Haamanaˈoraa no te Oroa haamanaˈoraa

I teie matahiti, e tupu te Oroa haamanaˈoraa i te Mahana maha 28 no Mati. E tia i te mau matahiapo ia ara e ia ravehia te mau tuhaa i muri nei:

◼ Ia maitihia te hora o te putuputuraa, a ara maitai ia ore te mau taoˈa taipe ia faahaerehia na mua ˈˈe i te toparaa mahana.

◼ E faaarahia te taatoaraa, e te taeae orero atoa, no nia i te hora tia e te vahi mau e tupu ai te oroa.

◼ E tia ia noaa mai e ia ineine te pane e te uaina e tano.—A hiˈo i Te Pare Tiairaa o te 1 no Tetepa 1985, api 17.

◼ E tia ia afaihia mai i te piha te mau mereti, te mau hapaina, te hoê airaa maa e te hoê vauvau airaa maa e au, e ia oti i te faanahohia na mua ˈˈe i te oroa.

◼ E tia ia tamâ-maitai-hia te Piha a te Basileia, aore ra te vahi putuputuraa.

◼ E tia ia faataahia te mau taeae no te fariiraa e te mau taeae tuati, e ia faaara-oioi-hia ratou no nia i ta ratou tuhaa e nafea ia rave atu, e e faaitehia ˈtu i te faufaaraa o te ahuraa e o te faaneheneheraa rouru tura.

◼ E tia ia ravehia te mau faanahoraa no te afai atu i te mau taoˈa taipe i te mau melo faatavaihia atoa i maˈihia o te ore e tae mai.

◼ Ia faatupuhia tau oroa i roto i te hoê â Piha a te Basileia, e tia i te mau amuiraa ia faanaho maitai i te mau ohipa, ia ore ia apǐapǐ te tomoraa, te mau hiti purumu, te vairaa pereoo, e te vai ra ˈtu â.