Hiˈo-faahou-raa no te Haapiiraa o te Taviniraa Teotaratia
Hiˈo-faahou-raa ma te tapiri i te buka i te mau tumu parau tuatapapahia i roto i te Haapiiraa o te Taviniraa Teotaratia mai te hebedoma o te 3 no Me e tae atu i to te 23 no Atete 1999. A pahono i nia i te hoê papie taa ê i te mau uiraa atoa e nehenehe i roto i te area taime i faataahia.
[Nota: I te taime hiˈo-faahou-raa, o te Bibilia anaˈe te faaohipahia no te pahono i te mau uiraa. Ua faahitihia te mau faahororaa i muri aˈe i te mau uiraa atoa no te faaohie i ta outou mau maimiraa. Aita te mau numera api e paratarapha o Te Pare Tiairaa i faahiti-pauroa-hia.]
A tuu “tano” aore ra “hape” i muri aˈe i te mau pereota i muri nei:
1. Eiaha te mau metua e ofati i te mau faaueraa tumu a te Bibilia no te rave ma te au noa i ta ratou mau tamarii. [fy api 108 par. 14]
2. Te tumu parau o te Bibilia taatoa, o te faatiaraa ia Iehova ïa na roto i te Basileia faaterehia e te “huaai” i tǎpǔhia. (Gen. 3:15) [si api 17 par. 30]
3. Mea iti roa te mau haapapuraa i te pae o te ihipǎpǎ e vetahi atu no rapae o te faaite ra e mea mau te mau ohipa i papaihia i roto i te Exodo. [si api 20 par. 4]
4. Eita te feia veve roa e nehenehe e horoa i te moni no te faahaere i te mau faufaa o te Basileia i mua. [w97-TH 15/9 api 5 par. 7]
5. Te faahoˈiraa i tei au i te mau metua e te mau metua tupuna, e tuhaa ïa no ta tatou haamoriraa ia Iehova. (Tim. 1, 5:4) [w97-TH 1/9 api 4 par. 1-2]
6. I te omuaraa, e tapao te Sabati i rotopu ia Iehova e te mau nunaa atoa. [Taioraa Bibilia tahebedoma; hiˈo rs api 343 par. 2.]
7. A paari mai ai te hoê tamarii e a haamata ˈi oia i te faaoti no ˈna iho, e rahi atu â ïa te hopoia ta ˈna e amo no ta ˈna mau ohipa ia au iho â râ i te ture a te Atua. (Roma 14:12) [fy api 134 par. 17]
8. Ua papai Mose i te buka Levitiko i te matahiti 1513 H.T.T. [si api 25 par. 3-4]
9. Ua tupu te mau parau a Iesu i roto i te Luka 21:20, 21 i te matahiti 66 T.T. i to te mau nuu Roma i arataihia e te Tenerara Titus faarueraa ia Ierusalema. [w97-TH 1/4 api 5 par. 3-4]
10. Mea atâta te haapiiraa Epikuro no te mau Kerisetiano no te mea ua niuhia te reira i nia i to ˈna manaˈo tiaturi ore, i faataahia i roto i te Korinetia 1, 15:32. [w97-TH 1/11 api 24 par. 4]
A pahono i te mau uiraa i muri nei:
11. Eaha te haapiiraa ta tatou e huti mai i roto i te opaniraa e amu i te toâhua e faahitihia ra i roto i te Levitiko 3:17? [Taioraa Bibilia tahebedoma; hiˈo w84-F 15/5 api 27 par. 3.]
12. No te aha Iehova i faatia ˈi i te Diabolo ra o Satani ia vai noa? (Exo. 9:15, 16) [Taioraa Bibilia tahebedoma; hiˈo w92-TH 15/3 api 10 par. 14.]
13. Ia tupuhia te hoê melo utuafare i te maˈi ino, eaha te mau ohipa matamua ta te utuafare e tia ia rave no te faataa i te mau mea faufaa roa? (Mas. 15:22) [fy api 122 par. 14]
14. I roto i teihea auraa i riro ai te nunaa Iseraela ei “basileia tahuˈa”? (Exo. 19:6) [Taioraa Bibilia tahebedoma; hiˈo w95-TH 1/7 api 16 par. 8.]
15. Eaha te taa-ê-raa i rotopu i te hoê mata “maitai” e te hoê mata “ino, MN”? (Mat. 6:22, 23) [w97-TH 1/10 api 26 par. 5]
16. Nafea e nehenehe ai e parau e ua haere Davida “ma te haapao maitai o te aau, e ma te parau-tia” inaha ua hapa hoi oia? (Arii 1, 9:4) [w97-TH 1/5 api 5 par. 2]
17. Eaha te mau haamaitairaa no teie nei tau i tohuhia na roto i te ‘rave-maite-raa’ a te mau ati Iseraela no nia i te sekene? (Exo. 39:32, MN) [Taioraa Bibilia tahebedoma; hiˈo w95-TH 15/12 api 12 par. 9.]
18. I to Iehova faaiteraa ia ˈna iho mai teie “Te vai nei au o vau e vai nei,” eaha ta te reira e haapapu ra? (Exo. 3:14) [Taioraa Bibilia tahebedoma; hiˈo w95-TH 1/3 api 10 par. 6.]
19. Eaha te haapiiraa e tia ia huti mai i roto i te ohipa i tupu i nia ia Nadaba e ia Abihu i papaihia i roto i te Levitiko 10:1, 2? [Taioraa Bibilia tahebedoma; hiˈo w84-F 15/5 api 27 par. 4.]
20. I raro aˈe i te Ture a Mose, no te aha te fanauraa e faariro ai i te hoê vahine ei mea “viivii”? (Lev. 12:2, 5) [Taioraa Bibilia tahebedoma; hiˈo w84-F 15/5 api 27 par. 6.]
A faaî i te mau area i roto i te mau pereota i muri nei:
21. Noa ˈtu e aita e faaoraraa semeio no te moemoe, e nehenehe te hoê metua faaea hoê e faaoromai i te reira maoti te puai no ǒ mai ia ․․․․․․․․ ra, e noaa na roto i te mau ․․․․․․․․ onoono. (Tim. 1, 5:5) [fy api 113 par. 21]
22. Ia tupu te hoê ati i roto i te oraraa o te hoê taata, ua roohia paha ïa oia i te ․․․․․․․․ aore ra no to tatou ․․․․․․․․. [w97-TH 15/5 api 22 par. 7]
23. Te faaite ra te buka Exodo ia Iehova mai te ․․․․․․․․ rahi e te ․․․․․․․․ rahi e te ․․․․․․․․ i ta ˈna mau opuaraa faahiahia. [si api 24 par. 26]
24. Na to tatou haerea i ․․․․․․․․ na mua, eiaha râ i ․․․․․․․․, e faaite eaha mau na to tatou huru i roto. [w97-TH 15/10 api 29 par. 4]
25. Mai te peu e ua taaihia te mau oroa auhune i te peu ․․․․․․․․ aore ra i te peu ․․․․․․․․, e ape ïa te mau Kerisetiano mau ia au ore mai o Iehova ia ratou na roto i te oreraa e ․․․․․․․․ i roto i taua huru haamoriraa viivii ra. [w97-TH 15/9 api 9 par. 6]
A reni i te mau pahonoraa tano i roto i te mau faahitiraa i muri nei:
26. Ua haamata na “matahiti e maha hanere” o te haamauiuiraa o te huaai o Aberahama a faaooo ai Isemaela ia Isaaka i te matahiti (1943; 1919; 1913) H.T.T. e ua hope na roto i te faaoraraa mai Aiphiti mai i te matahiti (1543; 1519; 1513) H.T.T. (Gen. 15:13) [si api 17 par. 31]
27. Ia haapaiuma te hoê utuafare i te maˈi ino roa ma te manuïa aore ra aita, i roto i te hoê faito rahi, tei (te mau faufaa; te huru feruriraa; te mau pu parururaa) ïa a to ˈna mau melo. (Mas. 17:22) [fy api 120 par. 10]
28. Te taata e parau i roto i to ˈna mafatu e “aore e [“Iehova,” MN]” e taata maamaa ïa no (to ˈna ereraa i te pae morare; to ˈna maˈua; te paruparu o to ˈna feruriraa). (Sal. 14:1) [w97-TH 1/10 api 6 par. 8]
29. I to Adamu raua Eva orureraa i te hau, te mea faufaa roa ˈˈe i erehia e raua o to raua ïa (ora tia roa; taairaa e te Atua; nohoraa i roto i te aua), oia hoi te taviri o to raua oaoa. [w97-TH 15/10 api 6 par. 2]
30. Te faahiti pinepine aˈe ra te buka (Genese; Exodo; Levitiko) i te titauraa o te moˈaraa i te tahi atu buka o te Bibilia. [si api 26 par. 9]
A faatuati i te mau pereota i muri nei i te mau irava e tano:
Exo. 5:2; 21:29; Mas. 1:8; Gal. 5:20; Iak. 1:14, 15
31. E nehenehe te hoê taata e parau ra e e Kerisetiano oia, o te iria pinepine e ma te tatarahapa ore e o te hamani ino atoa paha i te mau melo o to ˈna utuafare, e tiavaruhia. [fy api 150 par. 23]
32. To tatou huru haerea, tei te huru ïa o to tatou feruriraa. [fy api 148 par. 18]
33. E faahaama te Atua ra o Iehova i te feia atoa e patoi uˈana i te farii i to ˈna tiaraa Atua. [Taioraa Bibilia tahebedoma; hiˈo w92-TH 15/12 api 13 par. 18.]
34. Noa ˈtu e te horoa ra te Bibilia i te hopoia e haapii i te mau tamarii i te metua tane na mua, e tuhaa faufaa atoa râ ta te metua vahine. [fy api 133 par. 12]
35. Aita te Ture e faatia ra i te tâuˈa-ore-raa ei hororaa no te fanaˈo i te aroha ia taparahi-pohe-hia te hoê taata. [Taioraa Bibilia tahebedoma; hiˈo w95-TH 15/11 api 11 par. 5.]