Haamanaˈoraa no te Haapiiraa o te Taviniraa Teotaratia

Haamanaˈoraa ma te tapiri i te buka i te mau tumu parau hiˈopoahia i roto i te Haapiiraa o te Taviniraa Teotaratia mai te hebedoma o te 7 no Me e tae atu i to te 20 no Atete 2001. A pahono i nia i te hoê api parau taa ê i te mau uiraa atoa e nehenehe i roto i te area taime i faataahia.

[Faaararaa: I roto i te haamanaˈoraa, o te Bibilia anaˈe te faaohipahia no te pahono i te mau uiraa. Ua horoahia te mau faahororaa i muri aˈe i te mau uiraa atoa no te faaohie i ta outou mau maimiraa. Aita i horoahia te mau numera api e paratarafa atoa o Te Pare Tiairaa.]

A tuu “tano” aore ra “hape” i muri aˈe i te mau pereota i muri nei:

1. No to ˈna hepohepo i pure oioi ai Nehemia ia au i te Nehemia 2:4. [Taioraa bibilia tahebedoma; hiˈo w86-F 15/2 api 25 par. 8.]

2. E huriraa te taˈo “amuiraa” no te taˈo Heleni ek·kle·siʹa, to roto atoa te manaˈo o te tahoêraa e te tautururaa te tahi i te tahi. [w99 15/5 api 25 par. 4]

3. E ape te mau tavini a Iehova i te mau peu noa e ravehia no tei pohe o te patoi ra i te Parau a te Atua, eiaha râ te taatoaraa. (Ioa. 19:40) [rs api 314 par. 5]

4. I te tau a ora ˈi Ioba, o o ˈna anaˈe te taata tei tapea i to ˈna taiva ore ia Iehova. (Ioba 1:8) [Taioraa bibilia tahebedoma; hiˈo w92 1/8 api 31 mau par. 3-4.]

5. E hamani fare ie ta Saulo, aore ra Paulo, imiraa e tapao faaite ïa e no roto mai o ˈna i te hoê fetii riirii. (Ohi. 18:2, 3) [w99 15/5 api 30 par. 2–api 31 par. 1]

6. Noa ˈtu e e mau hara rahi ta Davida i rave, ua nehenehe Iehova e parau e ua ‘pee mai oia ia ˈu ma te aau atoa ra’ no to Davida haerea tatarahapa e to ˈna mau huru maitatai. (Arii 1, 14:8) [w99 15/6 api 11 par. 4]

7. E tia ia imi tatou i te mau ravea atoa no te haapao i ta tatou mau parau tǎpǔ noa ˈtu e e ite tatou i muri aˈe e mea fifi roa ia na reira, ia ore râ te reira e au i te Bibilia, eiaha ïa tatou e haapao atu. (Sal. 15:4) [Taioraa bibilia tahebedoma; hiˈo w89-F 15/9 api 28 par. 5.]

8. Te faaite ra te Salamo 22:1 e i roto i te ahoaho, ua ere o Davida i to ˈna faaroo no te hoê taime. [Taioraa bibilia tahebedoma; hiˈo w86-F 15/8 api 20 par. 19.]

9. E nehenehe te hoê Kerisetiano e “hiˈa” i raro aˈe i te ahoaho, te inoino, te tauiraa i te pae moni aore ra o te ture, na roto râ i te tauturu a te varua o te Atua e to ˈNa feia haamori î i te here, eita oia e “huri-roa-hia i raro” i te pae varua. (Sal. 37:23, 24) [Taioraa bibilia tahebedoma; hiˈo w86-F 1/11 api 30 par. 14.]

10. Te haapii ra te Genese pene 1 e ua poiete te Atua i te mau mea atoa i nia i teie fenua i roto e ono mahana e 24 hora. [rs api 379 par. 2]

A pahono i te mau uiraa i muri nei:

11. Nafea to Ezera e to ˈna mau tauturu ‘faaiteraa i te auraa’ o te Ture? (Neh. 8:8) [Taioraa bibilia tahebedoma; hiˈo w86-F 15/2 api 26 par. 4.]

12. Nafea ia ite i ‘te oaoa o Iehova’? (Neh. 8:10) [Taioraa bibilia tahebedoma; hiˈo w86-F 15/2 api 26 par. 9.]

13. No te aha te feia ‘tei faatia noa e parahi i Ierusalema’ i haamaitaihia ˈi? (Neh. 11:2) [Taioraa bibilia tahebedoma; hiˈo w86-F 15/2 api 26 par. 12.]

14. No te aha Esetera i ore ai i faaara oioi i te arii no nia i to ˈna hinaaro mau? (Ese. 5:6-8) [Taioraa bibilia tahebedoma; hiˈo w86-F 15/3 api 24 par. 18.]

15. Eaha na uiraa faufaa e piti tei pahonohia i roto i te buka a Ioba? [si api 95 par. 1]

16. No te aha te aˈoraa a Eliphaza i haaparuparu ai ia Ioba e i ore ai i faaitoito ia ˈna? (Ioba 21:34; 22:2, 3) [Taioraa bibilia tahebedoma; hiˈo w95 15/2 api 27 mau par. 5-6.]

17. Eaha te salamo? [si api 101 par. 2]

18. Ia au i te Salamo 2:1, eaha “te mea faufaa ore” ta te mau nunaa e “imi” noa ra? [Taioraa bibilia tahebedoma; hiˈo w86-F 15/8 api 20 par. 5.]

19. Eaha te haapiiraa e au ia faaohipahia no nia i te oreraa e faatia pae ta tatou e nehenehe e huti mai na roto i te taviniraa a Philipi i to Samaria e te taata mana Etiopia? (Ohi. 8:6-13, 26-39) [w99 15/7 api 25 par. 2]

20. Nafea to Ioba faahohoˈaraa i to ˈna tiaturi papu e e nehenehe ta te Atua e faatia mai ia ˈna mai te apoo mai, ta ˈna i faariro mai te hoê vahi tapuniraa i to ˈna mau fifi? (Ioba 14:7, 13-15) [Taioraa bibilia tahebedoma; hiˈo w00 15/5 api 27 par. 7–api 28 par. 1.]

A faaî i te mau area i roto i te mau pereota i muri nei:

21. Ia au i te Esetera 8:17, te ‘faariro ra te taata ia ratou ei ati Iuda’; oia atoa i teie mahana, ua tia ˈtu te “․․․․․․․․” o te “mamoe ê atu” i te pae o te ․․․․․․․․. (Apo. 7:9; Ioa. 10:16; Zek. 8:23) [Taioraa bibilia tahebedoma; hiˈo w86-F 15/3 api 25 par. 14.]

22. Mai ta te Ohipa 1:7 e faaite ra, noa ˈtu e mea tâuˈa roa na Iehova te ․․․․․․․․, e tae mai ta ˈna mahana faautuaraa mai te hoê ․․․․․․․․, i te hoê taime manaˈo-ore-hia e te taata. (Pet. 2, 3:10) [w99 1/6 api 5 mau par. 1-2]

23. I roto i te Petero 2, 3:7, 10, e ․․․․․․․․ to te mau taˈo “raˈi” e “fenua”; te “fenua” ia au i te mau irava tapiri, o te ․․․․․․․․ ïa. [rs api 137 mau par. 2-4]

24. Maoti te tiaturi e te taaraa te tahi i te tahi e nehenehe ai te tauaparauraa maitai e tupu, e e tupu mai teie mau huru maitatai ia hiˈohia te faaipoiporaa mai te hoê taairaa o te ․․․․․․․․ e ia ․․․․․․․․ e ia manuïa te reira. [w99 15/7 api 21 par. 3]

25. E nehenehe te mana maitai o te mau hoa e tauturu ia tatou ia ․․․․․․․․ i te mau titauraa morare e pae varua, e nehenehe atu ai tatou e tavini ia Iehova ma to tatou ․․․․․․․․. [w99 1/8 api 24 par. 3]

A reni i te mau pahonoraa tano i roto i te mau pereota i muri nei:

26. ‘Te parahi noa ra Moredekai i te uputa a te arii,’ e tapao faaite ïa e o o ˈna (te tiai o te arii; te hoê o te feia toroa a te arii Ahasueru; te tiai ra oia ia titauhia mai oia e te arii). (Ese. 2:19, 20) [Taioraa bibilia tahebedoma; hiˈo w86-F 15/3 api 24 par. 9.]

27. Ia au i te Ioba 19:25-27, ua faaite papu Ioba e e ‘hiˈo oia i te Atua’ (ia haamaitaihia oia i te hoê orama; ia faatiahia mai oia no te ora i nia i te raˈi; ia ite to ˈna mata maramarama i te parau mau no nia ia Iehova). [Taioraa bibilia tahebedoma; hiˈo w94 15/11 api 19 par. 17.]

28. E haamanaˈo-aˈe-hia Ioba no to ˈna (aroha; maitai; faaoromai). (Iak. 5:11) [si api 100 par. 41]

29. E au ra e fatata (e toru hanere; e pae hanere; hoê tausani) matahiti te papairaahia te buka Salamo. [si api 101 par. 4]

30. Mea papu e na (Davida; Asapha; Ezera) i faanaho i te buka Salamo ia au i to ˈna huru hopea. [si api 102 par. 6]

A faatuati i te mau pereota i muri nei i te mau irava e tano:

Neh. 3:5; Sal. 12:2; 19:7; Tim. 2, 3:16, 17; Iak. 5:14-16

31. E tia ia hinaaro tatou i te horoa ia tatou eiaha e otohe ma te teoteo, ma te manaˈo e mea haama ia rave puai i te ohipa. [Taioraa bibilia tahebedoma; hiˈo w86-F 15/2 api 25 mau par. 12, 19.]

32. E tia ia faˈi te hoê Kerisetiano i te hara rahi ta ˈna i rave i te mau matahiapo. [rs api 130 par. 6]

33. I mutaa ihora, ua horoa Iehova i te faaararaa, te haapiiraa, e te parau tohu na to ˈna nunaa na roto i te moemoeâ, i teie nei, te faaohipa ra oia i ta ˈna Parau papaihia i faauruahia no to tatou faaoraraa. [rs api 240 par. 4]

34. Ia hinaaro tatou e faahoa i te Atua, mea titauhia ia faaite tatou i te haerea tia, haavare ore mau. [Taioraa bibilia tahebedoma; hiˈo w89-F 15/9 api 26 par. 7.]

35. E faaoraora te ture a te Atua i to tatou aau e e haamaitai i to tatou au-maitai-raa. [Taioraa bibilia tahebedoma; hiˈo w00 1/10 api 13 par. 4.]