‘A vaiiho i te tahi pae moni’

E mau hinaaro materia to te amuiraa Kerisetiano no te senekele matamua. Ia au i to ˈna ruperuperaa, ua faaitoitohia te melo taitahi ia ‘vaiiho i te tahi pae moni’ ta ratou e horoa ei ô no te haapao i tera mau hinaaro. (Kor. 1, 16:1-3) Maoti taua aau horoa ra i nehenehe ai te taatoaraa e oaoa i te ‘haamaitai-rahi-raa i te Atua.’—Kor. 2, 9:11, 12.

I teie mahana, te rahi noa ˈtura te ohipa na te ao nei e ravehia ra e te nunaa o Iehova, o te titau ra hoi i te hoê turu rahi atu â i te pae moni. Mea tano ïa ia ‘vaiiho tamau tatou atoa i te tahi pae moni’ no te haapao i te mau hinaaro. (Kor. 2, 8:3, 4) Ua rau te ravea no te horoa i te mau ô materia. (A hiˈo i Te Pare Tiairaa o te 1 no Novema 2001, mau api 28-29.) E faariro tatou ma te tano i te reira ei fanaˈoraa taa ê o te hopoi mai i te oaoa mau.—Ohi. 20:35.