Pahonoraa i ta outou mau uiraa

◼ Eaha te tia ia tatou ia haapao maitai ia papai anaˈe tatou i te rata i te feia o ta tatou e ore e farerei nei i ǒ ratou?

No te mau tumu huru rau, te ite nei tatou e mea fifi noa ˈtu â ia farerei i te mau taata i ǒ ratou. E rave rahi feia poro o te manaˈo nei e mea papu aˈe ia papai atu ia ratou, e e nehenehe teie huru raveraa e horoa mai i te mau faahopearaa maitatai; teie râ, e tia ia faahaamanaˈo i te tahi mau tuhaa ia nehenehe tatou e ape i te mau fifi:

Eiaha e faaohipa i te vahi nohoraa a te Taiete. Ahiri aita, e manaˈohia e no ǒ mai teie mau rata i ta tatou mau piha toroa, e faatupu te reira i te mau fifi e e nehenehe atoa e titau i te mau haamâuˈaraa faufaa ore.

A hiˈo maitai e ua tano te vahi nohoraa o te taata e faataehia ra te rata e ua navai te titiro.

Eiaha e hapono i te rata i te hoê taata ma te ore e papai roa i to ˈna iˈoa.

Eiaha e vaiiho i te mau rata i te pae opani.

Mea hau aˈe ia haapoto noa i te mau rata. Eiaha e papai i te hoê aˈoraa roroa roa, a tuu noa ˈtu râ i te hoê api parau iti aore ra te hoê vea.

Mea ohie aˈe ia taio i te mau rata patapatahia e e horoa atoa te reira i te hoê faaiteraa tura aˈe.

Eita te hoê rata e tapaohia ei hoˈi-faahou-raa, taa ê noa ˈtu mai te peu e ua farerei tino roa ˈtu tatou i te taata e ua poro tatou ia ˈna.

Mai te peu e e papai atu tatou i te hoê taata o tei faaite i te anaanatae, e tia ia horoa ˈtu i te hoê vahi nohoraa aore ra te hoê numera niuniu i reira oia e nehenehe ai e faaara mai ia tatou. A faataa ˈtu i ta tatou porotarama haapiiraa Bibilia.

A titau manihini i te taata i te mau putuputuraa a te amuiraa, ma te faaite atu i te vahi nohoraa e te mau hora putuputuraa.

Eiaha e hapono atu i te rata i te feia aita to te fare i muri aˈe i to tatou faahoˈiraa i te tabula fenua; tei te taata poro tei ia ˈna ra te tabula fenua i teie nei te hopoia e poro i reira.