Putuputuraa no te taviniraa

Hebedoma o te 8 no Tiurai

Himene 201

15 mn: Mau parau faaara. Mau parau faaite e tano o Ta tatou taviniraa i te Basileia. E piti faahiˈoraa o te rave faahou mai i te mau manaˈo tauturu o te api 4 o Ta tatou taviniraa i te Basileia no Tiunu 2002 no te pûpû i te mau vea (Te Pare Tiairaa o te 15 no Tiunu e te Réveillez-vous! o te 22 no Tiunu). I roto i na faahiˈoraa taitahi, a faaite i te hoê ravea no te pahono i te patoiraa: “Ua riro aˈena matou ei Kerisetiano.”—A hiˈo i te buka Haaferuriraa, api 19.

10 mn: Pahonoraa i ta outou mau uiraa. Oreroraa parau vauvauhia e te hoê matahiapo, o te haamataratara mai i te mau faaohiparaa e tano i te amuiraa.

20 mn: E faanahonaho anaˈe no te horoa i te faaiteraa ma te faanaho-ore-hia. Aparauraa e te feia e faaroo ra no nia i te buka Notre ministère, api 94-5. E piti aore ra e toru faahiˈoraa poto o te rave faahou mai i te mau manaˈo tauturu o te api matamua o te api hau no Tenuare 2002 e o te faaite e nafea ia horoa i te faaiteraa ma te faanaho-ore-hia i te hoê taata matau ore, te hoê taata tapiri, te hoê fetii aore ra i te hoê taata matau.

Himene 139 e pure faaotiraa.

Hebedoma o te 15 no Tiurai

Himene 144

10 mn: Mau parau faaara. Tapura faufaa moni.

15 mn: Mau hinaaro o te amuiraa.

20 mn: Te mau tumu maitatai e faaohipa ˈi i te Bibilia i roto i te taviniraa. Oreroraa parau e aparauraa e te feia e faaroo ra. Ua ite Iesu i te mau Papai e ua faahiti pinepine oia i te reira ia ˈna i haapii. (Luka 24:27, 44-47) E ere na ˈna iho te mea ta ˈna e haapii ra. (Ioa. 7:16-18) Mea faufaa ia faaohipa atoa tatou i te Parau a te Atua. E puai iti rahi to ˈna i te mea ta tatou e nehenehe e parau. (Ioa. 12:49, 50; Heb. 4:12) E anaanatae te mau taata haavare ore i te tamahanahanaraa e te tiaturiraa ta te mau Papai e horoa. E haamau anaˈe ei fa e taio hoê aˈe irava bibilia i roto i ta tatou mau pûpûraa. A faaite e i teie avaˈe, te vai ra te mau irava bibilia i roto i te mau manaˈo tauturu no te pûpû i te mau vea. A ani i te feia i putuputu mai ia faatia e nafea ratou ia faaohipa i te Bibilia i roto i te taviniraa e eaha ta ˈna e faatupu i nia ia ratou e te mau taata ta ratou i farerei.

Himene 215 e pure faaotiraa.

Hebedoma o te 22 no Tiurai

Himene 47

10 mn: Mau parau faaara. Mau faahiˈoraa: e poro te hoê taata poro e te hoê o ta ˈna mau tamarii; e pûpû raua i te mau vea o te 1 e te 8 no Tiurai ma te rave faahou mai i te mau manaˈo tauturu o te api 4 o Ta tatou taviniraa i te Basileia no Tiunu 2002. E pûpû te hoê i Te Pare Tiairaa e te tahi i te Réveillez-vous! A faaitoito i te mau metua ia haamataro mǎrû noa i ta ratou mau tamarii i roto i te taviniraa.

17 mn: Eaha ta outou e pahono i te hoê taata e ui ia outou no nia i te haapaoraa Mahometa? Oreroraa parau e faahiˈoraa. Maoti te buka L’humanité à la recherche de Dieu, pene 12, a faataa poto noa mai i te mau turuaraa i roto i te Coran e te Bibilia. (A hiˈo i te tumu parau tarenihia i te api 285.) A faaite i te taa-ê-raa i roto i te haapiiraa Mahometa no nia i te nephe (api 297-300) e te mau faataaraa a te Bibilia. (A hiˈo i te nota i raro i te api 299.) Faahiˈoraa: maoti te buka Haaferuriraa, api 248-51, a faataa i te hoê taata o te anaanatae apî mai i te parau mau eaha ta te Bibilia e haapii ra no nia i te nephe.

18 mn: E nafea ia ape i te mau huru atâta o te Internet? Oreroraa parau e aparauraa e te feia e faaroo ra no nia i te Réveillez-vous! o te 22 no Tenuare 2000, api 19-21. A onoono i nia i te mau marei ia faaohipa i te Internet ma te taotia ore, e a faataa e nafea ia ape i te reira. A titau manihini i te feia i putuputu mai ia faatia i te mau haamaitairaa i noaa mai ia ratou na roto i te faaohiparaa i taua mau aˈoraa ra.

Himene 61 e pure faaotiraa.

Hebedoma o te 29 no Tiurai

Himene 54

10 mn: Mau parau faaara. A haamanaˈo i te feia poro ia faahoˈi mai i ta ratou tapura taviniraa no Tiurai.

10 mn: “Tairururaa haaati: te porotarama apî.” Oreroraa parau. A faaite i te mau taio mahana o te tairururaa haaati i mua nei. A onoono i nia i te faufaaraa ia tae mai e ia faaroo maitai. A faaitoito i te feia poro bapetizo-ore-hia ia feruriruri i te tia ia ratou ia rave ia naea te mau titauraa no te bapetizoraa. E tutavahia iho â râ i te titau manihini i te feia e haapii ra i te Bibilia.

25 mn: “Ia au maite tatou.”a A hiˈopoahia ˈi te paratarafa 3, a faaô i te tahi mau manaˈo no roto mai i te Réveillez-vous! o te 22 no Eperera 2000, api 9-10. A hiˈopoahia ˈi te paratarafa 4, a faaô i te tahi mau manaˈo no roto mai i Te Pare Tiairaa o te 1 no Eperera 1995, api 16-7, paratarafa 4-6.

Himene 81 e pure faaotiraa.

Hebedoma o te 5 no Atete

Himene 38

10 mn: Mau parau faaara.

20 mn: “E haaputuputu anaˈe i te mau taata no te mau reo atoa.”b A faaô i te tahi mau manaˈo no roto mai i Te Pare Tiairaa o te 1 no Eperera 2002, api 24. Mai te peu e e au, a faataa poto noa eaha te ravehia ra no te tauturu i te mau taata reo ěê o ta outou tuhaa fenua e a faanaho i te hoê faahiˈoraa o te rave faahou mai i te faaiteraa o te paratarafa 4.

15 mn: Mau aamu rii o te pororaa. A titau manihini i te feia e faaroo ra ia faatia mai i te tahi mau tupuraa mau faaitoito i roto i te tairururaa mataeinaa, te taviniraa pionie tauturu aore ra te tahi atu mau ohipa pae varua i ravehia i te mau avaˈe Tiurai e Atete.

Himene 184 e pure faaotiraa.

[Nota i raro i te api]