Te Haapiiraa o te Taviniraa Teotaratia 2002
1 Te faariro ra te rahiraa o te taata i te ravea e paraparau mai te hoê mea matauhia. Teie râ, e ô te paraparauraa no ǒ mai ia Iehova ra ia nehenehe tatou e aparau e vetahi ê, e e faaite i to tatou mau manaˈo e huru o te aau. Hau atu â, e ravea te reira no te arue i to tatou Atua.—Sal. 22:22; Kor. 1, 1:4-7.
2 Te faaineine ra te Haapiiraa o te Taviniraa Teotaratia i te mau tane, te mau vahine e te mau tamarii ia faaite haere ratou i te iˈoa o Iehova. (Sal. 148:12, 13) E puohu te porotarama o te haapiiraa no te matahiti 2002 i te hoê anairaa tumu parau bibilia e rave rau ta tatou iho e nehenehe e haafaufaa e e faaohipa i roto i te taviniraa. Ma te faaineine ia tatou no taua haapiiraa ra e ma te apiti atu, e faarahi tatou i to tatou ite e to tatou aravihi ei orometua haapii i te Parau a te Atua.—Sal. 45:1.
3 E taio anaˈe i te Bibilia i te mau mahana atoa: Mai te peu e tei pihai noa te hoê Bibilia ia tatou, e nehenehe tatou e faaohipa i te taime vata e vai ra ia tatou no te taio i te reira. Te vai ra to te rahiraa i rotopu ia tatou i te roaraa o te mahana tau minuti ta ratou e nehenehe e faaohipa no te reira. Mea faufaa mau â ia taio hoê aˈe api o te Bibilia i te mau mahana atoa, e navai noa ïa no te apee i te porotarama taioraa bibilia i faanahohia no te haapiiraa!—Sal. 1:1-3.
4 E tauturu te ite i te taio maitai i te Bibilia ia tatou ia haaputapû i te mafatu o te feia e faaroo ra ia tatou e e turai te reira ia ratou ia arue ia Iehova. E tia i te mau taeae o te vauvau i te tumu parau no 2 ia na nia iho e ia na nia iho noa i te taio ma te reo puai i te tuhaa taioraa i faataahia. E haapopou te tiaau no te haapiiraa i te taata haapii e e horoa oia i te tahi mau manaˈo tauturu no te haamaitai i ta ˈna taioraa.
5 E faaohipa anaˈe i te buka Haaferuriraa: E niuhia te mau tumu parau no 3 e te no 4 i nia i te buka Haaferuriraa. E nehenehe paha te rahiraa o tatou e feruri hohonu i te faaohipa i teie buka e au roa ia faaohipahia i roto i te taviniraa. E ara te mau tuahine ia maiti ratou i te tahi mau tupuraa e tano i te tuhaa fenua. E hiˈo maitai iho â râ te tiaau no te haapiiraa nafea te feia haapii e haapii ai e e faaohipa ˈi i te mau Papai.
6 Ia tauturu mai ïa te Haapiiraa o te Taviniraa Teotaratia ia tatou paatoa ia tamau i te faaohipa i te ô a te Atua oia te paraparauraa no te faaite i te parau apî maitai e no te arue i to tatou Atua rahi ra o Iehova!—Sal. 34:1; Eph. 6:19.