Mau parau faaite

◼ Mau papai e pûpûhia i te avaˈe Atete: Te hoê o te mau buka rairai e 32 api i muri nei: Eaha te tumu o te oraraa? Nafea outou e ite ai i te reira?; Eaha te tupu i nia ia tatou ia pohe tatou?; E oaoa oe i te fenua e a muri noa ˈtu!; E tia anei ia tiaturi i te Toru Tahi?; Ia pohe tei herehia e outou na; “Inaha, te faaapî nei au i te mau mea atoa nei”; Te faatereraa o te haamau i te Paradaiso; Te haapao mau ra anei te Atua ia tatou?; Te iˈoa o te Atua e vai noa e a muri noa ˈtu. Ia tano anaˈe, e nehenehe tatou e pûpû: Mau varua o te feia pohe—E nehenehe anei ratou e tauturu ia outou aore ra e hamani ino ia outou? Te vai mau ra anei ratou?; Connaîtrons-nous un jour un monde sans guerre?; Nos problèmes—Qui nous aidera à les résoudre?; Un livre pour tous. Tetepa: La vie: comment est-elle apparue? Évolution ou création? Atopa: Te Pare Tiairaa e A ara mai na! Ia faaite te hoê taata i te anaanatae ia farerei-faahou-hia ˈtu, e nehenehe e pûpû i te tamatahitiraa. Novema: Eaha ta te Atua e titau ra ia tatou? aore ra Te ite e aratai i te ora mure ore. Mai te peu e te vai aˈena ra ta te taata, e nehenehe e pûpû L’humanité à la recherche de Dieu aore ra te tahi atu buka tahito aˈe.

◼ E tia i te tiaau peretiteni aore ra te hoê taeae ta ˈna i maiti, ia hiˈopoa i te tapura faufaa moni a te amuiraa i te 1 no Tetepa, aore ra i muri noa iho i teie taio mahana. Ia oti taua hiˈopoaraa ra, e faaarahia ˈtu te amuiraa i muri aˈe i te taioraa i te tapura faufaa moni i mua nei.

◼ E haamata te mau amuiraa i te ani i te Calendrier des Témoins de Jéhovah 2002 na roto i te reo Farani i nia i ta ratou parau aniraa buka no Tetepa.

◼ E faataehia ˈtu te tahi mau api parau no te matahiti taviniraa 2002 i te mau amuiraa atoa ia au i to ratou mau hinaaro. Eiaha e haamâuˈa i te reira. Ia faaohipahia te reira no te ohipa i faataahia.

◼ I teie nei, e titau-manihini-noa-hia te mau pionie tamau i te Haapiiraa no te Taviniraa pionie mai te peu e 16 aˈe matahiti to ratou i te 1 no Tetepa i te matahiti a haere ai ratou i taua haapiiraa ra. Mea taa ê no te hoê pionie aita i raeahia te matahiti e ua titau-manihini-hia hoê o te mau metua e pionie atoa, i taua haapiiraa ra.

◼ E tia i te taioraa matahiti i te taatoaraa o te mau vea e te mau mea neneihia e toe ra i roto i te amuiraa ia ravehia i te 31 no Atete 2001 aore ra i te hoê taio mahana fatata. E ravehia taua taioraa ra mai tei ravehia i te mau avaˈe atoa e te taeae haapao i te mau mea neneihia, e e papaihia te mau numera taatoa i nia i te api parau Stock des publications (S-18). E nehenehe e ani i te numera taatoa o te mau vea e toe ra i te mau taeae haapao i te mau vea a te amuiraa taitahi. E faataehia ˈtu e toru api parau Stock des publications (S-18) i te mau amuiraa atoa e tiaau ra. A hapono i te api matamua i te Taiete ra eiaha ia mairi te 6 no Tetepa. A tapea i te piti o te api i roto i ta outou pueraa parau. E faaohipahia te toru o te api ei papaipairaa. Na te papai parau a te amuiraa e tiaau ra i te taioraa e haapao i te reira. E tarima te papai parau e te tiaau peretiteni a te amuiraa e tiaau ra i te api parau.

◼ Te vai ra i roto i Ta tatou taviniraa i te Basileia nei te porotarama taatoa o te haapiiraa buka Te ite e aratai i te ora mure ore. E hinaaro paha outou e nenei faahou i te reira e e tuu atu i roto i ta outou buka ia ite-ohie-hia mai.

◼ Mai te 20 e tae atu i te 31 no Atete 2001, e numera te Taiete i te taatoaraa o te mau mea i neneihia e toe ra i Toahotu. Eita roa ˈtu ïa e fariihia te hoê noa ˈˈe aniraa no te mau mea neneihia e tia ia haponohia aore e tiihia mai i te Betela.