e e nafea te reira e mou ai.”