Mau parau faaite

◼ Mau papai e pûpûhia i te avaˈe Tenuare: Te mau buka atoa 192 api i neneihia hou te matahiti 1986 e vai ra i roto i te amuiraa. Te mau amuiraa aita ta ratou, e pûpû ïa ratou i te buka ra La vie: comment est-elle apparue? Évolution ou création? aore ra E nehenehe oe e ora e a muri noa ˈtu i roto i te paradaiso i nia i te fenua nei. Febuare: Te ravea e itehia ˈi te oaoa i te utuafare. Mati: Te ite e aratai i te ora mure ore. E ravehia te hoê tutavaraa taa ê no te haamata i te mau haapiiraa Bibilia. Eperera: Te Pare Tiairaa e Ara mai na! E rave anaˈe i te buka rairai ra Titau no te mau taata o te faaite i te anaanatae e e tutava anaˈe i te haamata i te mau haapiiraa Bibilia.

◼ I te Putuputuraa no te Taviniraa i te hebedoma o te 10 no Tenuare, e horoahia na te feia poro bapetizohia atoa i tae mai te hoê tareta “Attestation prévisionnelle” e te mau Documents d’identité médicaux no ta ratou mau tamarii.

◼ Mai te avaˈe Febuare atu aore ra ia mairi atu te 5 no Mati, e vauvau mai te mau tiaau haaati i te hoê oreroraa parau huiraatira apî “Te tamaˈi o Aramagedo—No te aha e anafea?”

◼ E rave te mau amuiraa i te mau faanahoraa e tano no te oroa Haamanaˈoraa, o te faatupuhia i teie matahiti i te Mahana toru 19 no Eperera, i muri aˈe i te toparaa mahana. E faahaerehia te mau taoˈa taipe i muri aˈe i te toparaa mahana, noa ˈtu e e nehenehe te oreroraa parau e haamata na mua ˈˈe. A hiˈo maitai i te hora o te toparaa mahana i to outou vahi. Mea maitai aˈe ia faanaho te amuiraa taitahi i ta ˈna iho oroa Haamanaˈoraa, noa ˈtu e eita e nehenehe e na reira noa. I te vahi i reira e putuputu ai e rave rahi amuiraa i roto i te hoê â Piha a te Basileia, e nehenehe paha hoê amuiraa aore ra hau atu, e faaohipa i te tahi atu piha i taua po ra. Te ani atu nei matou ia outou, mai te peu e e nehenehe, e 40 aˈe minuti te faataa ê i na putuputuraa e piti no te vaiiho i te taime no te aroha i te mau manihini, no te faaitoito i te feia i anaanatae apî mai i te parau mau e no te haafaufaa roa i te oroa. E tuatapapahia atoa i te mau fifi i te pae o te tereraa pereoo, no nia i te vahi tapearaa e i te haapouraa ˈtu e te ohiraa ˈtu i te mau taata. E faaoti te tino matahiapo eaha te faanahoraa te tia ia ravehia i te vahi iho.

◼ E vauvauhia te oreroraa parau taa ê no te tau o te oroa Haamanaˈoraa i te Sabati 16 no Eperera. Teie te tumu parau o te oreroraa parau “Te tumu e hinaaro ai te huitaata nei i te hoo.” E faataehia ˈtu te tino parau o te oreroraa parau. Te mau amuiraa e terehia ra e te tiaau haaati, e tairururaa haaati aore ra e mahana tairururaa taa ê ta ratou i taua hebedoma ra, e faaroo ïa ratou i te oreroraa parau taa ê i te hebedoma i muri iho. Eiaha te tahi noa ˈˈe amuiraa ia vauvau i teie oreroraa parau na mua ˈˈe i te 16 no Eperera 2000.

◼ Teie te mau tarifa no te haponoraa i te mau tamatahitiraa na nia i te manureva i teie nei:

—Tamatahitiraa hoê matahiti i te mau vea i matauhia e na roto i te mau leta rarahi o Te Pare Tiairaa e o te Ara mai na!: 1 700F.

—Tamatahitiraa hoê matahiti i ta tatou mau vea na roto i te mau ripene: 2 300F.

E tapoˈi teie mau tarifa i te mau moni haponoraa na nia i te manureva anaˈe, eiaha râ i te mau haamâuˈaraa o te piaraa, te neneiraa, e te haponoraa o te mau vea, o te amuihia i te moni haponoraa na nia i te manureva o te vea e no reira e titau-manihini-hia ˈi i te taata atoa i tamatahiti ia turu atoa mai.