Putuputuraa no te Taviniraa

A TAPAO NA: E vai i roto i Ta tatou taviniraa i te Basileia te porotarama o te hoê Putuputuraa no te Taviniraa no te mau hebedoma atoa o te mau avaˈe Tiurai e Atete. E nehenehe te mau amuiraa e rave i te mau tauiraa e titauhia no te mea e apiti atu ratou i te Tairururaa Mataeinaa “Orometua haapii i te Parau a te Atua.” A faaherehere 15 minuti o te Putuputuraa hopea no te Taviniraa hou te tairururaa no te hiˈopoa i te mau aˈoraa taa maitai o te api hau o Ta tatou taviniraa i te Basileia no Me 2001. I te avaˈe Atopa, e faataahia te taatoaraa o te hoê Putuputuraa no te Taviniraa no te hiˈo faahou i te mau manaˈo faufaa o te tairururaa. No taua aparauraa ra, e nehenehe tatou paatoa e tapaopao i te mau manaˈo faufaa i faaroohia i te tairururaa, tae noa ˈtu i te hoê tapura o te tahi mau manaˈo ta tatou iho e hinaaro ra e faaohipa i roto i to tatou oraraa i te mau mahana atoa aore ra i roto i te pororaa. E nehenehe ïa tatou e faaineine ia tatou no te faataa nafea tatou i te faaohiparaa i taua mau manaˈo tauturu ra mai te tairururaa mai â. E nehenehe ïa ta tatou e patu i to tatou faaroo te tahi i te tahi ma te faahiti i te mau maitai ta tatou i huti mai i roto i te haapiiraa maitai roa ˈˈe i horoahia mai na tatou.

Hebedoma o te 9 no Tiurai

Himene 4

8 mn: Mau parau faaara. Mau parau faaite e tano o Ta tatou taviniraa i te Basileia. A tatara i te “A tapao na” i nia nei no nia i te tahi mau tauiraa o te porotarama o te mau Putuputuraa no te Taviniraa e te Putuputuraa no te Taviniraa i faanahohia i te avaˈe Atopa no te hiˈo faahou i te mau manaˈo faufaa o te tairururaa.

17 mn: Tapura taviniraa no Eperera. Oreroraa parau e mau uiuiraa manaˈo vauvauhia e te tiaau no te taviniraa. A haamataratara i te mau numera faufaa o te tapura taviniraa no Eperera i Polinesia Farani e tae noa ˈtu ta te amuiraa. A uiui e rave rau feia poro o tei rave i te hoê tutavaraa taa ê i roto i te taviniraa i Eperera. A ani ia ratou ia faaite mai i te oaoa ta ratou i ite i to ratou apiti-hope-raa e eaha ta ratou e rave ra i teie nei no te haa-noa-raa i roto i te taviniraa.—Hiˈo i te api hau o Ta tatou taviniraa i te Basileia no Mati 2001, mau paratarafa 28-30.

20 mn: “E nehenehe anei outou e tavini i te vahi e hinaaro-rahi-hia ˈi te tauturu?”a A faaô mai i te tahi mau tupuraa mau faaitoito o te tahi mau taata poro a te amuiraa o tei poro i roto i te hoê tuhaa fenua moemoe aore ra aita e poro-pinepine-hia ra.—Hiˈo i te buka Notre ministère, mau api 112-113.

Himene 42 e pure faaotiraa.

Hebedoma o te 16 no Tiurai

Himene 10

10 mn: Mau parau faaara. Tapura faufaa moni.

15 mn: E te mau taurearea, a feruriruri maite i ta outou mau opuaraa no a muri aˈe. E paraparau te hoê metua tane e ta ˈna taurearea tamaiti (aore ra tamahine) i te hoê matahiapo mea aravihi mau oia i te pae o te ohipa. I muri aˈe i te feruriruriraa i te aparauraa o te Putuputuraa no te Taviniraa a piti hebedoma aˈenei, e opua maite te tamaiti e rave i te taviniraa pionie taime taatoa, aita râ e taa ra ia ˈna nafea ia haapao i to ˈna mau hinaaro i te pae materia. E onoono te matahiapo i nia i te faufaaraa o te hoê manaˈo faito noa. (Te Pare Tiairaa o te 1 no Tetepa 1999, api 11, paratarafa 13) E haerea paari ia imi i te hoê faaineineraa e nehenehe atu ai oia e haamâha i to ˈna mau hinaaro. Te manuïa ra e rave rahi i muri aˈe i te noaaraa mai te tahi mau ite matamua o te titau maa taime e maa moni. (Te Pare Tiairaa o te 1 no Fepuare 1996, api 14; Les jeunes s’interrogent, api 178) E aparau ratou paatoa no nia i te tumu parau o te A ara mai na! o te 8 no Mati 1996, mau api 9-11, e te tahi mau manaˈo tauturu nafea ia itea mai aore ra ia faatupu i te hoê ohipa e tano.

20 mn: Les Témoins de Jéhovah: Qui sont-ils? Quelles sont leurs croyances? Aparauraa e te feia e faaroo ra e faahiˈoraa. A hiˈopoa i te mea e vai ra i roto i te buka rairai e a aparau nafea ia faaohipa i te reira no te haamaramarama i te taata no nia ia tatou e ta tatou ohipa. Te faataa ra te reira o vai tatou (mau api 3-5), te haamanaˈo ra i te tahi mau manaˈo o to tatou tuatapaparaa no teie tau e ta tatou mau ohipa (mau api 6-11), te faahiti ra i te tahi mau tiaturiraa o te faataa ê ia tatou i te tahi atu mau haapaoraa (mau api 12-14), te faataa ra i te parau apî maitai ta tatou e poro ra e nafea tatou e poro ai i te reira (mau api 15-21), te faaite ra eaha ta ta tatou ohipa e hopoi mai na to tatou mau hoa (mau api 22-24), te paraparau ra no nia i te huru o ta tatou faanahonahoraa na te ao atoa nei (mau api 25-26), e te pahono ra i te tahi mau uiraa ta te taata e uiui pinepine ra no nia ia tatou (mau api 27-31). Faahiˈoraa: e faaohipa te hoê taata poro i te buka rairai no te pahono i te hoê o te mau uiraa i te api 29 ta te hoê taata i ui atu, ia oti, e rave faahou te taata poro i te titau-manihini-raa i te api hopea. A faaitoito i te feia atoa i putuputu mai ia faaohipa i te buka rairai ia ite maitai aˈe te mau melo o to ratou utuafare e ere i te Ite o vai tatou, ia faaara i te anaanatae ia farerei-faahou-hia ˈtu, e ia aratai i te feia haapii i te Bibilia i te faanahonahoraa.

Himene 50 e pure faaotiraa.

Hebedoma o te 23 no Tiurai

Himene 19

10 mn: Mau parau faaara.

15 mn: Mau hinaaro o te amuiraa.

20 mn: “A faaineine ia outou no te haapii i te parau tohu a Isaia.”b A haamanaˈo poto noa i te mau maitai e noaa mai ia tatou ia haapii tatou i te buka bibilia a Isaia. (Hiˈo i te Prophétie d’Isaïe, buka 1, pene 1, mau paratarafa 10-12.) A faaitoito i te taata taitahi ia tae tamau mai i te haapiiraa buka.

Himene 53 e pure faaotiraa.

Hebedoma o te 30 no Tiurai

Himene 22

10 mn: Mau parau faaara. A haamanaˈo i te feia poro ia faahoˈi mai i ta ratou tapura taviniraa no Tiurai.

20 mn: E te mau taurearea, a haroaroa ia maiti outou i te tahi mau haapiiraa. E aparau te hoê matahiapo e te tahi mau metua e ta ratou mau tamarii taurearea no nia i te mau haapiiraa hau. E aratai te matahiapo i te aparauraa o te mau paratarafa 11-13 o Te Pare Tiairaa o te 1 no Tetepa 1999, mau api 16-17, ma te onoono i nia i te mau tumu e tia ˈi ia tuu i te taviniraa taime taatoa i roto i ta ratou mau mea faufaa roa ˈˈe. (Te Pare Tiairaa o te 1 no Titema 1996, mau api 18-19, mau paratarafa 13-15) E hiˈo faahou ratou i muri iho i te mau aˈoraa a te A ara mai na! o te 8 no Mati 1998, mau api 19-20, ma te haamataratara i te faufaaraa ia faaohipa i te haroaroaraa no te feruri i te mau fanaˈoraa e te mau fifi o te mau haapiiraa hau, oia atoa ia taotia i taua mau haapiiraa ra i nia i te mea e hinaarohia ra no te faatamaa ia ratou a haa noa ˈi ratou ma te itoito i roto i te taviniraa. E farii paatoa ratou i te parau e e tia ia arataihia ratou e te aˈoraa a Iesu, oia hoi e tuu i te Basileia i te parahiraa matamua.—Mat. 6:33.

15 mn: Une bonne nouvelle pour toutes les nations. Aparauraa e te feia e faaroo ra e faahiˈoraa. A faaite nafea ia poro i te feia e paraparau i te hoê reo ê maoti te buka iti ra Une bonne nouvelle pour toutes les nations. A haapoto i te upoo parau iti ra “Comment utiliser cette brochure” (api 2) e a taio i te faaiteraa i papaihia na roto i te reo Farani. Faahiˈoraa: eaha te rave ia farereihia te hoê taata e reo ê to ˈna? A faatia i te tahi mau faaiteraa o te manuïa ra i faaohipahia i roto i te tuhaa fenua a te amuiraa.—Hiˈo i te api hau o Ta tatou taviniraa i te Basileia no Fepuare 1998, mau paratarafa 9-10.

Himene 57 e pure faaotiraa.

Hebedoma o te 6 no Atete

Himene 25

15 mn: Mau parau faaara. A titau manihini i te feia i putuputu mai ia faatia nafea ratou i nehenehe ai e horoa i te hoê faaiteraa faanaho-ore-hia a haere ai ratou i te tairururaa mataeinaa, i te tau faafaaearaa aore ra a farerei ai ratou i te tahi mau fetii e ere i te Ite.

10 mn: “Tairururaa haaati: te porotarama apî.” Oreroraa parau. A faaite i te mau taio mahana o te tairururaa haaati i mua nei. E tia i te taata taitahi ia rave i te hoê tutavaraa taa ê no te titau manihini i te feia e haapii ra i te Bibilia. A faaitoito i te feia poro bapetizo-ore-hia ia opua maite e faataipe i ta ratou pûpûraa ia ratou na Iehova i te tairururaa i mua nei. A titau manihini i te taata taitahi ia tae mai i na rururaa e piti i na mahana taitahi.

20 mn: “Eiaha outou e taiâ!”c Mai te peu e e taimehia, a faatia i te tahi mau tupuraa no roto i Te Pare Tiairaa o te 15 no Titema 1999, api 25.

Himene 63 e pure faaotiraa.

[Nota i raro i te api]