Mau parau faaite

◼ Mau papai e pûpûhia i te avaˈe Mati: Te ite e aratai i te ora mure ore. E ravehia te tahi tutavaraa taa ê no te haamata i te mau haapiiraa bibilia. Eperera e Me: Te Pare Tiairaa e A ara mai na! Mai te peu e e faaite te hoê taata i te anaanatae ia farerei-faahou-hia ˈtu, e nehenehe e pûpû atu i te tamatahitiraa. A faaite atu i te buka ra Ite aore ra te buka rairai ra Titau ma te fa e haamata i te mau haapiiraa bibilia. Tiunu: Eaha ta te Atua e titau ra ia tatou? aore ra Te ite e aratai i te ora mure ore. E imi iho â râ tatou i te ravea no te haamata i te tahi mau haapiiraa bibilia.

◼ E tia i te feia poro e opua ra e riro ei pionie tauturu i te avaˈe Eperera ia faanaho ia ratou i teie nei â e ia faaî oioi i ta ratou aniraa. E tauturu ïa te reira i te mau matahiapo ia rave i te mau faanahoraa hinaarohia no te pororaa e ia faaineine e ia navai maitai te mau pueraa vea e te mau papai. E faaitehia i te amuiraa te iˈoa o te feia atoa ua fariihia ta ratou aniraa.

◼ E faatupuhia te oroa Haamanaˈoraa i te Tapati 8 no Eperera 2001. Eita e faaterehia te tahi atu putuputuraa maoti râ to te pororaa anaˈe i taua mahana ra. E nehenehe te mau matahiapo e rave i te tahi mau faanahoraa ia tupu te haapiiraa o Te Pare Tiairaa i te tahi atu taime.

◼ Te haamanaˈohia ra ia outou e e haapiihia Te Pare Tiairaa o te 15 no Fepuare 2001 i te tau o te oroa Haamanaˈoraa. E hiˈopoahia te mau haapiiraa o taua vea ra i muri aˈe i te numera o te 1 no Tenuare 2001 e na mua ˈˈe i to te 15 no Tenuare e to te 1 no Fepuare 2001. Te titau-manihini-hia ra outou ia hiˈo i te porotarama o te mau haapiiraa o Te Pare Tiairaa i te api 2 o te mau vea i faaitehia ˈtu no te ite i te mau taio mahana tano.

◼ E tia i te feia no roto i te hoê amuiraa ia hapono i te mau tamatahitiraa aore ra te mau faaapîraa i te tamatahitiraa i Te Pare Tiairaa aore ra i te A ara mai na! na roto i te arai o te amuiraa, e ta ratou iho atoa.

◼ Eita te Taiete e farii i te mau aniraa buka a te taata poro taitahi. E haapao te tiaau peretiteni e ia horoahia te hoê parau faaite i te mau avaˈe atoa hou te aniraa buka a te amuiraa e haponohia ˈi i te Taiete. Na roto i teie ravea, e nehenehe ïa te feia atoa e hinaaro ra i te tahi mau buka na ratou iho e faaara i te taeae haapao i te mau buka. A haamanaˈo eaha te mau buka te tia ia anihia i nia i te hoê api parau aniraa taa ê.

◼ E nehenehe e anihia te tahi mau haamaramaramaraa i te pae haavaraa no te tauturu i te feia poro tei roto i te hororaa no nia i te haapaoraa i te mau tamarii, e i te tiaraa e haere e farerei, e te faahapa-atoa-hia ra ta tatou haapaoraa. O te tino matahiapo anaˈe te nehenehe e ani i te reira, i roto noa i te hoê tupuraa e mea papu maitai e o te mau tiaturiraa i te pae faaroo o te taata poro te parihia ra. Te feia tei roto ratou i te mau aimârôraa no nia i te haapaoraa i te mau tamarii e i te tiaraa e haere e farerei, e aita e faahitihia ra te parau o te haapaoraa, e nehenehe ïa ratou e ite i te tahi mau haamaramaramaraa i roto i te mau A ara mai na! o te 8 no Titema 1997, mau api 3-12; o te 8 no Tiurai 1988, mau api 2-14; o te 8 no Eperera 1991, tumu parau tarenihia i te api 21.