Putuputuraa no te taviniraa no Febuare
Hebedoma o te 1 no Febuare
Himene 154
10 mn: Parau faaara. Mau parau faaite e tano a Te taviniraa o te Basileia. A faahaamanaˈo i te feia i putuputu mai ia faahoˈi mai te mau tabula taviniraa o te avaˈe Tenuare.
17 mn: “E pûpû anaˈe i te buka ra Oaoa i te utuafare i te mau taata o te mau faito matahiti atoa.” E aparau te hoê matahiapo i teie tumu parau e e piti aore ra e toru feia poro aravihi. A onoono i nia i ta tatou tapao e tauturu i to tatou taata-tupu ia taa e tei te faaohiparaa i te mau aˈoraa a te Bibilia te ravea e oaoa ˈi te utuafare. (Hiˈo te buka ra Oaoa i te utuafare, mau api 10-12.) A rave i te hoê faahiˈoraa o te hoê o te mau faaiteraa i faahitihia. A faaite nafea ia tuu i te niu o te hoê hoˈi-faahou-raa e farerei.
18 mn: “‘A ahu i te huru taata apî.’” Oreroraa parau ma te tuatapapa i te Ephesia 4:20-24. (Hiˈo Te Pare Tiairaa o te 1 no Mati 1993, mau api 14-18, mau par. 4-17.) A faataa nafea ia haapae i te huru taata tahito e ia ahu i te huru taata apî.
Himene 4 e pure faaotiraa.
Hebedoma o te 8 no Febuare
Himene 12
10 mn: Parau faaara. Tabula faufaa moni.
15 mn: Mau fifi i te pae rapaauraa: mau faanahoraa tano maitai no te faaohieraa i te aufauraa. Oreroraa parau vauvauhia e te hoê matahiapo e i niuhia i nia i te mau rata o te 3 no Tenuare 1995 tei faataehia i te mau matahiapo e i te mau amuiraa atoa. A faahaamanaˈo i te faufaaraa e faaara i te mau matahiapo i te mau taime atoa e tapeahia ˈi tatou i te fare maˈi.
20 mn: “Te tapitapi nei to tatou Poiete Rahi ia tatou!” Ma te mau uiraa e te mau pahonoraa. A faataa nafea ia faaohipa i te buka ra Créateur no te tauturu i te feia e feaa ra aore ra e patoi ra i te vai-mau-raa o te Atua. Noa ˈtu e aita teie nei buka i neneihia no te faatere i te mau haapiiraa Bibilia, e mauhaa aravahi teie no te faaitoito i te mau taata ia hiˈopoa i te Bibilia. (Hiˈo te buka ra Créateur, mau api 189-191.) A titau manihini i te feia poro ia faaite eaha to ratou manaˈo no nia i teie buka e ia faatia mea nafea to ratou vaiihoraa i te reira i te tahi mau taata.
Himene 173 e pure faaotiraa.
Hebedoma o te 15 no Febuare
Himene 40
10 mn: Parau faaara. Mau parau apî teotaratia.
18 mn: Eaha te faufaaraa no tatou te Haapiiraa o te Taviniraa Teotaratia? Aparauraa arataihia e te tiaau no te haapiiraa e te feia i putuputu mai. Te tapao o teie haapiiraa e ere noa ïa i te haapiiraa ia tatou ia aravihi i te pae o te paraparauraa. Te haafaufaa nei tatou i te tahi atu mau ravea atoa. (Hiˈo te Buka no te Haapiiraa, mau api 11-13.) Te haapii nei tatou i te tauaparau maitai atu â e te tahi atu mau taata. E faaitehia ia tatou nafea ia paraparau ma te maramarama, ma te mǎtaˈu ore, e ma te papu. E aravihihia tatou no te pahono i te mau uiraa no nia i ta tatou mau tiaturiraa e no te faataa i ta tatou mau faaotiraa i niuhia i nia i te Bibilia. E rahi atu to tatou ite no nia i te Bibilia, e nehenehe atura ïa tatou e poro ma te aravihi roa ˈtu â. Te haapii nei tatou i te faˈi i ta tatou mau hapa e i te farii i te mau aˈoraa ia nehenehe to tatou mau taairaa e o vetahi ê ia maitai roa ˈtu â. Maoti te faaineineraa ta te haapiiraa e horoa mai nei no tatou, e mau tavini “aravihi mau” tatou no te Atua.—Kor. 2, 3:5, 6, MN.
17 mn: “Nafea ia tahoê maite e te utuafare—i roto i te haapiiraa Bibilia.” Aparauraa i rotopu i te mau melo o te hoê utuafare. E feruri ratou nafea ratou e faaohipa ˈi i te mau manaˈo no nia i te taioraa e te haapiiraa i te Bibilia e te utuafare tei horoahia i roto i Te Pare Tiairaa o te 15 no Me 1996, mau api 14-15, e to te 15 no Atopa 1992, mau api 16-17.
Himene 57 e pure faaotiraa.
Hebedoma o te 22 no Febuare
Himene 170
10 mn: Parau faaara.
15 mn: Te pororaa i roto i te mau fare tahua. (Mai te peu e aita i rahi te mau fare tahua i roto i ta outou tuhaa fenua, a hiˈopoa i te tumu parau ra “No te aha e tapaopao ai i te mau taata aita i te fare?” neneihia i roto i Te taviniraa o te Basileia no Me 1995.) Aparauraa e e piti aore ra e toru feia poro. E mea fifi ia poro i te mau taata e faaea i te mau vahi i reira e nehenehe noa e paraparau maa vahi iti na roto i te interphone. A hiˈopoa i te mau ravea no te faaara i te anaanatae. Ma te auhoa, e faaite anaˈe ia tatou mai te feia tapiri; e faahiti anaˈe i te iˈoa o te taata ta tatou e aparau ra mai te peu e tei nia oia i te anairaa o te feia e faaea ra i reira; e faaite anaˈe eaha te tumu parau apî ta tatou e hinaaro e paraparau aore ra e taio noa anaˈe i te hoê omuaraa o te buka ra Comment raisonner, mau api 9-15; e faataa anaˈe e te hinaaro nei tatou e vaiiho atu ia ˈna i te hoê api parau iti, te hoê vea aore ra te hoê buka rairai o te pahono ra i te hoê uiraa faufaa e e faahiti anaˈe i te uiraa. I reira e mea fifi ia farerei i te mau taata, e papai anaˈe i te tahi mau rata i te feia no reira aore ra e poro anaˈe ia ratou ma te faanaho-ore-hia i roto i to ratou aroâ, ia hoˈi ratou i to ratou fare aore ra ia haere ratou. A rave i te hoê faahiˈoraa o te faaite i te hoê ravea e faaohipahia ra i roto i te amuiraa o te manuïa maitai e te mau taata e faaea ra i roto i te mau fare tahua.
20 mn: Nafea ia oaoa i te faariroraa i te taata ei pǐpǐ. Oreroraa parau niuhia i nia i Te Pare Tiairaa o te 15 no Febuare 1996, mau api 19-22.
Himene 91 e pure faaotiraa.