Mau parau faaite

◼ Mau papai e pûpûhia i te avaˈe Fepuare: Te Apokalupo—Ua fatata roa to ˈna tatararaa rahi hopea nei!; La vie: comment est-elle apparue? Évolution ou création? aore ra te mau buka atoa 192 api tahito aˈe e vai ra i roto i te amuiraa. Mati: Te ite e aratai i te ora mure ore. E ravehia te tahi tutavaraa taa ê no te haamata i te mau haapiiraa bibilia. Eperera e Me: Te Pare Tiairaa e A ara mai na! Mai te peu e e faaite te taata i te anaanatae ia farerei-faahou-hia ˈtu, e nehenehe e pûpû i te tamatahitiraa. A faaite atu i te buka Ite aore ra te buka rairai Titau ma te fa e haamata i te mau haapiiraa bibilia.

◼ E tia i te tiaau peretiteni aore ra te hoê taeae ta ˈna i maiti, ia hiˈopoa i te tapura faufaa moni a te amuiraa i te 1 no Mati, aore ra i muri noa iho i teie taio mahana. Ia oti taua hiˈopoaraa ra, e faaarahia ˈtu te amuiraa i muri aˈe i te taioraa i te tapura faufaa moni i mua nei.

◼ E hiˈopoa te papai parau e te tiaau no te taviniraa i te ohipa a te taatoaraa o te mau pionie tamau. Mai te peu e te fifi ra vetahi ia naea ta ratou mau hora, e faanaho ïa te mau matahiapo e ia tauturuhia ˈtu ratou. E ite outou i te mau manaˈo tauturu i roto i te mau rata matahiti a te Taiete (S-201). A hiˈo atoa i te mau paratarafa 12-20 o te api hau o te Ministère du Royaume no Atete 1986.

◼ E ara te papai parau e te vai ra ta te tomite paturaa o te fenua iho te mau haamaramaramaraa tia no nia i te feia poro bapetizohia atoa o te amuiraa o tei horoa i te hoê api parau Construction des Salles du Royaume—Questionnaire pour les volontaires (S-82). Mai te peu e e taui te tupuraa o te hoê rima tauturu, ei hiˈoraa e taui oia i te vahi faaearaa aore ra ua nominohia oia ei tavini tauturu aore ra ei matahiapo, e tia ia faaî-oioi-hia te hoê api parau apî e ia horoa ˈtu i te tomite. Mai te peu e e taui te afata rata aore ra te numera niuniu a te hoê rima tauturu, aore ra aita to ˈna e roo maitai faahou i roto i te amuiraa, e faaara oioi te mau matahiapo i te tomite paturaa o te fenua iho na roto i te hoê rata.

◼ Ia au i te ture o te 28 no Atopa 1997 e o te 1 no Tenuare 1999, e tia i te mau taurearea atoa, tamaroa e tamahine, ia tapao i to ratou iˈoa i te fare oire o to ratou vahi nohoraa. No te mau tamaroa e mau tamahine tiaraa Farani atoa 16 matahiti to ratou teie titauraa Kerisetiano. E tano te reira no te mau tamaroa fanauhia i muri aˈe i te 31 no Titema 1978 e no te mau tamahine fanauhia i muri aˈe i te 31 no Titema 1982. E tia ia ratou ia tapao i to ratou iˈoa i te avaˈe e tia ˈi to ratou 16 matahiti aore ra i te avaˈe i muri iho. E tia i te feia no ratou teie parau ia faaî oioi i taua titauraa ra, ma te hiˈo i te reira mai te hoê titauraa Kerisetiano i mua i te feia mana toroa. E feruri te mau matahiapo i te reira e e horoa ratou i te mau haamanaˈoraa e tano i te mau taeae e mau tuahine apî e piri ra i te 16 matahiti. E nehenehe te mau matahiapo e pahono i te mau uiraa atoa ta teie mau taurearea e uiui no nia i taua hopoia Kerisetiano ra.

◼ E nehenehe te feia poro e poro ra i roto i te mau tuhaa fenua aita i horoahia e pûpû i te buka Ite aore ra te buka rairai Titau. Mai te peu e te vai aˈena ra ta te taata, e nehenehe ratou e pûpû i te tahi atu papai. E rave atoa mai te feia poro i te mau api parau iti no te feia aita i ǒ ratou aore ra te feia aita e farii nei i te mau papai. E ravehia te tutavaraa no te haapao i te anaanatae, i roto iho â râ i te mau tuhaa fenua aita i horoahia o te nehenehe e porohia e te mau pionie taa ê aore ra e te mau amuiraa tapiri.

◼ A tapao na e i roto i Te Pare Tiairaa o te 1 no Tenuare 2001, i roto i te tumu parau ra “Mai te aha te aano o to outou aroha?,” aita i tuuhia te paratarafa 21 e te nota i raro i te api no nia i te paratarafa 20 i te api 22. Ua papai faahou matou i te reira i muri nei.

²¹ E faaiteraa anaˈe teie i te hinaaro o te mau Ite no Iehova i to ratou Atua e te aroha i to ratou taata-tupu! E ore roa ˈtu taua aroha ra e toetoe. Ua papu ia matou e e ravehia te hoê faaiteraa rahi atu â i te huitaata nei i te matahiti taviniraa 2001. Ia haamaitai noa ïa Iehova i ta ˈna feia haamori haapao maitai e te itoito a ‘rave ai ratou i te mau mea atoa i roto ia ratou ma te aroha.’—Korinetia 1, 16:14.

* No nia i te tapura taatoa no te matahiti taviniraa 2000, a hiˈo i te mau api 18-21.