A hiˈo i te puai o te Bibilia!

Nafea ïa? Ma te mataitai i te ripene video ra La Bible: une force dans votre vie. Teie te toru e te hopea o te ripene o te anairaa La Bible: un livre historique et prophétique.

Te hinaaro ra anei outou ia manuïa to outou faaipoiporaa? Te hinaaro ra anei outou i te tauturu no te faaruru i te mau fifi no teie tau? Eaha ta te mau taurearea e nehenehe e rave no te amo i te mau hopoia ei taata paari? Te faaite ra taua ripene video ra i te Bibilia mai te hoê turu faufaa. E faaite te mau tane e te mau vahine nafea te Bibilia i riro ai ei puai maitai i roto i to ratou oraraa. E faataa ratou nafea te mau faaueraa tumu e vai ra i roto i tauturu ai ia ratou ia faatitiaifaro i te mau fifi o te oraraa.

Ei mauhaa faufaa, e tauturu taua ripene video ra i te feia i anaanatae noa ˈtura i te Bibilia ia ite i te mau haamaitairaa e noaa ia ratou ia arataihia to ratou oraraa e te Parau a te Atua. E fatata te Taiete i te fanaˈo i taua ripene ra La Bible: une force dans votre vie. E nehenehe outou e ani i te reira i te taeae haapao buka ra o ta outou amuiraa.