Putuputuraa no te taviniraa

Hebedoma o te 11 no Fepuare

Himene 6

12 mn: Mau parau faaara. Mau parau faaite e tano i Ta tatou taviniraa i te Basileia. A faaitoito i te taata taitahi ia taio faahou i te Genese 6:1 e tae atu i te 9:19 e ia mataitai i te ripene ra Noé: il marchait avec Dieu no te faaineine i te aparauraa i te hebedoma o te 25 no Fepuare.

20 mn: “A faaite hua i te parau a te Atua.”a (Par. 1-13) Tuhaa faaterehia e te tiaau peretiteni. Aparauraa anaanatae no nia i te mau fa ta tatou e hinaaro ia raea mai te avaˈe Mati atu. A faaitoito i te taata taitahi ia faaohipa i te tarena pûpûhia i te api hau no te haamau i te hoê tapura ohipa e au ia faaohipahia ia nehenehe oia e apiti rahi atu â i roto i te taviniraa i te avaˈe Mati. A titau manihini i te feia atoa e nehenehe ia riro ei pionie i te avaˈe Mati. A hiˈopoahia ˈi te mau paratarafa 7-8, a ani atu i te feia i riro na ei pionie i te matahiti i mairi aˈenei i te tau o te Oroa haamanaˈoraa ia faatia mai i te mau maitai ta ratou i fanaˈo. A haapapu e te vai ra te tahi mau parau aniraa no te riro ei pionie tauturu ta ratou e faaî i muri aˈe i te putuputuraa.

13 mn: “Nafea ia pûpû i te mau vea.” A ui i te tahi mau taata poro nafea teie tumu parau o Ta tatou taviniraa i te Basileia e tauturu ai ia ratou ia ineine maitai aˈe no te faatuati i te mau tumu parau o te mau vea e te mau tupuraa peapea o te tau fifi no teie nei. Ua nehenehe anei te tahi pae e faahiti i te tahi mau parau tamahanahanaraa na te taata aore ra e tauturu ia ratou ia ite i te pahonoraa bibilia o te tahi mau uiraa peapea? E piti faahiˈoraa poto: pûpûraa i Te Pare Tiairaa o te 15 no Tenuare e te Réveillez-vous! o te 22 no Tenuare (a hiˈo i Ta tatou taviniraa i te Basileia no Tenuare 2002, api 8).

Himene 49 e pure faaotiraa.

Hebedoma o te 18 no Fepuare

Himene 95

8 mn: Mau parau faaara. Tapura faufaa moni.

12 mn: “Te nunaa oaoa roa ˈˈe i te fenua nei.”b A faahiti poto i te tumu parau ra “Te mau taahiraa e noaa mai ai te oaoa” i roto i Te Pare Tiairaa o te 15 no Atopa 1997, api 6.

25 mn: “A faaite hua i te parau a te Atua.”c (Par. 14-23) Tuhaa vauvauhia e te tiaau no te taviniraa. A faataa maitai i te mau faanahoraa taa ê i ravehia e te amuiraa no te faarahi atu â i te taviniraa i te avaˈe Mati. A faaite i te hora o te mau putuputuraa no te taviniraa atoa i faanahohia i roto i te avaˈe. A haamataratara i te faufaaraa ia tauturu i te feia aita e poro faahou ra ia poro faahou e ia tauturu i te mau tamarii aore ra te feia haapii o te faaî ra i te mau titauraa ei feia poro bapetizo-ore-hia. A faaite i te mau iˈoa o te feia i faaî i te hoê aniraa no te riro ei pionie tauturu i te avaˈe Mati, e a faaitoito ia vetahi ia opua i roto i te pure e apiti atu ia ratou.

Himene 143 e pure faaotiraa.

Hebedoma o te 25 no Fepuare

Himene 174

15 mn: Mau parau faaara. E piti faahiˈoraa poto: pûpûraa i Te Pare Tiairaa o te 1 no Fepuare e te Réveillez-vous! o te 8 no Fepuare (a hiˈo i Ta tatou taviniraa i te Basileia no Tenuare 2002, api 8). E ravehia te tahi e te hoê taurearea poro. A haamanaˈo i te feia poro ia faahoˈi mai i ta ratou tapura taviniraa no Fepuare.

15 mn: “Te tahi mau ripene video o te horoa ra i te faaiteraa.” Aparauraa e te feia e faaroo ra. Ua mataitai mai nei tatou e vau o ta tatou mau ripene video i roto i te Putuputuraa no te taviniraa. I muri aˈe i te aparau-poto-raa i nia i te tahi mau hiˈoraa i faahitihia i roto i te tumu parau, a ani i te feia poro ia faatia mai i te mau faahopearaa tei noaa mai ia ratou na roto i te haamataitairaa i te tahi mau ripene video i te taata.

15 mn: “Noé: il marchait avec Dieu—Te hoê ripene o te haapii i te taatoaraa.” A haamata roa ˈtu i te aparau e te feia e faaroo ra i nia i te ripene ra Noé ma te faaohipa noa i te mau uiraa i horoahia i roto i te tumu parau tarenihia o te api 7.

Himene 215 e pure faaotiraa.

Hebedoma o te 4 no Mati

Himene 207

5 mn: Mau parau faaara. A haamanaˈo i te feia i tae mai e o Te Pare Tiairaa o te 1 no Fepuare 2002, api 14, ta tatou e haapii i teie hebedoma. E piti tumu parau haapiiraa to roto i teie numera no te Oroa haamanaˈoraa.

12 mn: Mau hinaaro o te amuiraa.

12 mn: E faaohipa anaˈe i te buka ra Ite no te haamata i te mau haapiiraa bibilia. I te avaˈe Mati, e hinaaro tatou e rave i te tahi tutavaraa taa ê no te haamata i te mau haapiiraa bibilia i te fare. A faatia poto i te tupuraa i faahitihia i roto i Ta tatou taviniraa i te Basileia no Atete 1998, api 4, paratarafa 8. Mai te peu e ua haamata te hoê taata poro i te hoê haapiiraa bibilia aita i maoro aˈenei, a rave i te hoê faahiˈoraa no nia i te aparauraa ta ˈna i fanaˈo i taua taime ra. A haamanaˈo i te feia poro e te vai ra i roto i te api hau o Ta tatou taviniraa i te Basileia no Tenuare 2002 te hoê tumu parau “Mau manaˈo tauturu no te pûpû i te buka Ite.” Faahiˈoraa: faaohiparaa i te hoê o te mau manaˈo tauturu i te api 6 o te api hau, i roto i te tumu parau tarenihia “Te pûpû-roa-raa ˈtu,” no te pûpû atu i te buka.

16 mn: “No te aha e tamau noa ˈi i te poro?”d A faaoti i teie tuhaa ma te uiui atu hoê aore ra e piti taata poro tamau e rave rahi matahiti i te maoro. A ui ia raua ia faataa mai no te aha raua e tamau noa ˈi i roto i taua ohipa ra e eaha te mau maitai ta raua e fanaˈo ra.

Himene 223 e pure faaotiraa.

[Nota i raro i te api]