Pahonoraa i ta outou mau uiraa

◼ No te aha e titauhia ˈi ia haapao maitai tatou ia horoa tatou i te faaiteraa ma te papai i te rata?

E ravea maitai te papairaa i te rata no te haaparare i te parau apî maitai. Teie râ, ua turai te mau tupuraa apî i te mau taata ia haapao maitai i te mau rata matau-ore-hia. E mea pinepine, e haapao maitai te taata i te mau vehî rata aita e iˈoa to nia iho aore ra aita i papaihia te vahi nohoraa o te taata hapono, mai te peu iho â râ e mea meumeu e e mea papai-rima-hia te vahi nohoraa. E nehenehe te taata e faarue i te reira ma te ore e tatara ˈtu. E nafea ia ape i te reira?

Mai te peu e e nehenehe, e tia ia patapatahia te rata e te vahi nohoraa i nia i te vehî rata. E tia ia papaihia i nia i te vehî rata te iˈoa o te taata ta outou e papai atu ra. Eiaha e papai “te fatu fare.” A faataa noa i te vahi nohoraa o te taata hapono. Mai te peu e e ere i te mea tano ia tuu i to outou vahi nohoraa, a papai atu ïa i to outou iˈoa e te vahi nohoraa o te Piha a te Basileia. Eiaha e hapono i te rata aita te iˈoa o te taata hapono to nia iho. Eiaha roa ˈtu e tuu i te vahi nohoraa o te amaa.—A hiˈo i te Pahonoraa i ta outou mau uiraa i roto i Ta tatou taviniraa i te Basileia no Novema 1996.

Te vai ra te tahi atu mau manaˈo tauturu e te hoê hohoˈa rata i roto i te buka ra Tirez profit de l’École du ministère théocratique, te mau api 71-3. E tauturu mai tera mau faaueraa ia faaohipa maitai aˈe tatou i te mau rata no te faaite haere i te parau apî maitai.