Putuputuraa no te Taviniraa
Hebedoma o te 10 no Tenuare
Himene 107
10 mn: Mau parau faaara. Mau parau faaite e tano o Te taviniraa o te Basileia.
15 mn: “E faaite anaˈe i te iˈoa o Iehova i te fenua atoa ra.” Ma te mau uiraa e te mau pahonoraa. A faaô mai i te tahi mau manaˈo no nia i te pororaa faanaho-ore-hia no roto mai i te buka ra Notre ministère, mau api 94-95.
20 mn: Ta tatou maitiraa e faatiahia i te pae o te mau rapaauraa ma te ore e pâmuraa toto. (Ohi. 15:28, 29) Oreroraa parau vauvauhia e te hoê matahiapo aravihi. Tareta “Attestation prévisionnelle”: i muri aˈe i te putuputuraa e horoahia te hoê tareta apî na te mau Ite bapetizohia, e te feia e mau tamarii ta ratou aita i naeahia te matahiti e aita atoa i bapetizohia, e horoahia ïa na ratou te hoê Document d’identité médical na te tamarii taitahi. Eiaha e faaî oioi. E tia ia faaî maitai i ǒ outou e ia tarima. Hou a tarima ˈi i te reira, e hiˈo maitai anaˈe e ua faaî-taatoa-hia. E nehenehe te feia poro bapetizo-ore-hia e papai i ta ratou iho mau faaueraa no ratou e no ta ratou mau tamarii, ma te faatano i te mau parau a te tareta i to ratou iho tupuraa e ta ratou mau tiaturiraa. E ara te mau taeae faatere i te haapiiraa buka maoti te hoê tabula e ua horoahia i te mau melo atoa o ta ratou pǔpǔ i te tauturu ta ratou i hinaaro no te faaî roa i te tareta.
Himene 155 e pure faaotiraa.
Hebedoma o te 17 no Tenuare
Himene 12
10 mn: Mau parau faaara. Tabula faufaa moni.
15 mn: Mau hinaaro o te amuiraa.
20 mn: “E faaohipa anaˈe i te tahi mau api parau iti no te haamata i te mau aparauraa.” A faataa e maha o te mau api parau iti e faaohipa-pinepine-roa ˈˈe-hia ra i roto i ta outou tuhaa fenua. No te api parau iti taitahi, a uiui i te hoê uiraa o ta ˈna e pahono, i muri iho, a ani i te feia e faaroo ra ia horoa mai te tahi mau ravea no te faaohiparaa i te uiraa no te faaô i te hoê aparauraa e mai te peu e e nehenehe e pûpû atu i te hoê haapiiraa Bibilia. Mau faahiˈoraa ma te faaohipa e piti o taua mau api parau iti ra.
Himene 57 e pure faaotiraa.
Hebedoma o te 24 no Tenuare
Himene 110
10 mn: Mau parau faaara e mau faatiaraa o te pororaa.
15 mn: “E haapao maitai anaˈe i te Parau a Iehova i te mau mahana atoa.” Oreroraa parau ma te apitihia mai e te feia e faaroo ra. A faaitoito i te taata taitahi ia faaohipa maitai i te buka iti rairai ra E hiˈopoa anaˈe i te mau Papai i te mau mahana atoa—2000. A faahiti i te tahi mau manaˈo o te omuaraa parau, mau api 3-4. A titau manihini i te feia poro ia faaite i te mau tutavaraa taa ê ta ratou e rave ra no te hiˈopoa i te irava e to ˈna tatararaa i te mau mahana atoa.
20 mn: “E o outou, e tae mai anei outou?” Oreroraa parau vauvauhia e te hoê matahiapo e e faaôhia mai te tahi mau aamu i ora-mau-hia. Mai te mau tau Bibilia mai â, e tuhaa faufaa roa to te mau haaputuputuraa rarahi no te haapaari i te faaroo o te mau tavini a te Atua. (Hiˈo i te mau buka ra Prédicateurs, api 254, mau paratarapha 1-3, e Étude perspicace, buka 1, api 882, paratarapha 3.) A faaitoito i te taata taitahi ia haamata i te faaineine oioi ia ˈna no te haere mai i na mahana tairururaa mataeinaa e toru o teie matahiti. A titau manihini i te feia i putuputu mai ia faatia i te mau haamaitairaa i te pae varua o tei titau i te tahi mau tutavaraa tuutuu ore ia tae mai iho â ratou i te mau tairururaa.
Himene 157 e pure faaotiraa.
Hebedoma o te 31 no Tenuare
Himene 16
12 mn: Mau parau faaara. A faahaamanaˈo i te feia poro ia faahoˈi mai i ta ratou tabula taviniraa o te avaˈe Tenuare. A faahiti i te papai e pûpûhia i te avaˈe Febuare: Te oaoa i te utuafare. Faahiˈoraa: nafea ia faaohipa i na uiraa e toru o te tumu parau tarenihia, api 12 no te haamata i te hoê aparauraa.
15 mn: Eaha te auraa o te ‘tapaoraa’ i te hoê taata? Oreroraa parau vauvauhia e te hoê matahiapo, niuhia i nia i Te Pare Tiairaa o te 15 no Tiurai 1999, mau api 29-31.
18 mn: Nafea ia tauturu ia vetahi ê ia ite i te haapaoraa mau? Tauaparauraa i rotopu i te hoê tavini tauturu e e piti aore ra e toru feia poro aravihi: i te tahi taime, te mauruuru nei te mau taata i te mau Ite no Iehova ma te ore hoi e faataa ê ta tatou haapaoraa i ta ratou. A hiˈo faahou i na ahuru manaˈo i faahitihia i roto i te A ara mai na! o te 8 no Me 1995, api 24. A faataa nafea teie mau manaˈo e nehenehe ai e tauturu i te hoê taata aau rotahi ia taa i te taa-ê-raa i rotopu i te haamoriraa mau e te haamoriraa hape oia atoa i te faufaaraa ia haapii e te mau tavini a Iehova e ia apiti atu ia ratou.
Himene 60 e pure faaotiraa.
Hebedoma o te 7 no Febuare
Himene 113
8 mn: Parau faaara.
17 mn: Mau manaˈo putapû o te buka ra Prophétie de Daniel. Oreroraa parau ma te apitihia mai e te feia e faaroo ra. A hiˈo faahou i te mau tuhaa taa ê o te buka apî: te tahi mau upoo parau maramarama, te tahi mau faahohoˈaraa anaanatae, te tahi mau tumu parau tarenihia o te faahaamanaˈoraa i te hopea o te tuhaa taitahi, te tahi mau hohoˈa fenua e te tahi mau tabula no te taa-maitai-raa i te mau tuhaa rii. A rave i te hiˈoraa o te faataaraa faaitoito e faaite ra i roto i teihea auraa taa ê e “tia mai ai” o Mikaela. (Mau api 289-290) A tauaparau no nia i te faufaaraa ia faaoromai ei taata haapii i te Parau a te Atua. (Mau api 311-312) E tia ia tatou paatoa ia taio maitai i teie buka e ia titau manihini i te mau taata e anaanatae ra i te parau mau ia na reira atoa.
20 mn: Ua maiti maitai ratou. Oreroraa parau niuhia i nia i Te Pare Tiairaa o te 15 no Atopa 1997, mau api 19-21, mau paratarapha 3-16. A faahiti i te tahi mau faaiteraa a te mau pionie o te manaˈo ra e faaohipa i to ratou oraraa ma te anaanatae roa ˈˈe e ma te maitai roa ˈˈe. A faaitoito i te taata taitahi ia feruri no te riro mai ei pionie.
Himene 182 e pure faaotiraa.