Te Haapiiraa o te Taviniraa Teotaratia 1998

E nehenehe e faataa i te haapiiraa mai te hoê vahi i reira e noaa mai ai te mau ite e te mau aravihi apî. Na roto i te Haapiiraa o te Taviniraa Teotaratia, te haapii-noa-hia ra tatou i roto i te ite o te Atua. E nehenehe atoa to tatou apitiraa ˈtu i taua haapiiraa ra e tauturu ia tatou ia faaohipa i to tatou mau aravihi i roto i te mau tuhaa o te haapiiraa e o te oreroraa. I te matahiti 1998, e pûpû mai te porotarama o te haapiiraa e rave rahi mau ravea no te haere i mua i te pae varua.

Ia hiˈo outou i te porotarama o te matahiti i mua nei, e ite outou e ua faaôhia mai te buka ra Te oaoa i te utuafare; e tuatapapahia teie buka i roto i te mau tumu parau n° 3 e te 4. Mai te peu e e niuhia te tumu parau n° 4 i nia i te buka ra Te oaoa i te utuafare, na te hoê taeae ïa e hohora mai na roto i te hoê oreroraa parau. A haamanaˈo e eiaha ia mairi i te taata haapii tataitahi te taime i faataahia.

Te hoê tuhaa apî: No to tatou iho maitai, te vai ra te hoê “porotarama hau no te taioraa Bibilia” i roto i te mau tapao paruru i muri noa ˈˈe i te numera himene o te hebedoma. E haamau tatou i te tapao e apee i te reira, noa ˈtu e aita hoê aˈe tuhaa o te porotarama hebedoma o te haapiiraa i niuhia i nia i te reira. E riro tatou i te matau i te taio i te Bibilia i te mau mahana atoa, mai te peu e aitâ tatou i na reira ˈtura.

No te ite i te tahi atu mau haamaramaramaraa no nia i te mau tumu parau, te mau aˈoraa, e te mau hiˈo-faahou-raa, a taio maitai i te mau faaueraa e vai ra i roto i te “Porotarama no te Haapiiraa o te Taviniraa Teotaratia 1998” e i te api 3 o Te taviniraa o te Basileia no Atopa 1996.

Mai te peu e aitâ outou i tapao atura ia outou i te Haapiiraa o te Taviniraa Teotaratia, te ani atu nei matou ia outou ia haere atu e tapao i teie nei. Te hauti noa ra teie haapiiraa otahi i te hoê tiaraa faufaa e faaineine i te mau tavini haehaa e te itoito o Iehova, ma te tauturu ia ratou ia riro ei mau tavini aravihi roa ˈtu â.—Tim. 1, 4:13-16.