Putuputuraa no te taviniraa no Mati

Hebedoma o te 1 no Mati

Himene 33

8 mn: Parau faaara. Mau parau faaite e tano a Te taviniraa o te Basileia. A faaite i te mau faanahoraa taa ê i ravehia no te pororaa i te 5 no Mati.

17 mn: “E faahaamanaˈohia te poheraa o te Mesia na te ao atoa nei.” Ma te mau uiraa e te mau pahonoraa. A faaô atoa i te tahi mau manaˈo no roto mai i Te Pare Tiairaa o te 1 no Febuare 1997, mau api 11-12, mau par. 10-14. A haamatara e ua horoa mai Iehova i te hoo no to ˈna here hohonu ia tatou.

20 mn: Te mau tumu maitatai no te riroraa mai ei pionie tauturu i te mau avaˈe Eperera e Me. Oreroraa parau e aparauraa e te feia i putuputu mai vauvauhia e te tiaau no te taviniraa, o te faaitoito i te mau taata atoa i tae mai ia feruri maite no te riroraa mai ei pionie tauturu. A faahaamanaˈo i te tauiraa no nia i te mau hora e titauhia i te mau pionie tauturu i faahitihia i roto i Te taviniraa o te Basileia no Tenuare 1999, api 5. E nehenehe taua tauiraa ra e tauturu i te feia poro e rave rahi atu â ia tamata i te haamaitairaa taa ê o te taviniraa ma te taime taatoa. A faataa e te titau ra to tatou mauruuru no te tusia o te Mesia ia rohi tatou i roto i te pororaa. (Kor. 2, 5:14, 15) I teie matahiti, e tanohia te oroa Haamanaˈoraa i te 1 no Eperera. Auê ïa faaitoitoraa nehenehe no te taatoaraa o te feia poro i te Basileia o te Atua ia faarahi atu â i ta ratou ohipa i roto i te avaˈe atoa! A faahiti i te mau manaˈo faufaa ta outou e maiti i roto i te mau api hau o Te taviniraa o te Basileia no Febuare 1997 e no Mati 1998, o te tuatapapa ra i te taviniraa pionie tauturu. A hiˈopoa i te tahi mau ravea no te faatano i te mau porotarama i faahitihia. A faaite i te tahi mau faanahoraa no te pororaa i ravehia e te amuiraa, o te horoa ra e rave rahi mau taime no te apiti atu i roto i te taviniraa e te tahi atu mau taata poro. A faaitoito i te feia poro ia rave i te tahi mau parau aniraa no te taviniraa pionie tauturu i muri aˈe i te putuputuraa.

Himene 44 e pure faaotiraa.

Hebedoma o te 8 no Mati

Himene 52

10 mn: Parau faaara. Tabula faufaa moni.

20 mn: “E titau manihini anaˈe ia ratou.” Ma te mau uiraa e te mau pahonoraa. A haamatara i te faufaaraa ia titau manihini noa i te mau taata e anaanatae apî maira i te mau putuputuraa. Faahiˈoraa: aparauraa e te hoê taata e anaanatae ra, e te mau tumu parau e vai ra i roto i te buka ra Te ite, api 159, par. 20, e te mau api 162-163, mau par. 5-8. A faaitoito i te feia i putuputu mai ia rave i te tahi tutavaraa taa ê no te tauturu i te mau taata e haapii ra i te Bibilia e te tahi atu mau taata o te au anaˈe mai ia haere mai i te oroa Haamanaˈoraa i te 1 no Eperera. A faaite i te hoê parau titau-manihini-raa e a faataa nafea ia faaohipa ma te aravihi. E haamatahia i te opere i te mau parau titau-manihini-raa no te oroa Haamanaˈoraa i teie hebedoma.

15 mn: “Nafea ia tahoê maite e te utuafare—no te fanaˈo i te mau putuputuraa a te amuiraa.” Aparauraa i rotopu i te mau melo o te hoê utuafare. A tauaparau noa ˈi ratou no nia i te mau manaˈo faufaa o te tumu parau, e hiˈo ratou nafea ia faaineine i te mau putuputuraa e te utuafare. E feruri ratou i nia i te mau ravea no te tauturu te tahi i te tahi no te apiti atu e te mea ta ratou e rave ia tae te utuafare i te mau putuputuraa i te hora tia.

Himene 62 e pure faaotiraa.

Hebedoma o te 15 no Mati

Himene 56

10 mn: Parau faaara. A hiˈopoa i te tumu parau i tarenihia “E tae mai anei outou?”

15 mn: “Te rave ra te mau tavini tauturu i te hoê taviniraa faufaa.” Oreroraa parau vauvauhia e te hoê tavini tauturu aravihi. A hiˈo faahou i te mau manaˈo faufaa i faahitihia i roto i te buka ra Notre ministère, mau api 57-59. A faataa nafea te mau tavini tauturu e faaohipahia ˈi no te tauturu i ta outou amuiraa.

20 mn: E haafaufaa anaˈe i te Annuaire 1999 ta tatou e fatata roa i te fanaˈo. Aparauraa i rotopu i te hoê taeae e ta ˈna vahine. E faataa te taeae e ua neneihia te Annuaire i te taime matamua i te matahiti 1927 ei buka, e ua hau atu i te 70 matahiti i teie nei, te vai ra i roto te tabula taviniraa a te mau Ite no Iehova o te mau fenua atoa. E hiˈo faahou raua i te mau tuhaa anaanatae o te mau numera taatoa faahiahia no 1998 e vai ra i roto i Te Pare Tiairaa o te 1 no Tenuare 1999, mau api 12-15, e itehia ˈtu i roto i te Annuaire 1999, api 31. I muri iho, e aparau raua no nia i te “Rata a te Tino Aratai” tei faataehia i te mau amuiraa e te tuuhia ˈtu i roto i te Annuaire 1999, mau api 3-5. E faaite raua nafea raua e haapao maitai ai i te mau faaitoitoraa i horoahia.

Himene 68 e pure faaotiraa.

Hebedoma o te 22 no Mati

Himene 162

10 mn: Parau faaara. A faaite i te iˈoa o te mau pionie tauturu no te avaˈe Eperera. A parau e aitâ i maoro roa no te faatae mai i te hoê parau aniraa. A faaite i te porotarama taatoa o te mau putuputuraa no te pororaa i faanahohia no te avaˈe Eperera. A faaitoito i te feia atoa i putuputu mai ia pee i te porotarama taioraa Bibilia no te oroa Haamanaˈoraa, mai te 27 no Mati e tae atu i te 1 no Eperera, i roto i te buka iti ra E hiˈopoa anaˈe i te mau Papai i te mau mahana atoa—1999 e i roto i te Calendrier 1999.

15 mn: E faaineine anaˈe ia tatou no te oroa Haamanaˈoraa. Oreroraa parau. E tia i te taata taitahi ia rave i te mau faanahoraa no te tauturu i te mau taata e haapii ra i te Bibilia e te feia e anaanatae ra ia haere mai i te oroa Haamanaˈoraa. Eita paha te feia e haere mai no te taime matamua e taa o vai te rave i te mau taoˈa taipe aore ra eaha te auraa o taua oroa ra. A faahiti poto noa i te mau api 6-8 o Te Pare Tiairaa o te 1 no Eperera 1996 e a faaite nafea ia tauturu i te hoê taata e anaanatae apî maira ia taa i te auraa e te fa o taua oroa ra. A faaoti ma te faahiti poto noa i te tumu parau i tarenihia “Faahaamanaˈoraa no te oroa Haamanaˈoraa” e a faaite i te mau faanahoraa i ravehia i ǒ nei.

20 mn: Eaha te tupu i nia ia tatou ia pohe tatou? E aparau te hoê matahiapo e e piti aore ra e toru feia poro aravihi no nia i te faufaaraa o te buka rairai e to ˈna faaohiparaa. I te mea e ua hiˈopoahia i te haapiiraa buka a te amuiraa, ua matau tatou i te reira. Te faaohipa ra anei tatou ma te aravihi i roto i te pororaa? E ui ratou i teie mau uiraa: No te aha te mau taata e rave rahi e anaanatae ai i taua tumu parau ra? Taa ê atu i te mau haapiiraa faaroo hape, eaha te tiaturiraa ta teie buka rairai e haafaufaa ra? Nafea ia faaohipa i te mau uiraa e vai ra i te api hopea o te buka rairai ra no te faaanaanatae i te taata? I roto i teihea mau tupuraa e nehenehe ai tatou e pûpû atu i te reira? A rave i te hoê faahiˈoraa i reira e faaohipahia ˈi te mau irava e vai ra i te par. 14, api 27. A titau manihini i te feia i putuputu mai ia ineine i te faaohipa maitai i taua buka rairai ra.

Himene 92 e pure faaotiraa.

Hebedoma o te 29 no Mati

Himene 111

12 mn: Parau faaara. A faahaamanaˈo i te feia i putuputu mai ia faahoˈi mai i ta ratou tabula taviniraa no te avaˈe Mati. I te avaˈe Eperera, e pûpû tatou i Te Pare Tiairaa e te A ara mai na! A faaite i te mau vea no te avaˈe, a paraparau no nia i te tahi mau tumu parau faufaa ia faaite i te taata e a faahiti i te tahi mau manaˈo papu o te nehenehe e tauaparauhia. E tia i te taata taitahi ia rave mai i te buka rairai ra Titau e ia faaohipa i te reira no te haamata i te mau haapiiraa Bibilia e te mau taata e anaanatae ra.

15 mn: Mau hinaaro o te amuiraa.

18 mn: Eaha to tatou huru ia aˈohia mai tatou? Oreroraa parau vauvauhia e te hoê matahiapo. E nehenehe e horoahia na tatou taitahi i te hoê aˈoraa no nia i to ˈna huru feruriraa, to ˈna haerea, ta ˈna mau amuimuiraa aore ra to ˈna apitiraa ˈtu i roto i te mau ohipa a te amuiraa. I te tahi taime, e haapaari tatou i mua i te mau aˈoraa aore ra e inoino tatou. Ua taai-roa-hia to tatou vai-maitai-raa i te pae varua i to tatou fariiraa i te aˈoraa e i te faaohiparaa i te reira. A hiˈo faahou i te mau tumu faufaa e tia ˈi ia tatou ia farii e ia mauruuru i te mau aˈoraa.—Hiˈo Te Pare Tiairaa o te 1 no Eperera 1987, mau api 27-30 (Farani).

Himene 118 et pure faaotiraa.