Mau parau faaite

◼ Mau papai e pûpûhia i Tenuare: Te hoê oraraa utuafare oaoa na roto i te reo Farani; Te taata rahi roa ˈˈe i ora aˈenei na roto i te reo Tahiti. Fepuare: E pûpû tatou i te buka apî E haafatata ˈtu ia Iehova. Mati: Te ite e aratai i te ora mure ore. E ravehia te tahi tutavaraa taa ê no te haamata i te mau haapiiraa bibilia. Eperera e Me: Te Pare Tiairaa e Réveillez-vous! (Na vea e piti) I roto i te mau farerei-faahou-raa, e imi iho â tatou i te pûpû i te taata e anaanatae ra i te Bibilia i te buka Adorez le seul vrai Dieu na roto i te reo Farani aore ra te buka Tahoêhia i roto i te haamoriraa o te Atua mau hoê roa na roto i te reo Tahiti. E tutavaraa taa ê te ravehia no te haamata i te hoê haapiiraa bibilia, mai te peu iho â râ e ua haapii ê na te hoê taata i te buka Ite e te buka rairai Titau.

◼ Mai Fepuare atu aore ra eiaha ia mairi te 2 no Mati, e vauvau te mau tiaau haaati i te oreroraa parau apî no te taatoaraa “Faaorahia mai te hoê ao poiri.”

◼ E rave te mau amuiraa i te mau faanahoraa e tano no te Oroa haamanaˈoraa, o te tupu i teie matahiti i te Mahana toru 16 no Eperera, i muri aˈe i te toparaa mahana. E faahaerehia te mau taoˈa taipe i muri aˈe noa i te toparaa mahana, noa ˈtu e e nehenehe te oreroraa parau e haamata na mua ˈˈe. A hiˈo maitai i te hora o te toparaa mahana i to outou vahi. I te vahi e putuputu ai tau amuiraa i roto i te hoê â Piha a te Basileia, e nehenehe paha hoê amuiraa aore ra hau atu e faaohipa i te tahi atu piha i taua ahiahi ra. Te ani atu nei matou ia outou, mai te peu e e nehenehe, e e 40 aˈe minuti te faataa ê i na putuputuraa e piti ia nehenehe te taatoaraa e haafaufaa roa i te oroa. E hiˈopoahia te mau fifi i te pae o te tereraa pereoo, o te vahi tapearaa e o te haapouraa mai e te ohiraa ˈtu i te mau taata. E faaoti te tino matahiapo eaha te mau faanahoraa e tano aˈe i te vahi iho.

◼ Mai teie avaˈe atu nei, e faaorehia te tapura o te mau papai apî e vai ra i roto i Ta tatou taviniraa i te Basileia. I te mau avaˈe atoa, e hapono-noa-hia te “Mau parau faaite i te mau amuiraa,” to roto tera mau haamaramaramaraa, i te mau amuiraa atoa. Ei haamanaˈoraa, ia tae mai te “Mau parau faaite i te mau amuiraa,” e mea tia ia horoa i te hoê parau faaara i te putuputuraa no te taviniraa i muri iho no nia i te mau papai e anaanatae atu ta outou amuiraa. E nehenehe te parau faaite e piahia i nia i te tapura piaraa. I muri iho, e mea tia ia tuu te taeae haapao i te mau papai i te reira i roto i ta ˈna pueraa parau.