E pûpû anaˈe i te buka ra Oaoa i te utuafare i te mau taata o te mau faito matahiti atoa
1 Ua faaite te hoê tamaroa iti 11 matahiti no Kalifonia i to ˈna oaoa i te roaaraa mai i te buka ra Te ravea e itehia ˈi te oaoa i te utuafare. Ua papai oia e: “Ua oaoa roa vau e te vai ra ta ˈu e te faaitoito nei au i te tahi atu mau utuafare ia taio i te reira no te mea e mea faahiahia roa oia. Te tauturu nei te reira i to ˈu utuafare ia itea mai te hau e te oaoaraa.” E turai teie faahitiraa a te hoê tamaiti apî ia tatou ia pûpû i te buka ra Oaoa i te utuafare i te mau taata o te mau faito matahiti atoa. Teie te tahi mau manaˈo ta tatou e nehenehe e faaohipa i te avaˈe Febuare.
2 Ia farerei tatou i te hoê taurearea, e nehenehe tatou e parau e:
◼ “E rave rahi mai to oe faito matahiti o te manaˈo nei i te faaipoiporaa. Teie râ, ihea tatou e ite ai i te mau haamaramaraa tano no nia i taua tumu parau ra? [E faaroo anaˈe i te pahonoraa.] Te parau pinepine nei te mau taurearea e aita ratou e papu ra e ua ineine ratou no te faaipoiporaa. A hiˈo eaha ta te buka e parau ra no nia i taua tumu parau ra.” E hohora anaˈe i te buka ra Oaoa i te utuafare i te api 14, e e taio anaˈe i te par. 3. E huti anaˈe i te ara-maite-raa i nia i te mau tumu parau iti. E pûpû anaˈe i te buka e e rave anaˈe i te faanahoraa no te hoˈi-faahou-raa e farerei.
3 Ia aparau tatou i te hoê metua tane aore ra i te hoê metua vahine, e nehenehe tatou e parau e:
◼ “Te faaite nei matou i te mau metua i te tahi mau aˈoraa ohie o tei manuïa no te haapii i te mau tamarii. Ua haaputuputuhia i roto i teie buka Te ravea e itehia ˈi te oaoa i te utuafare.” E hohora anaˈe i te buka i te api 55. E taio anaˈe i te par. 10, e te Deuteronomi 6:6, 7 i faahitihia i te par. 11. E onoono anaˈe i nia i te mau pereota i papai-faaopa-hia i te mau par. 12 e tae atu i te 16. E parau faahou anaˈe e: “Ua tauturu teie buka i te mau taata e rave rahi ia riro ei mau metua maitai aˈe. Mai te peu e e hinaaro oe e taio, e oaoa vau i te vaiihoraa ˈtu ia oe.”
4 Ia aparau tatou i te hoê taata ruhiruhia, e nehenehe tatou e parau e:
◼ “E hinaaro vau e taio ia oe i te hoê tatararaa poto, e nehenehe atu ai oe e horoa mai i to oe manaˈo, mai te peu e e hinaaro mau oe.” E taio anaˈe, i te par. 169 o te buka ra Oaoa i te utuafare, i na pereota matamua o te par. 17. I muri iho, e titau manihini anaˈe ia ˈna ia faahiti i to ˈna manaˈo. Ia au i ta ˈna pahonoraa, e taio anaˈe i te tahi atu mau tuhaa o te buka e e pûpû anaˈe i te reira.
5 Ia hoˈi atu tatou e farerei i te mau taata tei farii i te buka ra Oaoa i te utuafare, e haamanaˈo anaˈe i te haamata i te hoê haapiiraa Bibilia. E tano maitai te haapiiraa 8 o te buka rairai ra Titau aore ra te pene 15 o te buka ra Te Ite. A tiai noa ˈi, e tutava anaˈe i te tauturu i te mau taata o te mau faito matahiti atoa ia patu i te hoê oraraa utuafare Kerisetiano oaoa.