Putuputuraa no te taviniraa no Me
Hebedoma o te 4 no Me
Himene 10
8 mn: Parau faaara. Mau parau faaite e tano a Te taviniraa o te Basileia. Mau parau apî teotaratia. A faaite i te mau faanahoraa taa ê i ravehia no te pororaa i te 8 no Me.
15 mn: “Tei ia tatou ra te varua o Iehova.” Ma te mau uiraa e te mau pahonoraa. Ia tuatapapa-anaˈe-hia te par. 3, a faahiti i te mau tupuraa tano i roto i te Buka matahiti 1998 (Farani).
22 mn: “E maiti anaˈe i te mau tumu parau ma te faatano i nia i te anaanatae o te taata.” A faataa poto noa i te mau tuhaa faufaa o te tumu parau. A faataa e e nehenehe atoa e pûpû mai te reira i te mau vea tahito o te maitai noa râ. A titau i te feia poro ia paraparau mai i te mau tumu parau o ta ratou i pûpû ma te manuïa. A rave i te hoê faahiˈoraa ia au i te faaiteraa o te par. 7.
Himene 212 e pure faaotiraa.
Hebedoma o te 11 no Me
Himene 197
8 mn: Parau faaara. Tabula faufaa moni.
12 mn: “Eaha ta tatou mau opuaraa no te mau avaˈe Tiurai e Atete?” E tauaparau e piti aore ra e toru feia poro e te hoê matahiapo no nia i ta ratou mau opuaraa no te mau avaˈe Tiurai e Atete. E paraparau ratou no nia i te mau faanahoraa o ta ratou i rave no te haere i te tairururaa, no te haamaitai i ta ratou taime pororaa, no ta ratou mau tau faafaaearaa, e no te haereraa e farerei i te mau hoa aore ra i te mau melo o to ratou utuafare. E farii paatoa ratou i te faufaaraa ia ore e mairi i te haapiiraa taitahi, te mau putuputuraa aore ra te pororaa, e e faataa ratou e nafea ratou ia faanaho no te pee maite noa i te hoê porotarama teotaratia maitai.
25 mn: “‘E aratai te eˈa o te Atua i te ora’—Tairururaa Mataeinaa aore ra na te mau Nunaa atoa 1998.” (Par. 1-17) Ma te mau uiraa e te mau pahonoraa. A taio i te mau par. 11, 12. A haapapu maitai i te faufaaraa ta te mau Papai e horoa ra i te paeau no te huru faanehenehe e te haerea kerisetiano faaieie ore e no te haapao-maitai-raa i ta tatou mau tamarii.
Himene 48 e pure faaotiraa.
Hebedoma o te 18 no Me
Himene 141
8 mn: Parau faaara. A faaite i te mau faanahoraa taa ê i ravehia no te pororaa i te 21 no Me.
15 mn: “Te vai ra anei ‘te hoê tara i roto i to tatou tino’?” Ma te mau uiraa e te mau pahonoraa. A horoa i te mau manaˈo no nia i te tumu parau ra “Mau uiraa a te feia taio” o Te Pare Tiairaa o te 15 no Novema 1987, api 29 (Farani).
22 mn: “‘E aratai te eˈa o te Atua i te ora’—Tairururaa Mataeinaa aore ra na te mau Nunaa atoa 1998.” (Par. 18-23) Ma te mau uiraa e te mau pahonoraa. A taio i te par. 18 e te irava i faahitihia. A haamatara i te faufaaraa ia faanahonaho maitai ia tatou e ia faatura atoa ia vetahi ê, i te pae iho â râ no te tapaoraa i te mau parahiraa. Ei faahopearaa, a faataa poto noa i te mau manaˈo o te tumu parau faahaamanaˈoraa.
Himene 139 e pure faaotiraa.
Hebedoma o te 25 no Me
Himene 137
5 mn: Parau faaara. A faaite i te mau faanahoraa taa ê i ravehia no te pororaa i te 1 no Tiunu.
20 mn: “E te mau metua: A paruru i ta outou mau tamarii!” Oreroraa parau na te hoê matahiapo niuhia i roto i Te Pare Tiairaa o te 15 no Febuare 1998, api 8-11.
20 mn: No te aha vau e haafaufaa ˈi i te mau putuputuraa a te amuiraa. E faatere te hoê matahiapo i te hoê tauaparauraa e te hoê pǔpǔ taata o te haere tamau ra i te mau putuputuraa e o te faahohoˈa no te amuiraa, oia hoi te vai ra e piti nau hoa faaipoipo, hoê taata ruhiruhia e hoê taurearea. E faataa ratou no te aha ratou e haere noa ˈi i te mau putuputuraa: te mau amuimuiraa maitatai, te haapiiraa no ǒ mai i te Atua ra e te mau aˈoraa faahiahia roa, o te tauturu ia ratou ia haapaiuma i te mau fifi o te mau mahana atoa e ia vai puai noa i te pae varua. E haamatara mai to ratou mau manaˈo e nafea tatou paatoa e haamaitaihia ˈi no to tatou haere-tamau-raa i te mau putuputuraa.
Himene 222 e pure faaotiraa.