Hiˈo-faahou-raa no te Haapiiraa o te Taviniraa Teotaratia

Hiˈo-faahou-raa ma te tapiri i te buka i te mau tumu parau tuatapapahia i roto i te Haapiiraa o te Taviniraa Teotaratia mai te hebedoma o te 5 no Tenuare e tae atu i to te 20 no Eperera 1998. A pahono i nia i te hoê papie taa ê i te mau uiraa atoa e nehenehe i roto i te area taime i faataahia.

[Nota: I te taime hiˈo-faahou-raa, o te Bibilia anaˈe te faaohipahia. Ua faahitihia te mau faahororaa i muri aˈe i te mau uiraa atoa no te faaohie i ta outou mau maimiraa. Aita te mau numera api e paratarapha o Te Pare Tiairaa i faahiti-pauroa-hia.]

A tuu “tano” aore ra “hape” i muri aˈe i te mau pereota i muri nei:

1. I roto i te Ohipa 15:29, ua riro te parau ra “Ia ora na” ei parau tǎpǔ e na ô ra e, ‘Ia haapae outou i te toto aore ra i te faaturi, e maitai ïa outou i te pae tino.’ [Taioraa Bibilia tahebedoma; hiˈo w91-TH 1/6 api 23 par. 7 nota i raro i te api.]

2. Ua turai te tapitapi rahi o Paulo no te maitai i te pae varua o te mau Kerisetiano no Korinetia, ia ˈna ia papai i ta ˈna rata matamua ia ratou i roto i te piti o to ˈna tere mitionare. [si api 198 par. 3]

3. E faariro na to Aiphiti ia Pharao ei faahohoˈaraa taata no Horus, e atua upoo manu. [w96-TH 15/1 api 24 par. 1]

4. I te mea e, i muri aˈe, ua farii maitai Iehova i te ô mai te sitona e vetahi atu mau hotu o te fenua, eita e ore e aita oia i farii i te ô a Kaina no te mea te vai ra te tahi mea ino i roto i to ˈna mafatu. (Gen. 4:3-5) [w96-TH 15/6 api 4 par. 8]

5. I roto i te Roma 8:6, 7, e tano te parau ra “tino” no to tatou hapa ei taata tia ore ma te mau hinaaro rave hara no ǒ mai i to tatou tupuna ra. [Taioraa Bibilia tahebedoma; hiˈo w91-TH 1/3 api 16 par. 4.]

6. Ia au i te Ephesia 5:33, te hoê vahine e faatura hohonu i ta ˈna tane, e ere ïa te auraa e eita ta ˈna e nehenehe e faaite i to ˈna mau manaˈo, mai te peu iho â râ e te vai ra te hoê ohipa e haapeapea ra ia ˈna. [kl api 144 par. 12-13]

7. Ia faaohipa te hoê Kerisetiano i te mau ture a te Bibilia i te pae morare e i te pae varua i roto i to ˈna oraraa, e tamâhia oia e te Parau a Iehova, e “horoihia” oia i te mau peu atoa ta te Atua ra o Iehova e riri ra. (Kor. 1, 6:9-11) [w96-TH 1/1 api 30 par. 4]

8. Na te aposetolo Paulo iho i bapetizo i te mau fetii o Setephano i Korinetia. [w96-TH 15/6 api 29 par. 2]

9. I roto i te Ohipa 20:20, e tano noa te parau ra “i tera fare, i tera fare” no te mau farereiraa a te mau tiai mamoe i te fare o te mau hoa faaroo, no te mea te faaite ra te irava i muri iho e, te parau ra o Paulo i te mau matahiapo o te amuiraa. [Taioraa Bibilia tahebedoma; hiˈo w91-TH 1/1 api 19 par. 5.]

10. Mai te peu e e haamataro tatou i to tatou mafatu ia haafaufaa i te mau mea pae varua, ma te pure ia noaa mai te varua o te Atua no te tauturu ia tatou i roto i teie tuhaa, i reira ïa tatou e haapae ai i te “hinaaro o te tino.” (Roma 8:6, 7) [Taioraa Bibilia tahebedoma; hiˈo w91-TH 1/3 api 16 par. 5.]

A pahono i te mau uiraa i muri nei:

11. Eaha te aamu i roto i te buka Ohipa e faaite ra e eita te heheu-noa-raa e te taioraa i te Parau a te Atua, e navai ia noaa mai te ite papu o te aratai i te hoê taata i nia i te eˈa o te ora? [Taioraa Bibilia tahebedoma; hiˈo w91-TH 1/9 api 7 par. 16.]

12. Eaha ta teie mau parau a Paulo e faaite ra: “Te feia mana e vai nei, ua haapaohia ïa e te Atua”? (Roma 13:1) [kl api 131 par. 7]

13. Na te aha e tapea ia tatou ia haava etaeta i to tatou mau taeae pae varua? [w96-TH 15/3 api 22 par. 6]

14. Eaha te mea e tauturu i te hoê vahine kerisetiano ia faatura hohonu i ta ˈna tane? (Eph. 5:33) [w96-TH 1/3 api 21 par. 5]

15. Eaha te huru haapiiraa tataitahi e faaitoitohia ra i roto i te Ohipa 17:11? [si api 193 par. 38]

16. I roto i ta ˈna rata i te mau Kerisetiano no Roma, eaha ta Paulo i faataa papu no nia i te mau ati Iuda e te feia e ere i te ati Iuda? [si api 194 par. 2]

17. Ia au i te Roma 12:2, i roto i teihea faito te mau Kerisetiano e taui ai i to ratou huru taata na roto i te mana o te Parau a te Atua? [Taioraa Bibilia tahebedoma; hiˈo w90-TH 1/4 api 15 par. 3.]

18. Eaha te “parau aro moˈa, MN” ta Paulo i faahiti i roto i te Roma 11:25? [Taioraa Bibilia tahebedoma; hiˈo w83-F 15/11 api 16 par. 16.]

19. No te aha te amuiraa kerisetiano e faatiahia ˈi ia tiavaru i te feia rave hara tatarahapa ore? (Kor. 1, 5:11, 13) [Taioraa Bibilia tahebedoma; hiˈo g96-TH 8/9 api 31 par. 2-3.]

20. Nafea te haapueraa i te auahi arahu i nia iho i te upoo o te hoê enemi e tauturu ai ia pohe te ino? (Roma 12:20, 21) [Taioraa Bibilia tahebedoma; hiˈo g86-F 22/1 api 6 par. 4.]

A faaî i te mau area i roto i te mau pereota i muri nei:

21. Ua faataa ˈtu o Philipa i te eunuka Etiopia ra e nafea te parau tohu a te ․․․․․․․․ i te tupuraa, e i to ˈna maramaramaraa, ua ani ihora teie taata ma te haehaa i te ․․․․․․․․. (Ohi. 8:28-35) [si api 192 par. 33]

22. I te tuatapaparaahia te parau no te ․․․․․․․․, ua haapapu o ․․․․․․․․ i ta ˈna faaotiraa ma te parau e: “Te au nei hoi te parau a te mau peropheta ra i te reira, oia hoi tei papaihia ra.” (Ohi. 15:15-18) [Taioraa Bibilia tahebedoma; hiˈo si api 192 par. 33.]

23. E tauturu te ․․․․․․․․ ia tatou ‘ia faariro ia vetahi ê ei mea teitei aˈe ia tatou iho,’ area te ․․․․․․․․ ra, e tauturu oia ia “faaoromai maite i te ino.” (Phil. 2:3, MN; Tim. 2, 2:24, 25) [w96-TH 15/5 api 21 par. 5]

24. Ia au i te faahohoˈaraa a Paulo no nia i te tumu olive taipe i roto i te Roma pene 11, i te mea e no roto mai na opu 12 o Iseraela ia Aberahama na roto ia Isaaka, no roto atoa mai ïa na opu taipe 12 o te ․․․․․․․․ ia ․․․․․․․․ na roto ia ․․․․․․․․. [Taioraa Bibilia tahebedoma; hiˈo w83-F 15/11 api 16 par. 15.]

25. Mai ta Iehova i turu i te mau ati Iseraela i puhapa i te Medebara i ․․․․․․․․ ra, e nehenehe oia e turu ia tatou i roto i teie ․․․․․․․․. [w96-TH 15/8 api 7 par. 1-2]

A reni i te mau pahonoraa tano i roto i te mau faahitiraa i muri nei:

26. E ta ˈna oreroraa parau i roto i te Ohipa pene 17, ua faaite o Paulo ma te aravihi i te (mana arii; parau-tia; here) o te Atua ora. [Taioraa Bibilia tahebedoma; hiˈo si api 193 par. 37.]

27. Ua haapopou o (Paulo; Petero; Luka) i te feia no (Berea; Makedonia; Ierusalema), ma te pii ia ratou e feia “maitai mau.” (Ohi. 17:11) [Taioraa Bibilia tahebedoma; hiˈo w95-TH 1/5 api 13 par. 3.]

28. Te haavare e faahitihia ra i roto i te Roma 1:25, o (te haamoriraa idolo; te mau peu taatiraa viivii; te peu haavare) ïa. [Taioraa Bibilia tahebedoma; hiˈo ad api 998 par. 1.]

29. I te parau mau, mea pinepine na (te taata iho; te Atua e te Mesia; Satani e te mau demoni) te hape, ia ore anaˈe te mau ohipa e afaro. [w96-TH 1/9 api 5 par. 3]

30. Ua papai o Paulo i ta ˈna rata matamua i to Korinetia a parahi ai oia i (Roma; Ephesia; Korinetia) i te area matahiti (52; 55; 56) T.T. [si api 198 par. 3]

A faatuati i te mau pereota i muri nei i te mau irava e tano:

Sal. 73:28; Mas. 24:3; Isa. 65:13; Kor. 2, 4:18; Kor. 2, 12:7-9

31. E tia ia tatou ia hiˈo atea ˈtu â i te mau huru tupuraa no teie nei, ma te tiatonu i to tatou mata i nia i te faahopearaa oaoa o te hororaa kerisetiano. [w96-TH 15/2 api 27 par. 3-4]

32. Te horoa mai nei te Bibilia i te mau faaueraa tumu tei au i te mau mauhaa e tauturu ia tatou ia patu i te hoê utuafare oaoa. [kl api 140 par. 3]

33. E fanaˈo te feia e haafatata ˈtu ia Iehova i te oaoaraa mau e te hau o te feruriraa. [kl api 151 par. 3]

34. I te roaraa o te aamu, ua horoa mai o Iehova i te maa varua na to ˈna nunaa i faanahohia ei pǔpǔ. [kl api 162 par. 6]

35. E nehenehe o Iehova e faatia i te hoê tupuraa teimaha ia tamau noa i te hoê area taime, tera râ, e pahono mai oia i te mau pure e ua ite oia eaha te taime tano maitai oia e na reira ˈi. [kl api 156 par. 15]