Mau parau faaite

◼ Mau papai e pûpûhia i te avaˈe Tenuare: Te mau buka atoa 192 api i neneihia hou te matahiti 1985 e vai ra i roto i te amuiraa no te tino moni e 80 tara. Te mau amuiraa aita ta ratou teie mau buka, e pûpû ïa ratou i te buka ra E nehenehe oe e ora e a muri noa ˈtu i roto i te paradaiso i nia i te fenua nei no te tino moni e 200 tara. Febuare: Te Apokalupo: Ua fatata roa to ˈna tatararaa rahi hopea nei! no te tino moni e 200 tara. Mati: Te ite e aratai i te ora mure ore no te tino moni e 80 tara. E tutava taa ê tatou i te haamata i te mau haapiiraa Bibilia. Eperera: Te Pare Tiairaa e A ara mai na!

◼ I te putuputuraa no te taviniraa i te hebedoma o te 5 no Tenuare, e horoahia na te feia poro bapetizohia atoa i tae mai te hoê parau “Attestation prévisionnelle” e te parau “Document d’identité médical” no ta ratou mau tamarii.

◼ Mai te avaˈe Febuare atu, aore ra mai te 1 no Mati atu, e vauvau te mau tiaau haaati i te hoê oreroraa parau huiraatira apî, “Te vai ra anei ia outou te manaˈo o te Atua no nia i te ora?”

◼ E rave te mau amuiraa i te mau faanahoraa e tano no te oroa Haamanaˈoraa, o te faatupuhia i teie matahiti i te Mahana maa 11 no Eperera, i muri aˈe i te toparaa mahana. E faahaerehia te mau taoˈa taipe, te pane e te uaina, i muri aˈe i te toparaa mahana, eiaha râ na mua ˈˈe, noa ˈtu e e nehenehe te oreroraa parau e haamata na mua ˈˈe. A hiˈo maitai i te hora o te toparaa mahana i to outou vahi. Mea maitai aˈe ia faanaho te amuiraa tataitahi i ta ˈna iho oroa Haamanaˈoraa, noa ˈtu e eita e nehenehe e na reira noa. I te vahi i reira e putuputu ai e rave rahi amuiraa i roto i te hoê â Piha no te Basileia, peneiaˈe e nehenehe hoê amuiraa aore ra hau atu, e faaohipa i te tahi atu vahi i taua po ra. Eiaha e faataere i te haamataraa o te oroa Haamanaˈoraa e fifihia ˈtu ai te feia e anaanatae apî maira i te parau mau. Hau atu, eiaha atoa te mau hora ia piri roa e inaha aita ˈtura e taime na mua ˈˈe e i muri aˈe i te oroa, no te aroha i te mau manihini, no te pûpû atu i te tauturu tamau i te pae varua aore ra no te faaitoito i te tahi e te tahi. I muri aˈe i te tuatapapa-maitai-raa i te mau tuhaa atoa, e faaoti te mau matahiapo e eaha te faanahoraa e tano ia nehenehe te feia atoa o te tae mai i te oroa Haamanaˈoraa ia faufaahia.

◼ E vauvauhia te oreroraa parau taa ê no te tau o te oroa Haamanaˈoraa i te Sabati 29 no Mati. E faataehia ˈtu te tino parau o te oreroraa. Te mau amuiraa e terehia ra e te tiaau haaati, e tairururaa haaati aore ra e mahana tairururaa taa ê ta ratou i taua hebedoma ra, e faaroo ïa ratou i te oreroraa parau taa ê i te hebedoma i muri iho. Eiaha te tahi noa ˈˈe amuiraa ia vauvau i teie oreroraa parau na mua ˈˈe i te 29 no Mati 1998.

◼ E tia i te tino matahiapo ia ite e, mea faufaa ia rave i te mau tauiraa i muri nei ia haere anaˈe te amuiraa i te hoê tairururaa: I te hebedoma o te mahana tairururaa taa ê, e tia ia faatupuhia te mau putuputuraa a te amuiraa mai tei matauhia, area te putuputuraa huiraatira e te haapiiraa no Te Pare Tiairaa ra, e faaorehia ïa. I te hebedoma o te tairururaa haaati, e faaore atoa te amuiraa i te Haapiiraa o te Taviniraa Teotaratia e te putuputuraa no te taviniraa; o te haapiiraa buka anaˈe te faatupuhia i taua hebedoma ra.

◼ Mai te hebedoma o te 4 no Me 1998, e tae atu i te hebedoma o te 14 no Setepa 1998, e haapiihia te buka ra Te Bibilia—Parau na te Atua aore ra na te taata? i roto i te mau haapiiraa buka.

◼ Mau papai apî e vai ra:

Farani: E hiˈopoa anaˈe i te mau Papai i te mau mahana atoa—1998; Kalena a te mau Ite no Iehova 1998. Tahiti: E hiˈopoa anaˈe i te mau Papai i te mau mahana atoa—1998.

◼ Ripene haruharu apî e vai ra:

Farani: Eaha ta te Atua e titau ra ia tatou?

◼ Mau pehe uira apî e vai ra:

Beretane: Singing Kingdom Songs (e haruharuraa teie no te mau himene na roto i te reo Beretane, e teie te mau reta haapoto cds); Pehe o te Basileia, Pehe 6 (cdm-6).

◼ Buka tei pau:

Tahiti: Te Bibilia, buka anaana parauhia de luxe.